Monthly Archives: May 2017

Unapolalamika Kuhusu Mitandao Ya Kijamii, Umeamua Kupoteza Fursa Ya Kutengeneza Fedha.

mtaalamu 1

Facebook ni mtandao wa kijamii namba moja duniani.

Ni mtandao wenye watumiaji wengi na hata wenye mapato makubwa zaidi.

Kadiri siku zinavyokwenda, mtandao huu mkubwa, unazidi kununua mitandao mingine midogo midogo. Ni kama vile facebook inataka kutawala mitandao yote ya kijamii.

Tukiangalia ni kitu gani kinapoteza muda sana katika zama hizi, mitandao ya kijamii inaongoza. Inaonekana kama watu hawawezi kukaa dakika 30 bila ya kuchungulia kwenye mitandao ya kijamii. facebook, instagram na wasap, ni mitandao inayotumiwa sana, na yote ipo chini ya kampuni ya facebook.

Hivyo pamoja na mitandao hii kuwa inawapotezea watu muda, bado ndivyo watu wanavyozidi kuitumia. Hii ni kwa sababu mitandao hii imetengenezwa makusudi kabisa kuwafanya watu waitegemee kama sehemu ya maisha yao. Mtu aone asipoingia kwenye mtandao wa kijamii, kipo kitu kikubwa sana ambacho anakipoteza. Wakati siyo ukweli.

Kadiri watu wanavyopoteza muda wao kwenye mitandao hii ya kijamii, ndivyo mitandao hii inavyotengeneza faidia kubwa. Kwa sababu biashara kubwa ya mitandao hii ni kuuza matangazo, na bei ya matangazo inakuwa kubwa pale watu wengi wanapoona matangazo hayo.

Ili facebook iendelee kuwa kwenye biashara, lazima iendelee kuufanya mtandao wao kuwa tegemezi kwa wengi zaidi.

Sasa turudi kwako, unapoona watu wanapoteza muda kwenye mitandao ya kijamii unafanya nini? Labda utakuwa unalalamika na kuona kwa nini watu hao wanafanya hivyo. Na vipi inapokuwa kwamba wewe mwenyewe ndiyo unapoteza muda kwenye mitandao hii?

Kwa nilichojifunza kwa uzoefu, hata uwapigie watu kelele kiasi gani, hawataacha kupoteza muda kwenye mitandao ya kijamii. Na hata ukiwashauri vipi, bado wataendelea kutembelea mitandao hii. Kwa sababu siyo makosa yao, bali nguvu ya mitandao hii ni kubwa sana kuweza kupingana nayo.

Hivyo basi, badala ya kulalamika kuhusu watu kupoteza muda kwenye mitandao ya kijamii, badala ya kulalamika kuhusu wewe mwenyewe kupoteza muda kwenye mitandao hii, kwa nini usianze kunufaika na mitandao hii?

Unajua ya kwamba unaweza kutengeneza kipato kupitia matumizi yako ya mitandao ya kijamii, tena kwa kuendelea kufanya kile ambacho unafanya sasa?

Hicho ndiyo nataka kukushirikisha hapa. Kwamba uache kulalamika kuhusu kupoteza muda, na badala yake utumie hiyo kama fursa ya kutengeneza kipato. Unachohitaji ili kutengeneza fedha kwenye mitandao hii, ni kuwepo kwenye mitandao hii, kitu ambacho tayari umeshafanya, kuwa na blog ambayo itakuwa nyumbani kwako na hatimaye uweze kuwauzia watu huduma na bidhaa zako.

Unahitaji kuwa na blog, na katika blog hiyo utakuwa unaweka maarifa na taarifa mbalimbali unazopenda kufuatilia. Kupitia taarifa na maarifa hayo, unatengeneza watu ambao wanapenda kufuatilia kazi zao, na baadaye unaweza kuwauzia bidhaa na huduma zako nyingine.

Ni kitu ambacho unaweza kukifanya huku unaendelea kufanya kile unachofanya sasa, na baadaye ukanufaika sana.

Anza sasa kubadili matumizi yako ya mitandao ya kijamii. Na kama utapenda ushauri zaidi wa namna ya kutumia mitandao ya kijamii kutengeneza kipato, nitumie ujumbe kwa wasap kwenye namba 0717396253 na nitakupa mpango mzuri unaoweza kuutumia kutengeneza kipato.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK.

Makirita Amani,

Kocha wa mafanikio, Mwandishi na Mjasiriamali.

Karibu sana kwenye MTAALAMU NETWORK uweze kutengeneza kipato kupitia mtandao wa intaneti.

Kujua huduma za blog tunazotoa BONYEZA MAANDISHI HAYA.

Kusoma makala zetu za mbinu na maarifa ya kutengeneza kipato kupitia mtandao wa intaneti BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Itumie Blogu Yako Kama Jukwaa Lako.

Moja ya vitu ambavyo kila mtu anahitaji kwenye zama hizi za taarifa ni jukwaa. Jukwaa ni ile nafasi ambayo mtu anakuwa nayo, ambapo watu wanamsikiliza na kumfuatilia. Yapo majukwaa mbalimbali, majukwaa ya utaalamu, majukwaa ya sanaa, majukwaa ya kisiasa na hata majukwaa ya kibiashara.

Katika ulimwengu huu wa zama za taarifa, majukwaa yameongezeka zaidi. Mtandao wa intaneti umeleta urahisi wa kila mtu kuweza kuwa na jukwaa lake mwenyewe, kwa namna anavyochagua yeye mwenyewe.

Kwa majukwaa ya zamani, ilibidi mtu awe ameidhinishwa kuweza kufuatiliwa na kusikilizwa na wengine. Kwa mfano kwa jukwaa la utaalamu, ilibidi uwe umesomea na kupata vyeti fulani ndiyo uweze kuwa na jukwaa la utaalamu fulani. Au kama ni jukwaa la sanaa, ilibidi msanii awe amekubalika na wale wanaorekodi na kukuza sanaa.

Lakini kwenye ulimwengu wa sasa, huhitaji tena mtu wa kukupa jukwaa, husubiri tena mpaka mtu akuchague na kukudhibitisha. Sasa unaweza kujichagua wewe mwenyewe, kujipa jukwaa na ukapata watu wa kukusikiliza.

Zipo njia nyingi za kujipa jukwaa kwenye mtandao wa intaneti. Unaweza kuwa na tovuti, kuwa na blogu au kutumia mitandao ya kijamii kama jukwaa lako. Ni wewe mwenyewe unachagua kulingana na uhitaji wako.

Katika njia hizi nyingi za kuwa na jukwaa kwenye zama hizi, blogu ni njia bora zaidi ya kufanyia kazi. Hii ni kwa sababu blog ni rahisi kuendesha, huhitaji kuwa na utaalamu mkubwa kufanya hivyo. Na pia blogu inatunza kazi zako vizuri, mtu yeyote anaweza kuzikuta kazi zako zote mahali pamoja, tofauti na mitandao ya kijamii ambayo siyo rahisi mtu kukuta kazi zako kwa pamoja.

Tumia nafasi uliyonayo sasa kujenga jukwaa lako, kwa kuandika kile ambacho ungependa wengine wakijue ili waweze kuboresha maisha yako. Usisubiri mtu akuchague, jichague wewe mwenyewe sasa, na tumia blogu kuwa jukwaa lako. Toa taarifa na maarifa yanayoongeza thamani kwenye maisha ya wengine.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK.

Makirita Amani,

Kocha wa mafanikio, Mwandishi na Mjasiriamali.

Karibu sana kwenye MTAALAMU NETWORK uweze kutengeneza kipato kupitia mtandao wa intaneti.

Kujua huduma za blog tunazotoa BONYEZA MAANDISHI HAYA.

Kusoma makala zetu za mbinu na maarifa ya kutengeneza kipato kupitia mtandao wa intaneti BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Msomaji Bora Sana Wa Makala Na Blogu Yako Ni Huyu.

Kosa kubwa ambalo waandishi wengi wapya wamekuwa wanalifanya ni kutaka kuandika kitu ambacho kitasomwa na kila mtu. Yaani unataka uandike na kila mtu awe msomaji wako. Kwa njia hii siyo tu utashindwa kumpata kila mtu, ila pia hutapata msomaji hata mmoja.

Unapoandika makala ambayo unataka kumlenga kila mtu, unaishia kuwa na makala ambayo haimlengi mtu yeyote. Hivyo unakuwa umepoteza muda wako na rasilimali zako kufanya kitu ambacho hakuna uzalishaji.

Njia bora kabisa unayoweza kuitumia kwenye uandishi, ni kuanza na msomaji mmoja. Unahitaji kuwa na msomaji mmoja wa mfano, ambaye utakuwa unamwandikia yeye. Hapa unakuwa na mtu ambaye unajua ana uhitaji fulani, au ana changamoto fulani anazotaka kutatua, sasa unamwandikia mtu huyo.

Kwa kufanya hivi, makala yako itakuwa na msaada wa moja kwa moja kwa yule mwenye ile shida au changamoto uliyoandikia kwenye makala yako. Uzuri ni kwamba watakuwepo watu wanaohangaika na lile ambalo umeliandika. Watu hawa wataona makala ile ni yao moja kwa moja na wataweza kuondoka na hatua za kuchukua.

Unaweza kuwa na watu wengi uwezavyo, kulingana na maeneo ambayo unaandikia, lakini kwa kuanza usiwe na watu wengi sana wa mfano. Unaweza kuchagua kuwa na watu watatu wa mfano ambao unawaandikia kila siku.

Katika kutengeneza watu wa mfano, zipo njia mbili;

Njia ya kwanza ni kuamua kumtengeneza mtu mwenyewe kulingana na namna unavyoona watu wanasumbuka na kile ambacho umechagua kufanya. Hapa wewe mwenyewe unachagua kuandika makala za kutatua changamoto fulani, au kutoa maarifa fulani.

Njia ya pili ni kwa kufanya utafiti wa wasomaji wako ambao tayari unao. Hapa unaandaa fomu fupi ya wasomaji wako kujaza. Katika fomu hii utataka wajaze umri wao, wanakopatikana, shughuli zao, changamoto zao, kipato chao na sifa nyingine zitakazokuwezesha wewe kuwaandalia makala zitakazowasaidia vizuri.

Kwa vyovyote vile, ni muhimu unapoandika makala yoyote, ndani ya akili yako kuwe kuna mtu ambaye unamlenga moja kwa moja. Iwe ni kwa kumtengeneza, au kwa utafiti uliofanya.

Kama hujapata mtu wa kuweza kumwandikia moja kwa moja, basi jiandikie wewe moja kwa moja. Jiangalie wewe mwenyewe unasumbuka na nini, ni changamoto zipi unataka kutatua, ni vitu gani unahitaji kujifunza. Jiandikie makala itakayokusaidia wewe, na watakuwepo watu wengine wanaosumbuka kama wewe na makala yako itawasaidia sana.

Waandishi wengi wanaogopa kutumia mbinu hii ya kuandaa makala inayowalenga watu wachache, kwa kuhofia watapata wasomaji wachache. Lakini ukweli ni kwamba, unachotaka wewe siyo wasomaji wengi, bali wasomaji ambao watajali kile unachoandika, ambao watasubiri kwa hamu kusikia kutoka kwako, ambao watachukua zile hatua ambazo umewashauri kuchukua.

Kama wasomaji hawa watakuwa kumi, upo pazuri, kama watakuwa 100 unafanya kazi kubwa sana, na kama watakuwa 1000, umeshaijua siri ya mafanikio kupitia uandishi.

Chagua mtu au watu wachache wa mfano, ambao utawaandikia moja kwa moja kwenye kila makala unayoandika. Usipoteze muda wako kuandika makala ambayo unafikiri kila mtu ataipenda, utakosa kila mtu.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK.

Makirita Amani,

Kocha wa mafanikio, Mwandishi na Mjasiriamali.

Karibu sana kwenye MTAALAMU NETWORK uweze kutengeneza kipato kupitia mtandao wa intaneti.

Kujua huduma za blog tunazotoa BONYEZA MAANDISHI HAYA.

Kusoma makala zetu za mbinu na maarifa ya kutengeneza kipato kupitia mtandao wa intaneti BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.