Monthly Archives: July 2017

Kuwa Halisi, Simamia Kile Unachojua Na Kuamini Kupitia Uandishi Wako.

Dunia inataka uwe kondoo, ufanye kile ambacho kila mtu anafanya, na hapo hakuna atakayekuhoji. Ila pale unapochukua hatua ya kusimamia kile unachoamini, ambacho kipo tofauti na wengi wanavyoamini, jiandae kupingwa, kudhihakiwa, kukatishwa tamaa na hata kukataliwa.

Hilo limekuwa linawafanya waandishi wengi kuishi maisha ya maigizo, kuandika vitu ambavyo hawaviamini wala kusimamia, ili tu wapate kukubalika na wengine. Au hata waweze kuuza na kupata wateja kwa huduma zao nyingine. Japokuwa njia hiyo inaweza kuwa na matokeo mazuri ndani ya muda mfupi, matokeo yake kwa muda mrefu ni mabaya.

Kwa kuandika kile ambacho hukiamini, bali tu unataka kukubalika, inafika hatua na kujiona huna thamani. Kwa sababu ukishaanza kuigiza, inabidi uendelee kuigiza ili usiwachanganye watu. Na hapo ndipo unapokuwa na maisha yenye sura mbili, ambayo ni magumu sana kuishi.

Amua kuwa halisi, amua kuandika kile unachoamini, na unachokijua kweli, hata kama wengine hawakubaliani nacho. Kuwa tayari kupingwa, kukosolewa na kukataliwa. Lakini kumbuka, wapo watu wanaoamini kama unavyoamini wewe. Na hao watakuchukulia wewe kama shujaa wao, kwa kuweza kuwasemea. Watu hawa wataungana na wewe, na watakuwa wafuasi wako.

SOMA;Tengeneza Sauti Yako Na Mtiririko Wako Wa Uandishi.

Kuchagua kuwa mkweli na kuishi maisha yako, hakutakupa mashabiki wengi haraka, lakini kutakuwezesha wewe kuwa na mashabiki wa ukweli ambao utaenda nao muda mrefu. Pia utakuwa na maisha halisi popote unapokuwa, hivyo hutokuwa na haja ya kufanya maigizo ya aina yoyote ile.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Andika Kitabu Ambacho Ungependa Kukisoma, Lakini Bado Hujakipata.

Hakuna kitu ambacho nimekuwa nasisitiza kama kujitofautisha katika uandishi. Kwa sababu hakuna kifo cha haraka kwenye uandishi kama kuiga kile ambacho wengine wanaandika. Na kama ambavyo nimekuwa nasema, kama unamwiga mtu mwingine, kwa nini watu wakusome wewe na kuacha yule ambaye unaiga kwake? Hili ni swali ambalo ukilifikiria kila wakati, utafanya kitu tofauti.

Hivyo pia ndivyo ilivyo kwenye uandishi wa vitabu. Unapoandika kitabu, ambacho kinafanana na kilichopo sokoni tayari, unafikiri kwa nini watu waache kusoma kitabu kingine na kusoma ulichoandika wewe? Au kwa nini watu wanunue kitabu kingine wakati tayari wana kitabu kinachofanana na hicho unachotoa wewe? Swali muhimu mno kujiuliza kabla hujaandika kitabu.

Hivyo basi, ili uandike kitabu ambacho watu watakisoma na kunufaika nacho, kwanza soma vitabu vingi kwenye lile eneo unaloandikia. Jifunze kwa kina na ona ni kitu gani ulitaka kujifunza lakini hujapata kwenye vitabu vingi. Labda kuna kitu ulitaka sana kupata kukijua kwa undani, lakini kwenye kila kitabu ulichosoma hakijaelezwa vizuri. Hapo sasa ni pazuri wewe kuandikia kitabu.

Hivyo unaweza kukaa chini na kufanya utafiti wa kina, na kuja na majibu ambayo uliyakosa kwenye vitabu ulivyosoma. Hapo sasa unakuwa na kitabu ambacho wengi wakikisoma watapata kitu cha tofauti. Watapata kitu ambacho hawawezi kukipata kwenye kitabu kingine.

SOMA;Sababu Moja Kwa Nini Wewe Unapaswa Kuwa Na Blog, Hata Kama Hutaki Kipato Mtandaoni (NA ZAWADI YA KITABU BURE.)

Ukitumia njia hii ya kuandika kitabu ambacho unataka kukisoma, haitakuwa kazi kwako kujua uandike kitabu gani. Na muhimu zaidi, utaandika kitabu kinachoendana na wasomaji ulionao.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Naweza Kumsaidia Nani? Naweza Kumsaidia Nini? Njia Ya Kupata Mawazo Ya Kuandika.

Kuna wakati kama mwandishi unakosa kabisa kitu cha kuandika. Hapo umeshapanga kwamba kila siku lazima uandike, iwe ni kitabu au makala. Lakini siku inafika, upo tayari kuandika, unaishia kuangalia tu pale unapoandika, hakuna kinachokuja kwa ajili ya kuandika. Kwa dunia ya sasa, mwandishi atakimbilia haraka kutafuta usumbufu kwenye mitandao ya kijamii, labda kuangalia facebook, labda atapata kitu cha kaundika. Lakini ni mara chache sana usumbufu huo utamsaidia.

Njia bora kabisa ya kupata wazo la kuandika, pale ambapo huna cha kuandika, ni kujiuliza maswali haya mawili muhimu;

Naweza kumsaidia nani?

Naweza kumsaidia nini?

Kwa mfano leo sikuwa na kitu naweza kuandika hivyo nikajiuliza maswali hayo mawili.

Naweza kumsaidia nani?

Jibu limekuja kwamba naweza kumsaidia mwandishi ambaye amekwama, anataka kuandika lakini mawazo ya kuandika hayamjii haraka. Anakazana lakini anaona hakuna cha kuandika. Anakaribia kukata tamaa na kuacha akafanye mambo mengine.

Naweza kumsaidia nini?

Naweza kumsaidia njia ya kumfanya apate mawazo ya kuandika, pia ninaweza kumsaidia kujenga nidhamu ya kutokimbilia usumbufu kama mitandao ya kijamii. Pale anapojishawishi kwamba bora aache, hapo ndipo nataka awe na nidhamu ya kutokuacha, na aweke akili na mawazo yake pale mpaka atakapopata cha kuandika.

Nina imani hili limekuwa la msaada kwako. Sasa ni zamu yako kuwaangalia wasomaji wako, kuona wamekwama wapi na wewe unaweza kuwasaidia wapi.

SOMA;Jinsi Unavyoweza Kupata Mawazo Ya Kuandika Makala Kila Siku Kwenye Blog Yako.

Ukitaka kukosea hili, fikiria watu wengi, utakwama tena. Ukitaka kupatia hili, fikiria mtu mmoja, lazima utapata unayeweza kumsaidia.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Vitu Viwili Muhimu Ambavyo Kila Mwandishi Anapaswa Kujua Kuhusu Wasomaji Wake.

Pamoja na kwamba wewe mwandishi unapaswa kuandika kutokana na ujuzi wako, uzoefu na mapenzi yako, unapaswa kukumbuka kwamba hujiandikii wewe mwenyewe. Unawaandikia watu wengine, ambao ni wasomaji wako. Hivyo unapoandika, lazima pia uwaangalie wasomaji wako ili kuweza kuwaandikia kitu ambacho kinawasaidia kutoka pale walipo sasa na kwenda mbele zaidi.

Katika kuwajali wasomaji wako, yapo mambo mawili muhimu sana ambayo wewe kama mwandishi, lazima uyajue kuhusu msomaji wako. Katika makala yetu hii ya leo, tutakwenda kujifunza mambo hayo mawili kwa kina.

JAMBO LA KWANZA; CHANGAMOTO GANI KUBWA WANAYOPITIA KWA SASA?

Watu wana changamoto, watu wana matatizo, watu wanakwama kwenye mambo mbalimbali wanayofanya kwenye maisha yao.

Ni muhimu wewe ujue changamoto kubwa ambayo wasomaji wako wanaipitia kwa sasa, inayohusiana na lile eneo unaloandikia wewe.

Jua ni nini wanahangaika nacho sasa, wapi ambapo wamekwama katika mipango yao na malengo yao.

Kwa kujua hili, utaweza kuwaandalia makala zinazowawezesha kuondokana na changamoto hiyo na pia kupiga hatua. Makala unazowaandikia zitaendana nao na hivyo kukufuatilia kwa karibu.

Ukishajua changamoto wanazopitia wasomaji wako, unawaandalia makala zenye hatua za kuchukua ili kutoka pale walipo sasa na kuweza kufika kwenye malengo waliyonayo.

Hili ni jambo muhimu sana unapaswa kulijua, na mara zote hakikisha unajua na unafanyia kazi, ili uweze kwenda vizuri na wasomaji wako.

JAMBO LA PILI; NINI MATARAJIO NA MATUMAINI YAO KWA SIKU ZIJAZO?

Kitu pekee kinafanya maisha yaweze kwenda licha ya watu kupitia matatizo na changamoto, ni matumaini kwamba kesho itakuwa bora kuliko leo. Matumaini hayo yanawawezesha kuendelea kuweka juhudi bila ya kukata tamaa, licha ya mambo kuwa magumu.

SOMA;Kabla Wasomaji Wako Hawajakuamini, Unapaswa Mambo Haya Mawili Muhimu.

Hili ni muhimu sana wewe mwandishi kulijua kuhusu wasomaji wako kuhusiana na eneo unaloandikia. Jua matarajio na matumaini waliyonayo kwa siku zijazo. Jua nini wanategemea na wapi wanajiona kwa siku zinazokuja.

Kwa kujua matarajio na matumaini haya, utaweza kuwasaidia kuyafikia kwa kuwapa mbinu na njia bora za kufuata ili kufika pale ambapo wanataka kufika. Kwa sababu wakati mwingine watu wanajua wanakotaka kufika, ila hawajui wanafikaje hapo. Wewe ukiwasaidia namna ya kufika, watakuwa wafuasi wako wakati wote.

Swali ni je unajuaje hayo mawili kuhusu wasomaji wako?

Jibu ni hakuna muujiza wala utabiri, badala yake unawauliza. Waulize wasomaji wako maswali hayo mawili, ili uweze kujua kwa hakika wapi wamekwama na wapi wanaangalia.

Unaweza kuwauliza kwa kuandika makala kwenye blog yako kisha ukawaomba wawele maoni yao kuhusiana na maeneo hayo mawili. Pia unaweza kuwauliza kwa kuwatumia email kwenye email list yako na kuomba wakujibu maswali hayo.

Zipo njia nyingine pia za kuwauliza, kama kutumia mitandao ya kijamii, unaweza kuwauliza na wakakujibu kupitia mitandao hiyo. Pia ipo njia bora zaidi ya kufanya hili ambapo ni kuandaa mfumo wa utafiti (survey) kwa kuwa na fomu yenye maswali hayo na sehemu ya wasomaji kujibu. Unaweza kufanya hilo kwa kutumia google drive au programu kama survey monkey. Unaandaa maswali yako na kuwatumia wasomaji wako link na wao kufungua na kuyajibu.

Fanyia kazi mambo haya mawili muhimu sana ili uweze kuwa karibu na wasomaji wako, kwa kuweza kuwasaidia kupiga hatua zaidi kwenye maisha yao.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

SIRI MUHIMU YA UANDISHI; Tengeneza Sauti Yako Na Mtiririko Wako Wa Uandishi.

Nimekuwa natania kwamba sababu ya wanamuziki wengi kushindwa kuwafikia wanamuziki wakubwa, ni wao kuimba kwa mtindo wa wanamuziki hao wakubwa. Kwa mfano, Diamond ni mwanamuziki mkubwa, sasa nyuma yake wapo vijana wengi ambao nao wanapenda kuwa kama Diamond, ila kosa kubwa wanalofanya, ni kuimba kama anavyoimba Daimond. Ni kosa kubwa sana wanalofanya kwa sababu kama mtu anaweza kumsikiliza Diamond, kwa nini aje kukusikiliza wewe? Lazima uwe na kitu cha tofauti, ambacho mtu hawezi kukipata popote.

Kadhalika hivi ndivyo ilivyo kwenye uandishi. Kila mwandishi ana mwandishi ambaye anamhamasisha. Yupo mwandishi ambaye utasoma kila analoandika, utanunua kila kitabu chake, utahudhuria kila mafunzo anayotoa. Sasa hilo linapelekea wewe kuandika kama yeye, kufanya vile anavyofanya yeye.

Hii inakuwa hatari kwa waandishi wapya na wachanga, kwa sababu kama mtu anaweza kusoma unachoandika kwa mwandishi mwingine ambaye amekutangulia, unafikiri kwa nini aje kusoma kwako?

Kila mwandishi anahitaji kuwa na sauti yake ya kipee, kuwa na aina yako ya uandishi, ambayo wasomaji wako wataielewa kwako, na hawawezi kuipata sehemu nyingine.

Na aina yako hiyo haiwezi kuigwa na mwingine, kwa sababu umeitengeneza mwenyewe, waliokutangulia hawawezi kuiiga kwa sababu tayari wana aina zao, na wanaokuja wanaweza kukuiga lakini wewe tayari umeshatangulia.

SOMA;Jinsi Ya Kutumia Lugha Ya Kiswahili Kwenye Uandishi Na Uhariri Wa Makala.

Tengeneza sauti yako ya uandishi, tengeneza mtiririko wako wa uandishi, fikia hatua kwamba, msomaji akisoma andiko sehemu yoyote, hata kama halina jina lako, basi ajue ni wewe, kwa sababu anajua namna unavyoandika.

Na hili siyo zoezi gumu, kama utaacha kuigiza. Usiigize kwenye uandishi, andika kile unachojua, kile unachoamini kweli. Andika kila ambacho upo tayari kukisimamia na kukitetea, kwa namna yoyote ile. Andika kwa namna unavyotaka wengine wachukue hatua.

Usitake kuandika kumfurahisha yeyote, kwa sababu kumbuka wanaokuelewa watakuelewa, na wasiokuelewa, nikimaanisha wasioendana na unachoandika, hawatakubaliana na wewe, hata kama utaandika kwa kubembeleza kiasi gani.

Tengeneza sauti yako rafiki, tengeneza mtiririko wako wa uandishi, na utatengeneza wasomaji wanaoenda na wewe vizuri. Kuiga ni kujipeleka kwenye njia ya kupotea, hakuna anayehangaika na kopi wakati orijino ipo.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Unawezaje Kuandika Pale Unapokuwa Hujisikii Kuandika?

Mwandishi mmoja mashuhuri, aliulizwa tofauti ya mwandishi aliyebobea na mwandishi mchanga. Na bila ya kusita alisema mwandishi mchanga anaandika pale anapojisikia, ila mwandishi aliyebobea anaandika wakati wote, iwe anajisikia au hajisikii.

Nimekuwa nakusisitiza mara nyingi ya kwamba, kuweza kufikisha uandishi wako kwenye ngazi kubwa ya kuweza kupelekea kulipwa, kwanza uandike kila siku, KILA SIKU.

Ila sasa changamoto inakuja unawezaje kuandika kila siku iwapo kuna siku hujisikii kuandika?
Hapa sina muujiza wowote wa kukupa, zaidi ya kukuambia unahitaji kujijengea nidhamu ya kuandika kila siku. Inabidi upange ratiba yako ya uandishi, muda unaoandika na kila siku andika, ndani ya muda ule.

Ni vyema muda huo ukawa asubuhi, kabla hujafanya jambo jingine lolote. Amka kaa chini na andika. Iwapo hujisikii kuandika, kaa na andika. Kaa pale mpaka uandike kitu.

Usikimbilie kujisumbua, maana wengi wanapokuwa hawajisikii kuandika, husema labda wachungulie facebook kuna nini, au instagram, au wasap. Kote huko ni usumbufu na kunazidi kukuondoa kwenye kuandika.

SOMA;Ukitaka Kuandika Vizuri, Ondokana Kwanza Na Huu Usumbufu.

Dawa ya kutokujisikia kuandika ni kuandika. Hivyo tu. Kaa chini na andika.

Andika chochote, anza kuandika, bila ya kujihukumu au kujikosoa. Anza kuandika neno moja na nenda neno jingine linalofuatia. Kaa hapo mpaka uandike kitu chenye kuweza kumsaidia mtu. Halafu ukumbuke una uwezo wa kufuta chochote ulichoandika, hivyo kama mwanzo ulianza kwa kuandika kitu cha hovyo, usiwe na wasi wasi, unaweza kufuta wakati wowote.

Kuwa mwandishi mbobezi, andika siyo kwa sababu unajisikia kuandika, ila andika kwa sababu unataka kuandika, ndiyo jukumu lako, ndiyo wajibu wako, kila siku.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Ukitaka Kuandika Vizuri, Ondokana Kwanza Na Huu Usumbufu.

Kitu kikubwa ambacho nimejifunza kwenye uandishi ni kwamba inachukua muda mpaka mtu uweze kujenga tabia yako ya uandishi, ambayo itakuwezesha kuandika kila siku na kutoa kazi nyingi. Na hii ni kama utaweka juhudi kubwa bila ya kukata tamaa pale unapokutana na vikwazo mbalimbali.

Uandishi, kama ilivyo kwenye mambo yote ya maisha, ni tabia. Kuweza kukaa chini na kuandika, ni tabia ambayo kila mtu anaweza kujitengenezea na ikamnufaisha sana. Lakini wengi sana wamekuwa wanashindwa kwenye hili, kwa sababu wanaruhusu usumbufu mbalimbali kuingilia tabia hiyo.

Kwa mfano, iwapo unaandika huku kuna watu wanakusemesha, huwezi kutuliza akili yako na kutoa kitu kizuri. Iwapo unaandika huku simu zinaingia, ujumbe unatumwa, hutaweza kuweka akili yako sehemu moja. Kama unaandika huku unachungulia mitandao ya kijamii, hutaenda muda mrefu kabla hujaahirisha na kusema nitaandika baadaye.

Unapofika wakati wa kuandika, chochote kile utakachofanya nje na kuandika ni usumbufu. Na usumbufu huo una gharama kubwa kwa sababu akili haipendi kuteseka, hivyo unapoisukuma itoe vitu vizuri, inakimbilia kuangalia wapi kuna usumbufu ili uipumzishe.

Ndiyo maana ni muhimu sana kama unataka kujijengea tabia ya uandishi, uhakikishe huna usumbufu wa aina yoyote ile unapoandika. Uwe sehemu tulivu ambayo hakuna mwingiliano mkubwa wa watu, usiwe kwenye mitandao ya kijamii na simu yako isiwe na kelele ya kukutoa kwenye uandishi.

Na hii ndiyo sababu kubwa nashauri sana uandike asubuhi na mapema kabla dunia haijaamka, hapo hakuna watu wengi wanaokupigia simu. Au uandike usiku sana ambapo wengine tayari wameshalala. Katika muda wa aina hiyo, ni mara chache sana utapata usumbufu.

Unaweza kuchagua kuandika muda wowote wa siku yako, lakini unahitaji uwe na nidhamu kubwa sana. Hivyo kama ndiyo unaanza kujenga tabia hii, ni vyema ukaanza kwa kutumia muda ambao hakuna usumbufu, ukishaweza kuutawala vizuri hapo unaweza kuchagua kuandika muda wowote na popote. Lakini usijaribu hilo ukiwa bado hujajenga tabia ya uandishi, utaishia njiani..

SOMA;Usijisumbue Kuandika Kitabu Kama Huna Kitu Hichi Kimoja Muhimu Sana. Soma Hapa Kukijua.

Kujenga tabia ya uandishi na kuweza kuandika kila siku, epuka usumbufu ambao unaitoa akili yako kwenye kufikiri kwa kina ili uweze kuandika vizuri.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.