Monthly Archives: March 2017

Kama Una ‘Smartphone’ Na Unalia Huna Biashara Au Kazi, Umejitakia Mwenyewe.

Robert Kiyosaki, mwandishi maarufu wa kitabu RICH DAD POOR DAD anasema kwamba, KAMA UNA SMARTPHONE NA BADO NI MASIKINI, BASI UNA TATIZO KUBWA.

Tunaishi kwenye zama bora sana kuwahi kutokea hapa duniani. Katika zama hizi, unaweza kutengeneza kipato popote ulipo na bila hata ya kuajiriwa au kufungua eneo la biashara.

Simu yako ya mkononi yenye mtandao wa intaneti, ni biashara tosha inayoweza kukutoa kwenye umasikini mpaka utajiri.

Angalia somo hili la leo ili kujifunza JINSI UNAVYOWEZA KUTENGENEZA KIPATO KWENYE MTANDAO WA INTANETI.

Kuangalia somo hili bonyeza maandishi haya kama hujaliona hapo juu.

Unaweza pia kujifunza zaidi kwa kutembelea www.mtaalamu.net hapo utajifunza kila kitu kuhusu kutengeneza fedha kwenye mtandao.

Pia nimeandika kitabu kinaitwa JINSI YA KUTENGENEZA FEDHA KWENYE MTANDAO KWA KUTUMIA BLOG, kitabu ni softcopy (pdf) na kinatumwa kwa email.

Kupata kitabu hichi, tuma fedha tsh 10,000/= kwenye namba 0717 396 253 au 0755 953 887 kisha tuma email yako kwenye moja ya namba hizo na utatumiwa kitabu.

Karibu sana ujifunze namna ya kuigeuza simu yako kuwa ofisi yako. Usilie tena umasikini kwenye zama hizi ambazo unaweza kutembea na biashara popote pale ulipo.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK.

Makirita Amani,

Kocha wa mafanikio, Mwandishi na Mjasiriamali.

Karibu sana kwenye MTAALAMU NETWORK uweze kutengeneza kipato kupitia mtandao wa intaneti.

Kujua huduma za blog tunazotoa BONYEZA MAANDISHI HAYA.

Kusoma makala zetu za mbinu na maarifa ya kutengeneza kipato kupitia mtandao wa intaneti BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Njia Kumi (10) Za Kutengeneza Fedha Kwenye Mtandao Wa Intaneti Kwa Wenye Taaluma Ya Ualimu.

Ualimu ni moja ya taaluma muhimu sana kwenye jamii yoyote. Walimu ndiyo wanaoijenga jamii kutokana na malezi wanayotoa kwa watoto ambao ni kizazi kinachokuja.

Pamoja na umuhimu huu mkubwa wa taaluma ya ualimu, maslahi yamekuwa siyo mazuri. Walimu wamekuwa ndiyo watu wa kulalamika kila siku kuhusu mishahara midogo na kutokuendana na gharama za maisha. Hapo bado hujaangalia wale ambao wamehitimu taaluma hii lakini hawakupata kazi.

Kauli za viongozi wengi zimekuwa ni kwamba kama umekosa kazi au kama kipato hakikutoshi basi jiajiri. Lakini walimu wengi wamekuwa wakilalamika kwamba wao wanawezaje kujiajiri kwa taaluma yao? Mtu atawezaje kwenda kuanzisha shule yake binafsi wakati hana kazi kabisa, au mshahara wake haumtoshi?

Njia rahisi ya kujiajiri au kujiongezea kipato iliyokuwa imezoeleka na walimu ilikuwa kutoa masomo ya ziada kwa wanafunzi maarufu kama tuition, lakini hii pia imepigwa marufuku maeneo ya shuleni.

FEDHA KWA BLOG

Hali kama hizi zinawafanya walimu wajione hawawezi kuondoka kwenye matatizo waliyopo. Lakini leo nataka kuzungumza na kila mwalimu ya kwamba ipo njia rahisi ya wewe kujiajiri, itakayokuwezesha kutengeneza kipato cha ziada, bila ya kuacha kile unachofanya sasa.

Njia hii ni kujiajiri na kutoa huduma kupitia mtandao wa intaneti.

Sasa hivi karibu kila mtu mwenye simu anatumia mtandao wa intaneti, na namba inazidi kuongezeka kila mwaka. Hivyo walimu wanaweza kutumia mtandao huu wa intaneti kuweza kutoa huduma kwa wale wenye uhitaji, na baadaye wakaweza kutengeneza kipato.

Kwenye mtandao wa intaneti, unatoa maarifa na taarifa zinazowasaidia watu kufanya maamuzi bora kabisa ya maisha yao.

Kabla ya kuangalia mwalimu anawezaje kutengeneza fedha kwenye mtandao wa intaneti, kwanza soma vitu vitatu muhimu unavyohitaji kuwa navyo ili kutengeneza fedha kwenye intaneti. Visome kwa kubonyeza maandishi haya.

Zifuatazo ni njia kumi(10) anazoweza kutumia mwalimu kutengeneza fedha kwenye mtandao wa intaneti.

  1. Kuandika makala zinazohusu elimu kwa ujumla. Hapa itakuwezesha kujijenga kama mtaalamu wa elimu na hivyo kupata fursa zaidi za kushauri na kufundisha kuhusu elimu.
  2. Kuuza vifaa vya ufundishaji ambavyo umetengeneza au kuandaa mwenyewe. Kama mwalimu unaweza kuwa na notes nzuri ulizoandaa, maswali mazuri na vitu vingine vinavyoweza kutumika kufundisha. Unaweza kuzitengeneza vizuri na kuziuza kupitia mtandao wa intaneti.
  3. Kuandika kuhusu malezi ya watoto. Moja ya vitu ambavyo walimu wanajifunza ni malezi, kitu ambacho wazazi wengi hawajajifunza. Hivyo mwalimu anaweza kuwa anatoa mafunzo ya aina hii na baadaye kuwa mshauri au kutoa mafunzo ya kulipia juu ya malezi bora ya watoto.
  4. Kupata fursa ya kufundisha watoto masomo ya ziada majumbani kwao. Kwa kuwa tuition mashuleni zimekatazwa, mwalimu anaweza kutoa masomo ya ziada kwa kuwafuata wanafunzi kule walipo. Kwa kutumia mtandao wa intaneti, mwalimu anaweza kuwafikia wateja wake wa huduma ya masomo ya ziada.
  5. Kuandaa kozi utakayoitoa kwa njia ya mtandao. Kupitia mtandao wa intaneti, mwalimu anaweza kuandaa na kutoa kozi ambayo watu watajiandikisha na kulipia. Kozi hii inaweza kuhusu mambo mbalimbali yanayoweza kuwasaidia watu.
  6. Kuandika kitabu na kukiuza kwa njia ya mtandao. Kitabu hiki unaweza kukichapa au kukiuza kama nakala tete.
  7. Kutoa ushauri na mafunzo kwa walimu waliopo vyuoni bado, namna bora ya kusoma na kufaulu mitihani, mambo muhimu ya kuzingatia wanapoanza kazi na hata namna ya kuendeleza na kukuza taaluma zao.
  8. Kuandaa mtaala unaoweza kutumiwa na watu wanaolenga kutoa mafunzo fulani. Kama mwalimu una uzoefu juu ya mitaala, unaweza kutumia uzoefu huo kusaidia wengine wanaoanza kutoa mafunzo mbalimbali.
  9. Kutumia vipaji na uwezo ulionao kutengeneza fedha kwenye mtandao. Hapa unaweza kuandika au kufundisha juu ya vitu vingine unavyojua, ulivyozoea au unavyopenda nje ya ualimu.
  10. Kutumia mtandao wa intaneti kutangaza na kukuza biashara zako nyingine ulizonazo tayari. Kama tayari umeshaanza biashara nyingine, unaweza kutumia mtandao wa intaneti kuzikuza zaidi.

Wakati wa kulalamika kwamba wewe kama mwalimu huna njia za kuongeza kipato zimepitwa na wakati. Una taaluma muhimu sana na zipo njia za bure kabisa kwako kuzitumia kuweza kutengeneza fedha kwa taaluma uliyonayo. Anza kufanyia kazi hayo niliyokushirikisha, na kama utapenda ushauri wangu wa karibu zaidi na hata kukuongoza kwenye hilo, nitafurahi sana kufanya kazi na wewe. Tuwasiliane kwa njia ya wasap namba 0717396253. Karibu sana.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK.

Makirita Amani,

Kocha wa mafanikio, Mwandishi na Mjasiriamali.

Karibu sana kwenye MTAALAMU NETWORK uweze kutengeneza kipato kupitia mtandao wa intaneti.

Kujua huduma za blog tunazotoa BONYEZA MAANDISHI HAYA.

Kusoma makala zetu za mbinu na maarifa ya kutengeneza kipato kupitia mtandao wa intaneti BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Njia Kumi (10) Unazoweza Kuanza Kutumia Leo Kutengeneza Fedha Kwenye Mtandao Wa Intaneti.

Je wewe unatumia mtandao wa intaneti? Una simu janja (smartphone) ambayo unaweza kuitumia kutembelea mitandao ya kijamii? Najua majibu yako ni ndiyo, kwa sababu mpaka umesoma hapa, lazima uwe unatumia mtandao wa intaneti.

Sasa swali muhimu zaidi ni hili;

Je umekuwa unatengeneza fedha kwenye mtandao huu wa intaneti kadiri unavyoutumia? Ulishatengeneza hata elfu moja, elfu kumi, laki na hata milioni? Kwa wengi ninaowajua, jibu lao ni hapana. Wao wamekuwa watumiaji pekee, lakini hawajawahi kutengeneza fedha kwenye mtandao huu wa intaneti.

Sasa leo nina habari njema kwako, kama na wewe ni mmoja wa wale ambao wanatumia mtandao lakini hawaingizi kipato kupitia mtandao wa intaneti. Leo nakwenda kukuambia ya kwamba, kwa hapo ulipo sasa, unaweza kutengeneza kipato kwenye mtandao wa intaneti.

Huhitaji kuwa na elimu ya ziada, huhitaji kuwa na mtaji wa kuanzia, wala huhitaji kuwa na vifaa vingi. Unachohitaji tayari unacho, ambacho ni simu yako janja (smartphone) na kompyuta kama unaweza kupata.

Je unawezaje kutumia mtandao wa intaneti kutengeneza kipato?

Hapo ndipo pazuri na ndiyo utakachokwenda kujifunza kupitia makala hii.

Kwanza kabisa kabla hujafikia kutengeneza fedha, unahitaji kutengeneza vitu vitatu.

Kitu cha kwanza; kuwa kwenye mitandao ya kijamii kibiashara.

Najua upo kwenye mitandao mingi ya kijamii, wasap, facebook, instagram na mingine ya aina hiyo. Lakini sina hakika ni mambo gani unafanya kwenye mitandao hiyo. Huenda umekuwa unafuatilia tu mambo ya watu, huenda umekuwa kwenye timu za kishabiki. Kwa njia hiyo huwezi kutengeneza fedha.

Ili uweze kutengeneza fedha kwenye mtandao, unahitaji kuwa kwenye mitandao ya kijamii kibiashara. Na hapa unachagua ni huduma gani ya maarifa na taarifa unaweza kuwapa wengine kupitia mitandao ya kijamii unayotumia. Maarifa na taarifa hizi unaweza kuzitoa kutokana na uzoefu ulionao, utaalamu ulionao na hata ujuzi ulionao.

Hivyo chagua mitandao ya kijamii unayoweza kuitumia kutoa maarifa na taarifa. Mizuri kwa kuanzia ni facebook, instagram na wasap.

Kitu cha pili; unahitaji kuwa na blog.

Blog ndiyo nyumbani kwako kwenye mtandao wa intaneti. Hapo ndipo watu wanapokutana na kazi zako zote. Kazi zako haziwezi kupotea kama umeziweka kwenye blog yako. Kwenye mitandao ya kijamii zinaweza kupitwa na kusahaulika, ila kwenye blog zitakuwepo milele.

Unahitaji kuwa na blog ambayo utaitumia kutoa taarifa na maarifa uliyodhamiria kuwapa watu ili baadaye uweze kutengeneza kipato.

Kitu cha tatu; unahitaji mfumo wa kutunza na kutuma barua pepe (email list).

Watu wanaokusoma na kukufuatilia kupitia mitandao ya kijamii na blog yako, watapenda kusikia zaidi kutoka kwako, hivyo wape nafasi ya kukupa wewe mawasiliano yao, moja wapo email ili uwe unawatumia vitu vizuri zaidi.

Watu hawa wanaokupa mawasiliano yao ni watu ambao wanakukubali na watakuwa tayari kupokea maarifa na taarifa zaidi kutoka kwako. Watumie maarifa na taarifa zaidi kwenye email zao na baadaye utaweza kutengeneza kipato kwenye mtandao.

Ukishakuwa na vitu hivyo vitatu muhimu, sasa unakuja kwenye kutengeneza fedha kwenye mtandao.

Zipo njia nyingi sana za kutengeneza fedha kwenye mtandao kwa kutumia blog. Hapa nitazitaja zile muhimu na nitazielezea zaidi kwenye makala zijazo.

  1. Kutangaza biashara yako na biashara za wengine kupitia mitandao ya kijamii na blog yako.
  2. Kutengeneza maarifa yako kwenye mfumo mzuri na kuwauzia wasomaji wako, kama cd, dvd, kitabu n.k
  3. Kuendesha semina kwa wasomaji wako, kwa njia ya kukutaka ana kwa ana au kwa njia ya mtandao.
  4. Kutangaza huduma zako nyingine kama ushauri.
  5. Kutoa makala za kulipia na watu kuwa wanachama wa blog yako.
  6. Kuuza bidhaa zinazoendana na maarifa unayotoa kupitia mtandao wa intaneti.
  7. Kuweka matangazo ya google na kulipwa kadiri watu wanavyobonyeza.
  8. Kushirikiana na makampuni au mashirika yanayoendana na maarifa unayotoa.
  9. Kutengeneza kundi la mafunzo kupitia mtandao wa wasap.
  10. Kuwaunganisha wasomaji wako na watu wenye huduma ambazo wanazihitaji.

Hizi ni njia za msingi kabisa unazoweza kuanza kuzitumia leo kutengeneza fedha kwenye mtandao.

Tutaendelea kuzichambua moja baada ya nyingine kwenye makala zijazo.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK.

Makirita Amani,

Kocha wa mafanikio, Mwandishi na Mjasiriamali.

Karibu sana kwenye MTAALAMU NETWORK uweze kutengeneza kipato kupitia mtandao wa intaneti.

Kujua huduma za blog tunazotoa BONYEZA MAANDISHI HAYA.

Kusoma makala zetu za mbinu na maarifa ya kutengeneza kipato kupitia mtandao wa intaneti BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.