Monthly Archives: August 2017

Hivi Ndivyo Unavyoweza Kuuza Maarifa Yanayopatikana Bure Kabisa Kwenye Mtandao.

Sasa hivi karibu kila maarifa yanapatikana bure kabisa kwenye mtandao wa intaneti. Na hivyo watu wengi wamekuwa wakinufaika na maarifa hayo yanayopatikana bure, kuanzia vitabu, makala, video, sauti na kadhalika.

Ukiingia kwenye mtandao wa google na kutafuta kitu chochote, chini ya sekunde moja, utaletewa maelfu ya matokeo yanayoendana na kile unachotafuta.

Kwa kifupi yapo maarifa na taarifa nyingi kiasi kwamba ukitaka uzisome zote, basi itabidi uishi maisha yako yote yaliyobakia kuzisoma tu, na hapo hulipi hata senti moja.

Sasa hapa ndipo waandishi wengi, hasa wachanga hujiuliza wanawezaje kuuza maarifa wakati yanapatikana kwa wingi na bure kabisa kwenye mtandao?

Na hata unapojaribu kuuza, kuna baadhi ya wasomaji wako wanaweza kukuambia mbona unachouza tunakipata bure tu?

Hapo wengi hukata tamaa na kuona hawawezi kutengeneza kipato kwenye mtandao kwa kuuza maarifa. Lakini ukweli ni kwamba, hilo linawezekana, na wengi wanafanya hivyo.

Nimekuwa nawashauri watu wanaoniomba ushauri kuhusu kuandika vitabu, na swali langu kwao huwa ni moja, unataka kuandika kitabu, je una blog? Wengi jibu huwa ni hapana. Na huwa nawaambia kitu kimoja, anza na blog kwanza, kabla hujakimbilia kwenye kitabu.

Uandishi wa zama hizi, au biashara yoyote ya kuuza maarifa, kitu cha kwanza kinachomsukuma mtu kununua kwako, ni kama anakujua kwa muda mrefu. Kama ameshafuatilia kazi zako kwa muda mrefu na hivyo kuwa mfuasi na shabiki wako. Mtu huyu ndiye atakayekuwa wa kwanza kununua kwako, bila ya kujiuliza kama maarifa hayo yanapatikana bure mtandaoni au la.

SOMA;Kama Wewe Una Taaluma Au Uzoefu Wowote Ambao Watu Wanauhitaji, Unafanya Kosa Kubwa Sana Kama Huna Blog.

Hivyo basi, ili kuuza maarifa yanayopatikana bure mtandaoni, unahitaji kuwa na watu wanaokukubali na kukufuatilia kwa muda mrefu. Watu ambao umekuwa unawaandikia na kuwashirikisha maarifa yako kwa muda mrefu, wakanufaika nayo sana.

Watu hawa ndiyo watakaohamasika sana pale utakapowaambia, nimekuwa nakuandikia makala hizi kwa muda mrefu, umenishirikisha changamoto zako kwa muda mrefu, hapa kuna kitabu ambacho kitakusaidia sana… watanunua hata kama hujawaambia jina la kitabu. Kwa sababu wanakuamini, kwa sababu wana sababu ya kukusikiliza.

Usikimbilie kuuza kwa sababu unataka kuuza, ila tengeneza kwanza sababu ya watu kununua kwako. Sababu hii unaitengeneza kwa kuwapa watu maarifa ambayo yanawasaidia, kiasi kwamba siku ukija na maarifa unayouza, watakuwa tayari kulipia kwa sababu tayari wameshazoea kupata vitu vizuri.

Wape watu sababu ya kununua kwako, na watakuwa tayari kununua muda wowote na chochote unachouza hata kama wanaweza kukipata bure sehemu nyingine.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Chagua Tatizo Unaloweza Kuwasaidia Watu Kutatua Kupitia Maarifa Sahihi.

Jambo moja muhimu sana ambalo waandishi na wafanyabiashara wanapaswa kujua ni kwamba watu wana matatizo, tena mengi, siyo madogo. Watu wana changamoto mbalimbali ambazo zinawazuia wao kufika pale wanapotaka kufika au kuwa na maisha ambayo wanapenda kuwa nayo. Watu wana mahitaji mbalimbali ili kuwa na maisha wanayotaka.

Hili ndiyo eneo muhimu ambalo kila mtu anapaswa kuanzia, kwa kuchagua tatizo au hitaji analoweza kufanyia kazi, na kuwapa watu kile ambacho wanakitaka.

Kwenye uandishi, kitu kikubwa ambacho unakitoa ni maarifa sahihi ya mtu kuchukua ili kuondokana na tatizo alilonalo, au kupata kile ambacho anataka.

Watu wengi sana wamekwama kwa sababu hawajui wafanye nini. Huenda wameshajaribu njia kadhaa lakini hawajapata matokeo waliyokuwa wanategemea.

Cha kushangaza ni kwamba, yapo maarifa ya kuweza kutatua kila tatizo, na hata kama siyo kulitatua kabisa, basi kupunguza makali yake. Lakini watu wengi wanateseka wasijue wanawezaje kupata maarifa hayo, na hata wakiyapata wasijue wayatumieje.

Hapa ndipo wewe unapoweza kuingia na kuwasaidia watu kupata maarifa sahihi na kuweza kuyatumia kuondokana na matatizo yao au kupata kile ambacho wao wanakitaka.

Hili linakuhitaji wewe uwe mdadisi, uwe mtafiti uwe mtu wa kujifunza njia za kutatua tatizo lile, kisha kuwashirikisha watu kile ambacho kinaweza kuwasaidia. Wale wenye tatizo unalotoa maarifa ya kulitatua watakufuatilia na kukuamini, na baadaye watakuwa tayari kununua chochote unachouza.

SOMA;Njia Tano Za Kuanza Kukuza Email List Yako Kupitia Blog Na Mitandao Ya Kijamii.

Uzuri wa hili ni kwamba, unaweza kuanza na matatizo ambayo wewe mwenyewe yanakusumbua. Ukaanza kwa kutafuta maarifa sahihi ya kutatua matatizo hayo, ukayafanyia kazi, ukapata matokeo mazuri halafu ukawashirikisha watu kwa ushuhuda wako mwenyewe. Kwa njia hii utaweza kuwasaidia wengi zaidi na wakapata matokeo bora zaidi.

Angalia tatizo gani linawasumbua wengi, na ambalo unaweza kupata maarifa sahihi ya kulitatua, anza kuwashirikisha watu maarifa hayo kupitia blogu yako. Kama mpaka sasa huna blog, basi unapaswa kuwa nayo, na kama hujui unaipataje, tuwasiliane kwa wasap 0717396253.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Makundi Matatu Ya Wasomaji Wa Kazi Zako Ambayo Unapaswa Kuyajua Ili Kufanikiwa Kwenye Uandishi.

Uandishi una changamoto nyingi, na sehemu ya changamoto hizo inatokana na wasomaji wa kazi zako. Usipowajua wasomaji wako vizuri, unaweza kufanya maamuzi makubwa kuhusu uandishi wako kwa msingi ambao siyo sahihi.

Kwa mfano wapo watu wengi ambao wamekata tamaa na kuacha kuandika kwa sababu ya maoni ya wasomaji wao wachache. Wakaacha kabisa wakati kuna watu wengine walikuwa wanawafuatilia vizuri.

Wapo pia waandishi wengine ambao wamejipa vichwa kwa kuona wanakubalika sana, na kufanya maamuzi makubwa ambayo yanawagharimu sana pale wanapogundua hawakuwa wanakubalika kama walivyofikiri awali. Labda mwandishi amechapa vitabu vingi kutokana na maoni ya wasomaji wake kuwa kwamba wanataka kitabu, akishakuwa na kitabu, anashangaa mbona hakinunuliwi kama alivyofikiri.

Wapo wasomaji wa aina tatu kwa kazi zako, unapaswa kuwajua wasomaji hawa ili unapofanya maamuzi yako, uyafanye kwa usahihi.

Kundi la kwanza; wasomaji ambao wanakubaliana na wewe moja kwa moja.

Hili ni kundi la wasomaji ambao wanakukubali wewe kama wewe, hivyo kila unachoandika wanakubaliana nacho, hata kama kina makosa. Watakuelewa zaidi ya hata unavyofikiria wewe mwenyewe. Wasomaji hawa wapo tayari kuchukua hatua kwa lolote unalowafundisha au kuwashauri.

Hili ni kundi ambalo litakupa moyo sana wa wewe kuendelea kufanya kazi yako, kwa sababu utajua wapo watu wanakubaliana na wewe.

SOMA;Kuwa Halisi, Simamia Kile Unachojua Na Kuamini Kupitia Uandishi Wako.

Lakini pia hili ni kundi ambalo linaweza kukudanganya, likakupa matumaini ambayo hayapo na ukafanya maamuzi yatakayokuangusha baadaye. Lazima uwe makini na kundi hili, na ujue ni sehemu tu ya wasomaji wako, siyo wote wanakuchukulia hivyo.

Kundi la pili; wasomaji wasiokukubali kabisa.

Lipo pia kundi la wasomaji ambao hawakubaliani na wewe kabisa. Yaani hawa hawakukubali tu wewe, hivyo chochote unachoandika au kusema, hawakubaliani nacho. Labda hawakubaliani na falsafa ambayo unaisimamia au mtazamo wao ni tofauti na ule ulionao wewe.

Kundi hili linaweza kukukatisha tamaa na hata ukafikia hatua ya kuacha kabisa kuandika. Hili ni kundi unalopaswa kuwa nalo makini kwa sababu linaweza kukupelekea kukata tamaa.

Lakini pia unaweza kulitumia kujifunza, hasa pale wanapokukosoa kwa mambo ambayo unakosea kweli, kundi hili linakufanya uone wapi unakosea au wapi uboreshe zaidi.

Kundi la tatu; wasomaji wasiojali kuhusu wewe.

Hili ni kundi la wasomaji ambao hawakukubali moja kwa moja, na wala hawakukatai moja kwa moja. Hawa wapo tu, ukitoa kazi yako wanaweza kuisoma au wasiisome, wakiisoma wanaweza kuikubali au kuikataa. Hawana muda mwingi wa kufuatilia kuhusu wewe, hivyo wakikutana na wewe sawa, wasipokutana na wewe sawa.

Hili ni kundi ambalo unaweza kulitumia vizuri kuhakikisha unawafikia watu wengi zaidi. Kwa sababu utakapolifikia kundi hili vizuri, kuna ambao watakukubali na kuwa mashabiki wa ukweli, na wengine watakukosoa na kuwa wapinzani kwako.

Hivyo basi, unapoandika chochote na wakajitokeza watu kupinga, jua pia wapo ambao wamekubaliana na hicho, hata kama hawaoneshi waziwazi.

Kadhalika unapoandika kitu na watu wakakusifia sana, jua pia wapo wanaokupinga kwenye hilo, hata kama wapo kimya.

Hivyo wajibu wako ni kufanya kile muhimu, kukazana kuwa sahihi na kuboresha kila wakati. Watu watajipanga wenyewe kadiri wanavyopokea kazi zako, juhudi za kuwafanya wakukubali ni kupitia kazi unayofanya, na siyo njia nyingine.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Siri Moja Ya Kubobea Kwenye Jambo Lolote Unaloandikia.

Japokuwa hakuna cheti chochote unapaswa kuwa nacho ndiyo uruhusiwe kuandika, ukiondoa yale maeneo ya kitaalamu, watu wengi bado wamekuwa wanajizuia kuandika, kwa sababu wanaona hawana ubobezi wa kutosha kwenye kile wanachotaka kuandika.

Mimi sipendi mtu yeyote ambaye anapenda kuandika, ndani yake ana msukumo wa kuandika azuiwe na kitu chochote. Ndiyo maana kila siku kupitia mtandao huu wa MTAALAMU, nimekuwa nakupa mbinu za kukuwezesha kuvuka kila changamoto.

Kwa wale ambao wanakwama kutokana na kuona bado hawajabobea, leo nakwenda kuwapa siri moja ambayo wanaweza kuifanyia kazi popote walipo.

Iko hivi, ili uwe umebobea kwenye jambo lolote, kiasi cha wewe kuweza kuandika na kushauri wengine juu ya jambo hilo, unahitaji kujua vitu zaidi ya wengine wanavyojua. Unahitaji kujua misingi ya kitu kile, unahitaji kujua mambo yote muhimu.

Pia elewa kwa kawaida, watu hawapendi sana kusoma na kujifunza mambo kwa undani. Hivyo ina maana ukitenga muda wa kujifunza na kwenda ndani zaidi, utajua mengi zaidi ya wengine na hivyo kuwa na cha kuwashirikisha.

Zaidi ya nusu ya watu, hawasomi kitabu chochote wakamaliza kwenye maisha yao, hivyo ukisoma kitabu kimoja na ukakimaliza, utakuwa unajua vitu vingi zaidi ya nusu ya watu wanaokuzunguka.

Ukisoma vitabu viwili, utakuwa unajua vitu zaidi ya asilimia 80 ya watu wanaokuzunguka.

SOMA;Andika Hichi Pale Ambapo Huna Kabisa Kitu Cha Kuandika.

Ukisoma vitabu vitatu, utakuwa umejua vitu zaidi ya asilimia 90 ya wanaokuzunguka.

Na ukisoma vitabu vitano, utakuwa unajua vitu vingi zaidi ya asilimia 99 ya watu wanaokuzunguka.

Hivyo siri ipo hapo rafiki, soma vitabu vitano.

Eneo lolote unaloandika, ambalo kwa sasa unajiona hujawa mbobezi, chagua vitabu vitano bora kabisa ambavyo vimewahi kuandika kuhusiana na eneo hili. Soma vitabu hivyo, mwanzo mpaka mwisho.

Kupitia vitabu hivi utapata maarifa mengi, ambayo wengi hawana. Hivyo ukianza kuwashirikisha maarifa yale, watakushangaa kweli na kuona unajua vitu vingi. Kumbe ni vitu ambavyo vipo na kama wangependa kujifunza, wangeweza kuvipata pia.

Hivyo hili ni eneo zuri sana la kuanzia, kupitia kusoma vitabu vitano, utaelewa misingi ya kile unachoandika, utaelewa mambo muhimu sana yanayohusiana na kile unachoandika. Na kuanzia hapo, utajua maeneo yapi muhimu ya kuzingatia zaidi.

Nimalize kwa kusema, ukiondoa maeneo ambayo ushauri wa kitaalamu unahusika, kama afya, sheria na sayansi nyingine muhimu, unaweza kubobea kwenye jambo lolote unalopenda kuandikia kwa kusoma vitabu vitano. Chagua sasa vitabu vitano bora kabisa kuhusiana na eneo unaloandikia, visome mwanzo mwisho, utapata msingi muhimu sana utakaoweza kuutumia kuandika.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Unachoandika kitasomwa miaka mingapi kutoka sasa?

Mtu mmoja aliwahi kusema kwamba ili usisahaulike hapa duniani, basi unahitaji kufanya moja kati ya vitu hivi viwili;

Moja; ishi maisha ambayo ni makubwa sana kiasi cha watu kuandika kuhusu maisha yako. Unalielewa hili kupitia vitabu mbalimbali ulivyowahi kusoma kuhusu watu waliowahi kufanya makubwa hapa duniani.

Mbili; andika kitabu ambacho watu watakiishi, hichi kinakuwa kitabu ambacho kina maarifa muhimu sana na ya kuwasaidia watu kiasi cha wao kukifanya mwongozo wa maisha yao. Hapa pia utakuwa unavijua vitabu ambavyo watu wamekuwa wakiviishi, hasa vya falsafa na imani mbalimbali.

Swali langu kwako ni je kile unachoandika leo kitasomwa miaka mingapi kutoka leo? Je wapo watu ambao wataishi kile unachoandika? Watakitumia kama rejea pale wanapokutana na changamoto mbalimbali? Je watu watawaambia wengine wasome kile ambacho umeandika?

SOMA;Kazi Ambayo Haijakamilika Haivutii, Hivyo Jipe Ruhusa Ya Kuandika Kitu Kibovu.

Hili ni swali ambalo sisi waandishi lazima tujiulize kila mara kabla hatujafanya kazi yetu. Kwa kujiuliza hivi, tutakazana kuandika kitu ambacho kitawasaidia wengi.

Siyo mara zote utaweza kaundika kitu kinachodumu miaka mingi, lakini unapojiuliza kila mara, kuna wakati utaweza kuandika kitu kitakachodumu.

Hili ni muhimu sana inapokuja kwenye vitabu, kwa sababu unaweka nguvu nyingi kwenye kuandika kitabu, basi jitahidi kiwe kitabu ambacho hakipitwi na wakati. Kiwe kitabu ambacho kwenye zama zozote zile, kinaendelea kuishi na kuwapa watu mwongozo sahihi.

Leo hii vipo vitabu vingi tunavisoma, ambavyo vimeandikwa zaidi ya miaka 1000 iliyopita. Watu walioviandika na walioishi zama hizo, wakirudi duniani leo hawawezi kutambua kinachoendelea kabisa, lakini mawazo yao yameendelea kutusaidia mpaka leo hii.

Tuna fursa kila mmoja wetu ya kuweka kazi kubwa na kuweza kutoa maarifa ambayo yatadumu na kusaidia vizazi vingi vinavyokuja baadaye. Ni wajibu wengi kuandika tukifikiri hili, ili tuweze kuwasaidia wengi zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Andika Hichi Pale Ambapo Huna Kabisa Kitu Cha Kuandika.

Msisitizo wangu ni mmoja, kama umeamua kuwa mwandishi, basi andika kila siku. Najua unajua ninaposema mwandishi namaanisha mtu anayetumia maandishi kuwapa wengine maarifa na taarifa za kuwawezesha kufanya maamuzi bora kwenye maisha yake.

Hakuna maana ya kujiita mwandishi kama huandiki. Tunaita mti ni mwembe kwa sababu unatoa maembe, kadhalika kwenye mchungwa ambao unatoa machungwa. Mwembe na mchungwa vitaendelea kutoa matunda yake kadiri msimu unavyokwenda.

Hivyo wewe mwandishi andika, andika kila siku, hata kama huchapishi kile unachoandika kila siku.

Sasa kuandika kila siku siyo zoezi rahisi hata kidogo. Zipo siku utakuwa hujisikii vizuri, zipo siku utafikiria na ukose kabisa kitu cha kuandika. Lakini bado unahitaji upate kitu cha kuandika, na lazima uandike kila siku.

Unapofika kwenye siku kama hizi, basi unaweza kuandika kwa njia hii; andika sentensi moja ya kweli kabisa kuhusiana na kile unachoandikia, kisha endelea kutetea sentensi hiyo, endelea kuielezea kwa kina sentensi hiyo, endelea kwenda nayo kadiri mawazo zaidi yanavyokujia kuhusiana na kile ambacho unakiandika.

SOMA;Kazi Ambayo Haijakamilika Haivutii, Hivyo Jipe Ruhusa Ya Kuandika Kitu Kibovu.

Kwa namna hii utajikuta umeandika kitu kikubwa cha kuweza kuwashirikisha watu, wakajifunza na kuchukua hatua.

Unapoanza zoezi hili usijihukumu au kuanza kuangalia kama unachoandika ni kizuri au kibaya. Wewe fuata mawazo yako kadiri yanavyokupeleka, kwa namna unavyotaka kumwonesha mtu ule ukweli ambao anapaswa kuujua.

Usikubali kupitisha siku hujaandika kwa sababu unaona huna cha kuandika, yapo mambo mengi ya kuandika, ni vile tu wewe kwa sasa huangalii mambo hayo na hivyo huyaoni. Unaangalia kwamba huna cha kuandika na hivyo unachoona ni huna cha kuandika.

Unapovunja ukuta huo uliojijengea kwenye akili, na kuanza kufikiria ile sentensi moja ya kweli kabisa na unayotaka watu waielewe, akili yako inaanza kukukusanyia ushahidi wa kutosha kutetea sentensi uliyoanza nayo. Utajikuta unapata mifano ya kuelezea, utajikuta unafikiria njia bora zaidi za kumwelezea yeyote.

Yote hayo ni kwa sababu umechagua sehemu ya kuanzia na kufikiria kwenda mbele zaidi kutokea hapo ulipoanzia.

Anza na sentensi moja ya kweli kabisa, kisha itetee na kuitolea ufafanuzi zaidi, utakuwa na mengi ya kuandika na kufundisha.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Hicho Unachofikiri Ni Kidogo Na Cha Kawaida, Wapo Wengine Kitawasaidia Mno, Usiache Kuwashirikisha.

Rafiki, nimegundua naweza kuandika makala za kuwasaidia waandishi na waendeshaji wa blogu kupitia maswali mbalimbali wanayoyauliza. Hivyo nakusihi sana, kama makala hizi ninazoandika kupitia blog hii ya MTAALAMU zinakusaidia, basi weka maoni hapo chini yenye swali unalotaka kupata ufafanuzi na nitaandaa makala yake. Pia unaweza kunitumia swali kwa njia ya wasap 0717396253 na nitaandaa makala ya kufafanua kwa kina.

Mmoja wa wasomaji na mtu niliyemshauri kuanza kutoa maarifa ya taaluma yake kupita blog, aliniambia kuna kitu cha kawaida sana alikuwa ameandika, lakini akashangaa namna gani watu wanakichukulia kwa umuhimu mkubwa. Na hata watu walipomuuliza maswali, alishangaa inakuwaje watu hawajui vitu vya kawaida kama hivyo?

Hapo ndipo nilimwambia watu wengi wamekuwa wanafanya makosa. Watu, hasa wale ambao wana taaluma fulani, huwa wanafikiria mambo makubwa sana yanayohusu taaluma zao. Lakini yapo mambo madogo na ya kawaida kabisa, ambayo wao wanayadharau, lakini watu wengine wanayaheshimu sana.

Kuna vitu wewe unaona ni vya kawaida kwa sababu umezoea kufanya kila siku, lakini yupo mtu amekwama mahali hajui achukue hatua gani. Ambapo kama wewe ungechukua muda na kumshirikisha kile unachojua wewe, kingemsaidia na angekushukuru na kukufuatilia zaidi.

SOMA;Andika Kama Unavyoongea, Na Siyo Kama Unavyojibu Mtihani.

Ndiyo maana nimekuwa nasisitiza kila mtu anapaswa kuwa na blog, kila mtu. Kwa sababu kila mtu ana safari yake ya maisha inayotofautiana na wengine. Kila mtu kuna kitu anakifanya ambacho mwingine hajui kwa uhakika. Iwapo utakuwa na blog na ukawasaidia watu kupitia kile unachojua, kwa kuwasaidia kupata maarifa sahihi yatakayowawezesha kufanya maamuzi sahihi, watakuamini na kuwa wafuasi wako zaidi.

Chochote kile ambacho unakijua, iwe ni kwa kusomea au kwa mazoea, kinaweza kumsaidia mtu mwingine. Chochote ambacho umewahi kufanya kwenye maisha yako, wapo wengine wanaoweza kujifunza kwako.

Kwa mfano kama umeweza kusoma na kufaulu vizuri masomo yako, licha ya kuishi mazingira magumu, wapo wengine wanaopitia hali kama hizo. Ukiweza kuwashirikisha umewezaje kufanya hivyo, watanufaika sana.

Usidharau elimu au uzoefu ambao unao kwa kuona ni mdogo na hauwezi kumsaidia mtu yeyote, una msaada mkubwa kwa wengi, uweke kwenye njia ambayo mtu anaweza kujifunza na kuchukua hatua, utakuwa umewasaidia wengi na hata kutengeneza mazingira ya kuwa na kipato baadaye.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Usiangalie Umepata Likes Ngapi, Angalia Umegusa Watu Wangapi.

Moja ya changamoto kubwa za kizazi chetu, ni kupima vitu kwa mzani ambao siyo sahihi.

Hebu fikiria, umeenda kupima uzito, halafu mpimaji akakuambia kwa sasa tuna kifaa cha kisasa ambacho kinapima uzito kwa wewe kusimama mbele ya kioo, halafu unaletewa uzito wako. Ukafanya hivyo kweli, na majibu yakaja, uzito wako ni sentimita 170, na mpimaji akakuambua uko vizuri sana. Utapokeaje matokeo hayo? Unapimwa uzito, majibu yamekuja kwa sentimita, umeambiwa upo vizuri, unashangalia na kusema safi kabisa, nipo vizuri, je utakuwa sawa?

Sasa turudi kwenye uandishi, je ni kazi ipi ya uandishi ina mafanikio katika zama hizi za teknolojia ya mitandao ya kijamii? Kuna mtu kaandika kitu fulani, watu wakiweka likes nyingi mno, na ikaishia hapo. Mwingine ameandika kitu kingine, amepata likes chache mno, lakini watu wawili wamemtafuta na kumwambia alichoandika kimekuwa na msaada kwao, wanamwambia hatua walizochukua na matokeo waliyopata. Je ipi kazi ya uandishi yenye mafanikio?

Unaweza kuona ni namna gani tunaishi kwenye mvurugano mkubwa mno. Tunatumia vipimo visivyo sahihi kupima kazi za uandishi. Tunaangalia tumepata likes ngapi, kama ni nyingi basi kazi yetu ina mafanikio, kama likes ni chache basi haina mafanikio.

Nimekuwa naona hili likiwaumiza waandishi wanaoanza, wanakata tamaa pale wanapoandika lakini hawaoni watu wakionesha wazi wazi kwamba wanapenda kazi zao. wanaona hakuna anayejali, wanakata tamaa na kuacha.

SOMA;Je Unawezaje Kuandika Kuhusu Mafanikio Iwapo Wewe Hujafanikiwa?

Lakini kwa uzoefu wangu binafsi, hakuna kazi ya uandishi inayoenda bure, hakuna kabisa. kuna mtu hata mmoja tu, ambaye anaichukua kazi yako na kuifanyia kazi, hataweka like leo, hatakutafuta, lakini atafanyia kazi. Na siku moja atakuja kukuambia, nimekuwa nasoma kazi zako siku nyingi, zimenisaidia sana.

Ninachotaka kukuambia hapa ni kwamba, usiache kuandika kwa sababu unapata likes chache, usiache kuwashirikisha watu mawazo yako kwa sababu hakuna wengi wanaokuunga mkono. Wakati mwingine kazi ya uandishi ni ya imani kama ilivyo kwa mkulima, anapanda mbegu ardhini, baadaye zinakuja kuota, hakupoteza mbegu zile. Hivyo wewe kama mwandishi, andika, unaweza kuona unaongea mwenyewe, lakini hakuna kinachopotea, ipo siku watu watakuambia kazi zako zimekuwa zinawasaidia, na hayo ndiyo mafanikio makubwa sana ya kazi ua uandishi.

Mafanikio ya kazi ya uandishi siyo likes, bali namna gani unawagusa wengine, namna gani unawapa maarifa sahihi yanayowawezesha kuchukua hatua, kuweza kufanya maamuzi sahihi na kuwa na maisha bora.

Ni vigumu mbo kupima mafanikio hayo kwa likes, coments na kata kushare. Wewe fanya kazi yako, kuwa na imani kama mkulima anapopanda mbegu ardhini, na wakati unapofika, mbegu hizo zinachipua na kuzaa matunda mengi zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Je Unawezaje Kuandika Kuhusu Mafanikio Iwapo Wewe Hujafanikiwa?

Msomaji mmoja wa blog hii ya MTAALAMU ameniuliza swali kwamba yeye anapenda sana kuandika kuhusu mafanikio, ila anawezaje kuandika kuhusu mafanikio wakati yeye mwenyewe ndiyo kwanza anaanza na hana mafanikio makubwa?

Nikagundua swali la aina hii linaweza kuwa linawakwamisha wengi wasiwe waandishi. Wengi wanataka kuandika juu ya jambo fulani, lakini wanajizuia kwa kuona hawawezi, labda hawana utaalamu wa kutosha, au maisha yao hayaendani na kile wanachotaka kuandika.

Hivyo wanaona kama watakuwa wanadanganya watu, na kudanganya siyo kuzuri.

Nakubaliana kabisa na hilo, ya kwamba kama mwandishi ambaye unataka mafanikio, hupaswi kudanganya, kwa sababu watu hawapendi kuwa wafuasi wa mtu mwongo.

Lakini kwenye kuandika kuhusu mafanikio wakati wewe bado hujafanikiwa, hupaswi kujizuia hata kidogo.

Katika uandishi wa jambo lolote, kuna sehemu tatu kuu unaweza kusimama kama mwandishi.

Sehemu ya kwanza ni kuandika kuripoti, yaani wewe unatoa taarifa na maarifa kama ambavyo umeyapokea kutoka kwa wengine. Huhitaji kuwa umefanya chochote, wewe unawaambia tu watu zile taarifa ambazo zipo.

Sehemu ya pili ni kuandika yale unayojifunza. Hapa unawashirikisha watu yale ambayo unajifunza, unakuwa ni mwanafunzi wa kitu fulani, na kila unachojifunza unawashirikisha wengine.

Sehemu ya tatu ni kuandika kutoa uzoefu. Hapa sasa unakuwa umeshafanya kitu, una uzoefu na hivyo unawashirikisha wengine umepita wapi na umewezaje kufika pale ambapo umefika.

Sehemu zote hizi tatu ni muhimu, japo wengi huangalia sehemu ya tatu pekee, ya kuandika kutoa uzoefu, hivyo wakiwa hawana uzoefu, wanaogopa kuandika.

SOMA;Njia Ya Uhakika Ya Kuondokana Na Hofu Ya Kuandika.

Hivyo basi, iwapo unataka kuandika kuhusu mafanikio, na bado unajiona hujafanikiwa, zingatia haya;

  1. Mafanikio ni dhana pana, hakuna mtu ambaye hana mafanikio, kuwa hai leo ni mafanikio. Unaweza kuwashirikisha watu kuhusu changamoto ulizowahi kupitia kwenye maisha yako na ukaweza kuzivuka. Hata kama ni changamoto ndogo, wapo wanaopambana na changamoto za aina hiyo, ambazo wakijifunza kutoka kwako itawasaidia.
  2. Anza safari ya mafanikio makubwa zaidi na washirikishe wasomaji wako kila unachojifunza kwenye safari hiyo ya mafanikio. Jifunze mbinu za mafanikio, jifunze kutoka kwa waliofanikiwa, kisha washirikishe wasomaji wako kile ambacho unajifunza.
  3. Wape watu taarifa zinazoendelea kwenye ulimwengu wa mafanikio. Labda kuna watu fulani ambao wametoka chini na kuweza kufanya makubwa, wape wasomaji wako taarifa hizo. Labda kuna tafiti fulani zimefanywa kuhusu mafanikio, washirikishe wasomaji wako. Chochote ambacho unakipata na unaona kinaweza kukusaidia wewe, basi washirikishe wasomaji wako pia.
  4. Soma vitabu vya mafanikio na wachambulie wasomaji wako. Watu wengi hawapendi kusoma vitabu au hawawezi kutenga muda wa kusoma vitabu, fanya hilo na washirikishe mambo muhimu kutoka kwenye vitabu mbalimbali vya mafanikio, na watakufuatilia kwa karibu kujifunza.

Kama ambavyo tumeona hapo, kuna mengi sana ya kuandika kuhusu mafanikio, hata kama wewe mwenyewe unajiona hujafanikiwa.

Muhimu sana ni uwe mkweli kwa watu, usijaribu kujionesha kwa namna ambayo siyo kweli, watu watakuja kujua na hawatakuamini tena.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Andika Kama Unavyoongea, Na Siyo Kama Unavyojibu Mtihani.

Njia ya kwanza na iliyozoeleka kwenye mawasiliano kwetu binadamu ni mazungumzo.

Mazungumzo yana njia fulani ya kuwafanya watu kufuatilia kinachozungumzwa na kuweza kuelewa vizuri.

Pia mzungumzaji anakuwa na njia za kuwafanya watu kuendelea kusikiliza bila ya kuchoka.

Lakini inapokuja kwenye maandishi, huwa yanawachosha wengi kutokana na kukosa ule mtiririko wa maongezi.

Wengi wanapoandika, huandika kama vile wanajibu mtihani au kuandika ripoti ya utafiti.

Hivyo msomaji anaposoma, anakosa ule mtiririko anaoupata kwenye maongezi na hilo humpelekea kushindwa kuendelea na usomaji.

Ili kuepuka hali hii, unahitaji kuwa unaandika kama unavyoongea.

Ndiyo, jinsi unavyoongea na wengine, na wakawa na hamasa ya kukusikiliza, ndivyo pia unavyopaswa kutengeneza mtiririko wa maandishi yako.

Usiandike kitu ambacho kinamchosha mtu kusoma, badala yake andika kitu ambacho kinampa mtu hamasa ya kuendelea.

SOMA;Njia Ya Uhakika Ya Kuondokana Na Hofu Ya Kuandika.

Tengeneza mtiririko mzuri ambapo msomaji anaweza kukufuatilia.

Jenga hoja zako hatua kwa hatua kuhakikisha msomaji anakufuatilia vizuri mpaka mwisho.

Muhimu zaidi, andika kwa lugha ya kuwasiliana na msomaji wako moja kwa moja.

Kwa chochote unachoandika, mwandikie msomaji wako moja kwa moja, kama vile unaongea naye ana kwa ana.

Kwa njia hii unachoandika kitamgusa moja kwa moja na kuweza kuchukua hatua.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.