Tengeneza Hamasa Ya Kuandika, Na Siyo Kusubiri Mpaka Upate Hamasa.

Tofauti ya waandishi waliobobea na waandishi wachanga haipo kwenye wingi wa maandishi au ubora wa kazi wanazotoa.

Tofauti kubwa kabisa ipo kwenye hamasa.

qa

Waandishi wachanga na wa kawaida huandika pale wanapopata hamasa. Anaweza kuwa amepanga ataandika kila siku, lakini unapofika muda wa kuandika anaona hana hamasa. Anaahirisha kuandika mpaka pale anapopata hamasa. Sasa jambo moja kuhusu hamasa ni kwamba, huwa haiji, hivyo hawaandiki na hivyo kushindwa kuwa waandishi wakubwa.

Waandishi wakubwa na waliobobea wanajua kitu kimoja, kazi ya mwandishi ni kuandika, iwe ana hamasa au la. Hivyo waandishi hawa huandika kila wanapopanga kuandika, na hawajiulizi iwapo wana hamasa ya kuandika au la. Wanapanga muda wa kuandika, na mara nyingi ni kila siku, muda ule unapofika, wanakaa chini na kuandika.

SOMA; Unawezaje Kuandika Pale Unapokuwa Hujisikii Kuandika?

Ili uweze kutoka kuwa mwandishi mchanga au wa kawaida, na kuwa mwandishi aliyebobea na mkubwa, andika kila siku, andika iwe una hamasa au la.

Swali ambalo wengi wanajiuliza ni kwamba watapata wapi mambo mazuri ya kuandika kwa wengi. Wengine hufikiria bora kuandika vitu vichache ambavyo ni bora kuliko vingi ambavyo ni kawaida.

Na hapa ndipo wanapojidanganya sana kwa sababu, ubora wa kazi za uandishi huwezi kuupima wewe, bali wale wanaopokea kazi zako. Unaweza kuandika kazi wewe ukafikiria ni bora ila wasomaji wakaona ni ya kawaida tu.

Hivyo jibu ni moja, andika kazi nyingi, iwe vitabu, makala au njia nyingine za uandishi, kisha wasomaji wako wataona zipi zinawapendeza.

Swali la msingi unawezaje kutengeneza hamasa ya kuandika pale unapopanga kuandika?

Kwanza kabisa lazima uhakikishe unaepuka kila aina ya kelele, na hapa simaanishi kelele za watu pekee, ila kelele kuu ya zama hizi ambayo ni mitandao ya kijamii.

Usipange kuandika na wakati huo huo upo kwenye mtandao. Utakapokuwa unaumiza mawazo uandike nini, itakuwa rahisi kwako kukimbilia kwenye mtandao kuangalia nini kinaendelea. Na ukishaingia kwenye mtandao, huwezi kurudi tena kuandika.

Panga muda wa kuandika, anza na muda mfupi, labda dakika kumi au nusu saa. Kisha usikubali kufanya kitu kingine chochote ndani ya muda huo ila kuandika. Hata likakujia wazo zuri kiasi gani, achana nalo na kaa chini uandike. Ukiweza kujizuia kwa kiasi hicho, utakuwa umeweza kutengeneza hamasa ya kuandika. Utaweza kuandika kazi nyingi na kati ya hizo, lazima utakuwa na kazi bora.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

4 thoughts on “Tengeneza Hamasa Ya Kuandika, Na Siyo Kusubiri Mpaka Upate Hamasa.

  1. Pingback: Fanya Uandishi Kuwa Kazi Yako Kuu, Na Siyo Kitu Cha Pembeni. | MTAALAMU Network

  2. Pingback: Fanya Uandishi Kama Sehemu Ya Maisha Yako, Na Hutasumbuka Kuandika. | MTAALAMU Network

  3. Pingback: Kuandika Ni Mapenzi Kwanza Kabla Ya Kufikiria Kulipwa. | MTAALAMU Network

  4. Pingback: Sababu Tatu Za Mkwamo Ua Uandishi (Writer’s Block) Na Jinsi Ya Kuondoka Kwenye Mkwamo Huo. | MTAALAMU Network

Leave a Reply