Monthly Archives: July 2017

Usiangalie Washindani Wako, Angalia Hadhira Yako Pale Unapotoa Ujumbe.

Kwa asili, sisi binadamu tunapenda ushindani, tunapenda kushinda na kuhakikisha tupo sahihi zaidi ya wengine. Lakini kitu pekee ambacho mtu anapata kwenye ushindani ni maumivu ya kichwa. Zaidi ya ufahari (ego) kwamba umeshinda, hakuna kingine bora unachopata kwenye ushindani zaidi ya kupoteza muda, nguvu na hata fedha.

Kwenye uandishi pia kumekuwa na ushindani mkubwa. Inawezekana wakajitokeza watu wanaopinga kile unachoandika, au wakaiga kile unachoandika wewe. Je unafanya nini kwenye hali kama hii?

Hatua ya kwanza kwa wengi ni kutaka kushindana, kutaka kuwakosoa, kuwaonesha kwamba wewe ndiyo upo sahihi na wao wanakosea. Lakini unajua hilo litapelekea nini? Wao kujitetea zaidi, na kukupinga zaidi, na hata wakiweza kukudhalilisha zaidi. Watakusumbua sana na watakutoa wewe kwenye mstari mzuri wa kuwapa wasomaji wako kile ambacho wanakipata kutoka kwako.

Ndiyo maana ninakuambia, usishindane wala kutaka kuwasahihisha wanaokupinga. Haijalishi unafanya nini kwenye hii dunia, wapo watu ambao watakupinga, wapo watakaokuiga. Lakini pia wapo watakaokukubali, na wapo wengine wala hata hawajali unafanya nini.

Hivyo wajibu wako wewe, ni kwenda na wale wanaokukubali, wape kile ambacho kinawasaidia, wawezesha kuwa na maisha bora zaidi na utanufaika kwa hilo.

SOMA;Usiandike Kwa Sababu Hizi, Utajipoteza Wewe Mwenyewe

Na kuhusu wanaoshindana na wewe na kukupinga, kuwa bora zaidi. Kila siku kuwa bora zaidi ya siku iliyopita, kila wakati piga hatua zaidi. Kuwa mbunifu na fanya mambo mapya na bora zaidi, hiyo yote kuhakikisha anayekufuatilia anapata kilicho bora. wanaoshindana watafika mahali na kuanguka wenyewe, wale wanaokupinga watafika hatua na kuchoka. Na wewe utasimama kama mshindi, bila ya kushindana moja kwa moja.

Usishindane na wala usitake kuwakosoa wengine, wasaidie watu na mara zote kuwa bora zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Usiandike Kwa Sababu Hizi, Utajipoteza Wewe Mwenyewe…

Usiandike kwa sababu tu inabidi uandike..

Usiandike ili tu upate cha kupost…

Usiandike ili uonekane umeandika..

Usiandike ili uonekane na watu watakaotaka uwaandikie zaidi…

Usiandike ili upewe nafasi ya kuandika kwenye magazeti.

Usiandike ili kumfurahisha mtu fulani na akupe fursa fulani unayotaka..

Bali;

Andika kile ambacho unakiamini kweli..

Andika kile ambacho una msukumo mkubwa ndani yako kuandika…

Andika kile ambacho kina msaada kwa watu, kinawapa maarifa ya kufanya maamuzi bora..

Andika kile ambacho kinawafanya watu kuhoji na kudadisi zaidi.

Andika kile kinachowafanya watu kuona makosa ambayo wamekuwa wanafanya na umuhimu wa kubadilika.

SOMA;Naweza Kumsaidia Nani? Naweza Kumsaidia Nini? Njia Ya Kupata Mawazo Ya Kuandika.

Chagua sababu sahihi za kuandika, na uandishi wako utadumu. Lakini kama utaandika kwa sababu ambazo siyo sahihi, uandishi wako utapotea pale utakapopata kile unachotaka kupata kupitia uandishi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Sababu Mbili Kwa Nini Watu Wapo Online Na Jinsi Ya Kuzitumia Kibiashara.

Unapotumia mtandao wa intaneti kama njia yako ya kutengeneza kipato, kupitia kazi zako mbalimbali, lazima uweze kujibu swali hili muhimu sana; kwa nini watu wapo online? Yaani nini kinawapelekea watu kuingia kwenye mtandao wa intaneti?

Na hili unaanza kulijibu kwa kuangalia tabia zako binafsi, kwa kuangalia kinachokufanya wewe uwe kwenye mtandao.

Kwa utafiti niliofanya, kuanzia mimi binafsi na watu wengine, zipo sababu kuu mbili kwa nini watu wapo online.

Sababu ya kwanza ni kupoteza muda.

Ndiyo, pamoja na umuhimu na uhaba wa muda, lakini hebu niambie unapotaka kupoteza muda unafanya nini? Unaingia kwenye mtandao wa intaneti, hasa mitandao ya kijamii, ukipanga kudhurura kwa dakika kadhaa. Labda ni mapumziko mafupi umepata kwenye kazi yako, au umefika wakati unataka kulala, unaweza kusema upitie kidogo mtandaoni kuangalia nini kinaendelea. Kwa kuwa kuangalia nini kinaendelea hakuna matokeo ya maana sana, basi ni kupoteza muda.

Unaweza kutumia hili kuhakikisha watu wanapoingia kupoteza muda basi wanakutana na wewe. Na hapa ni muhimu sana ujue watu wanapoteza zaidi muda kwenye mtandao katika nyakati zipi. Mara nyingi asubuhi kabla kazi hazijaanza, mchana wakati wa chakula na jioni baada ya kazi, watu wengi huwa kwenye mitandao. Hivyo unaweza kutumia muda huo kufanya kitu ambacho unataka kiwafikie wafuasi wako kwenye mitandao ya kijamii. Kama ni makala unaandika na kuwashirikisha watu, basi unapaswa kufanya hivyo wakati ambao watu wengi wanaweza kuiona. Japo hili siyo la uhakika sana, litakusaidia kuwafikia watu wengi zaidi.

SOMA;Usitangaze Biashara Yako Kwenye Blog Za Wengine, Badala Yake Fanya Hivi.

Sababu ya pili ni kutafuta njia ya kutatua tatizo.

Muda wowote unapokuwa na shida ni hatua ipi ya kwanza huwa unachukua? Kama kuna kitu unataka kujua au kujifunza, kwa dunia ya sasa, hatua ya kwanza ni google. Unatafuta taarifa za kitu hicho kwenye mtandao. Hivyo kutafuta njia ya kutatua tatizo fulani, ni sababu nyingine inayowapeleka watu online.

Kwa kujua hili, inakusaidia kujiweka kwenye mfumo ambao kila mwenye tatizo ambalo wewe unatatua, basi anakufikia wewe. Mtu anapoingia google na kutafuta kitu kinachohusiana na kile unafanya wewe, basi moja kwa moja aletwe kwako. Zamani kuna kitu kilikuwa kinaitwa SEARCH ENGINE OPTIMIZATION (SEO), ilikuwa ni njia ya kuweka maneno fulani fulani kwenye blog yako ili watu wakiyatafuta wafike kwenye blog yako. Mpaka sasa bado njia hiyo ipo, ila haina tena nguvu kama zamani. Na nguvu pekee iliyopo sasa, ni wewe kuwa na makala nyingi, na mpya mpya zaidi kuhusiana na kile ambacho mtu anatafuta. Mtandao wa google unapotafuta, unaangalia kwenye yale maeneo ambayo kitu kinachotafutwa kipo kwa wingi, na pia ni cha siku za karibuni. Hivyo unahitaji kuwa na makala nyingi zenye utatuzi wa matatizo ambayo watu wanatafuta suluhisho, na makala hizo ziwe mpya mara kwa mara.

Ukiweza kutumia njia hizi kuu mbili, kila wakati utawafikia watu wengi na wengi wakajua kazi zako na kununua kile ambacho unawauzia kupitia mtandao wa intaneti na blogu yako.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kazi Ambayo Haijakamilika Haivutii, Hivyo Jipe Ruhusa Ya Kuandika Kitu Kibovu.

Kama umesoma somo la sayansi shule ya msingi na baiolojia shule ya sekondari, utakuwa umesoma uzazi kwa wanadamu. Utakuwa umejifunza kuhusu kutungwa kwa mimba mpaka mtoto anapozaliwa. Na kama utakuwa unakumbuka vizuri, katika hatua mbalimbali za mimba, sura ya mtoto unaweza usiijue kabisa, kina kuwa kitu cha ajabu ambacho huwezi kukipenda. Lakini miezi tisa inapofika, anakuwa amekamilika mtoto, ambaye ana sura nzuri na unaweza kumbeba na kufurahia.

Hivi pia ndivyo ilivyo kwenye kazi zetu za uandishi. Kazi yoyote ambayo haijakamilika, huwa haivutii, huwa ni mbovu na inayokatisha tamaa. Lakini kazi inapokamilika, inakuwa nzuri na watu wanaifurahia.

Ni muhimu kujua hili kwa sababu linatusaidia sana kwenye uandishi, linakupa ruhusa ya kuanza kuandika kitu kibovu, kitu kibaya ambacho hakimvutii mtu yeyote. Kadiri unavyokwenda unaendelea kuboresha, unaongeza na kupunguza vitu. Mpaka kufika mwisho, unakuwa na kitu kizuri ambacho mtu akisoma anafurahia.

Mara nyingi huwa nasema tapia kila kilichopo kwenye mawazo yako kwenye kurasa unazoandika. Andika bila ya kuwa na wasiwasi wowote wala kujihukumu. Andika kila unachofikiria, iwe ni makala au kitabu. Kisha hifadhi kile ulichoandika kwa muda, baadaye rudi sasa kuanza kusoma, ukiongeza na kupunguza kadiri utakavyoona inafaa.

SOMA;Kwa Nini Watu Wakusome Wewe, Kwa Nini Wakusikilize Wewe?

Zoezi hili linahitaji muda, kama ambavyo ukuaji wa mimba unahitaji muda. Lakini muda huo unapowekwa, mwishoni tunapata kitu kizuri.

Usijizuie kuandika kwa sababu huna kitu kizuri cha kuandika, mwaga mawazo yako yote kwenye kurasa unazoandika, kisha anza kuboresha hatua kwa hatua.

Unasubiri nini usianze kuandika sasa hivi hiyo makala ambayo umekuwa unafikiria kuandika? Kwa nini usianze kuandika leo kitabu unachotembea nacho kwenye mawazo yako? Hakuna atakayeona ubovu wa mwanzo, kama ambavyo mimba inafichwa kwenye tumbo la uzazi mpaka mtoto anapokamilika.

Anza sasa, weka kila ulichonacho na endelea kuboresha kadiri muda unavyokwenda. Mwisho wa siku utakuwa na kazi bora na inayowasaidia wengi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Njia Ya Uhakika Ya Kuondokana Na Hofu Ya Kuandika.

Kitu kikubwa ambacho kinawazuia watu kuchukua hatua kwenye maisha yao ni hofu. Hofu ndiyo inayowatofautisha wale wanaojaribu mambo makubwa na kufanikiwa, na wale wanaoshindwa na kuendelea kuwa na maisha magumu.

Tofauti hii haitokani na hofu kuwa tofauti kwa watu, bali hutokana na namna watu wanavyoichukulia hofu. Wale ambao wanaweza kufanya licha ya kuwepo kwa hofu, siyo kwamba wanakuwa na hofu ndogo au ujasiri mkubwa. Ila tu wanakuwa wamechagua kufanya licha ya uwepo wa hofu. Yaani wao wanakuwa na hofu lakini wanaendelea kufanya.

Kwa upande wa pili, wale wanaoshindwa kufanya, huwa wanaipata hofu na kuruhusu hofu iwatawale, wasiweze kuchukua hatua kabisa.

Kwenye uandishi, hali ni hiyo hiyo, wengi hushindwa kuandika kwa sababu ya hofu. Hofu kwamba watu watawachukuliaje, hofu kwamba watu watawapinga na kuwakosoa. Hofu kwamba wataandika kitu ambacho kitawafanya wengine wawashangae na hata kuwahukumu. Na kubwa zaidi, hofu kwamba bado hawajawa tayari na hivyo kuendelea kusubiri.

Lakini hata mtu achukua muda kiasi gani wa kusubiri, hizo hofu huwa hazipungui, badala yake zinaongezeka zaidi. Kadiri muda unavyokwenda ndivyo hofu hizo zinavyokua na kuzidi kumzuia mtu kuchukua hatua.

SOMA;Naweza Kumsaidia Nani? Naweza Kumsaidia Nini? Njia Ya Kupata Mawazo Ya Kuandika.

Hivyo dawa pekee ya hofu ya kuandika, ni kuanza kuandika. Hivyo tu. Yaani pale unapofikiria kuandika halafu unapata hofu, basi hapo ndiyo unapaswa kuandika. Andika kile kinachokupa hofu na kiweke kwa wale unaohofia kama kikiwafikia itakuwaje.

Kwa kufanya hivi, utagundua kumbe mambo siyo mabaya kama ulivyokuwa unafikiria awali. Picha uliyokuwa umejijengea kwenye mawazo yako kwamba watu watakupinga na kukukosoa, inakuwa kubwa kuliko uhalisia.

Hii ni njia nzuri na ya uhakika ya kuondokana na hofu ya kuandika, ambayo ni kuandika. Pale unapopata hofu ya kuandika, ndiyo unapaswa kuchukua hatua na kaundika. Pale unapata hofu ya kuandika, anza kuandika na utaona hofu hiyo ikipotea yenyewe. Na unapoiweka kazi yako mbele ya wale uliokuwa unawahofia, utagundua mambo siyo mabaya kama ulivyokuwa unadhania.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kwa Nini Watu Wakusome Wewe, Kwa Nini Wakusikilize Wewe?

Urahisi wa kuingia kwenye fani yoyote ile, hasa kwenye zama hizi za maendeleo ya teknolojia, yamepelekea kila mtu kuweza kufanya kile ambacho kila mtu anafanya.

Kwa mfano, urahisi wa kirekodi sauti na kutuma kwa watu wengi, inampa kila mtu nafasi ya kuweza kuwa mtangazaji, hata kama hana redio.

Urahisi wa kuandika kupitia mitandao ya kijamii, unamfanya kila mtu aweze kuwa mwandishi, hata kama hajasomea uandishi.

Urahisi wa kurekodi video kwa kutumia simu na kuweza kusambaza kwenye mitandao, unamfanya kila mtu kuwa na kipindi cha tv, hata kama hana tv.

Hivyo changamoto kubwa ya zama hizi ni kwa nini watu wakusikilize wewe, wakusome wewe na hata kukuangalia wewe, ikiwa wapo wengine wengi ambao wanafanya kama wewe?

Hili ni swali ambalo wewe unapaswa kujiuliza kila mara, na upate majibu, ili kuhakikisha unatengeneza kitu ambacho kinawafanya watu wakufuatilie.

Kwanza kabisa, sahau kuhusu kumpata kila mtu, kwa sababu watu wengi wamekuwa wakijaribu kuandika au kutoa kitu ambacho kitamfaa kila mtu. Kwa ulimwengu tunaoishi sasa, hilo ni zoezi gumu na ambalo halina faida yoyote kwa anayelifanya.

SOMA;Andika Kitabu Ambacho Ungependa Kukisoma, Lakini Bado Hujakipata.

Pili, chagua watu ambao unajua unaweza kuwatatulia changamoto zao, tofauti kabisa na wengine wanavyozitatua. Hapa ndipo unahitaji kuchagua kitu ambacho utakiandikia au kukisemea kwa undani kabisa kiasi kwamba mtu akikusoma, au akikusikiliza, anaona matumaini mapya na makubwa kwake. Anaona suluhisho la changamoto zake, na anaweza kuchukua hatua bora kwake.

Kwa njia hii, ndiyo unaweza kuwatengeneza watu ambao wanakuwa wafuasi wako, ambao utawahudumia vizuri na hata kuwa wateja wa bidhaa na huduma zako nyingine.

Usijaribu kuiga kile ambacho wengine wanafanya, utateseka na hakuna atakayejali. Wapo wengi wanaofanya mambo yale yale, na hakuna anayesumbuka kuangalia yale yanayofanywa na kila mtu.

Jiweke tofauti, chagua kundi la watu ambao unaweza kusema nao vizuri, kisha weka kazi kubwa kuhakikisha unawapa kile ambacho kitawasaidia.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Njia Tano Za Kuanza Kukuza Email List Yako Kupitia Blog Na Mitandao Ya Kijamii.

Kama wewe ni mwandishi ambaye unatumia mtandao wa intaneti na mitandao ya kijamii na huna email list, yaani orodha ya wasomaji wako ambao wanapokea maandiko yako moja kwa moja kwenye email zao, basi huutendei haki uandishi wako. Kwa sababu kwenye uandishi, email list ndiyo sehemu pekee ya kujenga mahusiano mazuri na wasomaji wako na hatimaye kuwa wafuasi wako wa karibu.

Hivyo ni muhimu sana kwa kila mwandishi kuwa na email list, ambayo ataitumia kujenga ukaribu na wasomaji wake, na hatimaye kuitumia kuuza huduma na bidhaa zake nyingine moja kwa moja kwa wasomaji wake.

Sasa ukishakuwa na email list, kazi muhimu ni kuikuza ili uwe na wasomaji wengi waliojiandikisha kwenye orodha hiyo. Hapa nakupa njia tano za kukuza list yako.

  1. Weka fomu kwenye blog yako.

Hakikisha kwenye blog yako kuna fomu ya watu kuweza kujiunga na email list yako. Kuwa na ukurasa maalumu wenye kichwa cha jiunge na mtandao huu au jiunge na mimi, na hapo mtu anaweza kujaza taarifa zake ili kupokea mafunzo zaidi. Unaweza pia kuwa na fomu ambayo inafunguka kabla mtu hajafungua makala (pop up), japo hii inaweza kuwasumbua na kuwakera watu, ila unaweza kuitumia kwa muda.

  1. Weka fomu kwenye facebook.

Mtandao wa kijamii wa facebook, kupitia ukurasa uliofungua, unaweza kuweka fomu moja kwa moja. Kwa njia hii, msomaji wako anayekujua kupitia mtandao wa facebook anaweza kujiunga moja kwa moja, hata kama hajatembelea blogu yako. Ni rahisi kufanya hivyo na unawafikia watu wengi zaidi. Kama tunavyojua, mtandao wa facebook una wafuatiliaji wengi.

  1. Toa zawadi ambayo watu wanaipata kwa kujiandikisha.

Ili kuwavutia wasomaji wako kujiunga na email list yako, unapaswa kutoa zawadi ambayo wataipata kwa kujiunga na email list yako. Zawadi hiyo inaweza kuwa kijitabu kidogo ulichokiandaa kwa mfumo wa pdf na unawatumia wakishajiunga. Hiyo itawapa sababu ya kujiunga ili kupata kile unachotoa.

SOMA;Makala kwa Email

  1. Wakumbushe mwisho wa makala.

Kila mwisho wa makala unayoandika, wakumbushe wasomaji wako kujiunga na email list yako. Weka link au fomu ya kujiunga mwisho wa makala, ambapo msomaji ataweza kufungua au kujiunga moja kwa moja.

  1. Andaa makala zitakazotolewa kwa email pekee.

Njia nyingine bora ya kukuza email list yako ni kuwa na aina za makala au kipengele ambacho utatuma kwenye email pekee. Unaweza kutenga siku fulani ya wiki na kuwaambia wasomaji wako kwamba wakijiunga kila siku fulani ya wiki watapokea makala kutoka kwako. Na hakikisha unatimiza kile ambacho umekiahidi.

Tumia kila fursa unayoiona kuhakikisha wasomaji wako wanajiunga na email list yako. Na wakishajiunga watumie makala nzuri zenye msaada kwako, zitakazowafanya waendelee kuwa na wewe na kukuamini zaidi.

Kama mpaka sasa huna email list, karibu nikusaidie kuandaa email list nzuri na kukuwekea kwenye blog na mtandao wa facebook. Tuwasiliane kwa wasap namba 0717396253.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.