Category Archives: Email List

Mitandao Ya Kijamii Siyo Jukwaa, Tengeneza Jukwaa Lako Kwa Njia Hizi Mbili.

Kama wewe ni mwandishi, mwimbaji, mchoraji au msanii wa aina yoyote ile, unalenga kuwafikia watu wengi zaidi. Kazi yako haijakamilika kama haijafika kwa wengine. Na kadiri kazi yako inavyowafikia wengi, ndivyo unavyozidi kuwa na ushawishi mkubwa na hata kuwasaidia wengi zaidi.

Kama unaishi zama hizi, basi lazima utakuwa unatumia mitandao ya kijamii. Na hapa ndipo wengi wameweka tegemeo lao kubwa katika kusambaza kazi zako.

Msanii yeyote yule, anahitaji kitu kimoja muhimu sana. kitu hicho ni jukwaa. Jukwaa ndiyo linatumika kufikisha kazi ya msanii kwa wale ambao wamewalenga.

kutangaza mitandaoni

Mitandao ya kijamii inaweza kuonekana ni jukwaa zuri, kutokana na wingi wa watu waliopo kwenye mitandao hiyo. Lakini ukweli ni kwamba, mitandao ya kijamii siyo jukwaa zuri kwa wasanii au waandishi. Ni sehemu ya kuwaeleza watu jukwaa lako lilipo, lakini yenyewe kama yenyewe siyo jukwaa.

Hii ni kwa sababu watu kwenye mitandao ya kijamii wanakutana na taarifa nyingi sana kwa muda mfupi. Hivyo kelele ni nyingi, siyo rahisi kwao kukufikia wewe na kazi zako.

Hivyo jukwaa sahihi ni kwa msanii na mwandishi, linapaswa kuwa na kazi zake tu. Sehemu ambayo msomaji au mfuatiliaji akienda, anakutana na kazi za msanii pekee na siyo kelele nyingi.

SOMA; Itumie Blogu Yako Kama Jukwaa Lako.

Jukwaa sahihi kwa waandishi na wasanii ni kuwa na blog. Unapokuwa na blog unaweka kazi zako pekee, hivyo msomaji au shabiki anapotembelea blog yako, anakutana na kazi zako pekee.

Hii ndiyo sababu nimekuwa nawashauri sana waandishi na wasanii wengine, kuwa na blog zao ambapo wanaweka kazi zao. Hata kama kazi hizo wanaziweka kwenye mitandao ya kijamii, bado wanapaswa kuziweka kwenye blogu zao pia.

Njia ya pili ya kuwa na jukwaa ni kuwa na email list. Huu ni mfumo ambao wasomaji na washabiki wako wanapata taarifa kutoka kwako moja kwa moja kwenye email zao. Hapo unatengeneza ukaribu na wasomaji au washabiki wako ambapo unaweza kuwapa zaidi na hata wao kununua zaidi kutoka kwako.

Hivyo kama unatumia mitandao ya kijamii ni njia nzuri, lakini kumbuka hilo siyo jukwaa, hiyo ni njia ya kuwafikisha watu kwenye jukwaa. Tengeneza jukwaa, kuza jukwaa lako.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Njia Tano Za Kuanza Kukuza Email List Yako Kupitia Blog Na Mitandao Ya Kijamii.

Kama wewe ni mwandishi ambaye unatumia mtandao wa intaneti na mitandao ya kijamii na huna email list, yaani orodha ya wasomaji wako ambao wanapokea maandiko yako moja kwa moja kwenye email zao, basi huutendei haki uandishi wako. Kwa sababu kwenye uandishi, email list ndiyo sehemu pekee ya kujenga mahusiano mazuri na wasomaji wako na hatimaye kuwa wafuasi wako wa karibu.

Hivyo ni muhimu sana kwa kila mwandishi kuwa na email list, ambayo ataitumia kujenga ukaribu na wasomaji wake, na hatimaye kuitumia kuuza huduma na bidhaa zake nyingine moja kwa moja kwa wasomaji wake.

Sasa ukishakuwa na email list, kazi muhimu ni kuikuza ili uwe na wasomaji wengi waliojiandikisha kwenye orodha hiyo. Hapa nakupa njia tano za kukuza list yako.

  1. Weka fomu kwenye blog yako.

Hakikisha kwenye blog yako kuna fomu ya watu kuweza kujiunga na email list yako. Kuwa na ukurasa maalumu wenye kichwa cha jiunge na mtandao huu au jiunge na mimi, na hapo mtu anaweza kujaza taarifa zake ili kupokea mafunzo zaidi. Unaweza pia kuwa na fomu ambayo inafunguka kabla mtu hajafungua makala (pop up), japo hii inaweza kuwasumbua na kuwakera watu, ila unaweza kuitumia kwa muda.

  1. Weka fomu kwenye facebook.

Mtandao wa kijamii wa facebook, kupitia ukurasa uliofungua, unaweza kuweka fomu moja kwa moja. Kwa njia hii, msomaji wako anayekujua kupitia mtandao wa facebook anaweza kujiunga moja kwa moja, hata kama hajatembelea blogu yako. Ni rahisi kufanya hivyo na unawafikia watu wengi zaidi. Kama tunavyojua, mtandao wa facebook una wafuatiliaji wengi.

  1. Toa zawadi ambayo watu wanaipata kwa kujiandikisha.

Ili kuwavutia wasomaji wako kujiunga na email list yako, unapaswa kutoa zawadi ambayo wataipata kwa kujiunga na email list yako. Zawadi hiyo inaweza kuwa kijitabu kidogo ulichokiandaa kwa mfumo wa pdf na unawatumia wakishajiunga. Hiyo itawapa sababu ya kujiunga ili kupata kile unachotoa.

SOMA;Makala kwa Email

  1. Wakumbushe mwisho wa makala.

Kila mwisho wa makala unayoandika, wakumbushe wasomaji wako kujiunga na email list yako. Weka link au fomu ya kujiunga mwisho wa makala, ambapo msomaji ataweza kufungua au kujiunga moja kwa moja.

  1. Andaa makala zitakazotolewa kwa email pekee.

Njia nyingine bora ya kukuza email list yako ni kuwa na aina za makala au kipengele ambacho utatuma kwenye email pekee. Unaweza kutenga siku fulani ya wiki na kuwaambia wasomaji wako kwamba wakijiunga kila siku fulani ya wiki watapokea makala kutoka kwako. Na hakikisha unatimiza kile ambacho umekiahidi.

Tumia kila fursa unayoiona kuhakikisha wasomaji wako wanajiunga na email list yako. Na wakishajiunga watumie makala nzuri zenye msaada kwako, zitakazowafanya waendelee kuwa na wewe na kukuamini zaidi.

Kama mpaka sasa huna email list, karibu nikusaidie kuandaa email list nzuri na kukuwekea kwenye blog na mtandao wa facebook. Tuwasiliane kwa wasap namba 0717396253.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Hatua Tano (05) Za Uandishi Wa Makala Yenye Kuvutia Wasomaji Na Kuwafanya Kuchukua Hatua.

Habari za wakati huu mwandishi na mwanabloga?

Kama ambavyo wengi tunajua, uandishi ni sanaa, na kazi yoyote ya sanaa, huwa haina ukamilifu. Kila kazi ya sanaa inaweza iuboreshwa zaidi. 

Lakini pia hili halitupi sababu ya kufanya kazi mbovu ya uandishi. Hivyo basi, leo nimekuandalia makala nzuri kuhusu uandishi wa makala zenye mvuto na kuwapelekea watu kuchukua hatua.

Makala yoyote inapaswa kuwa na sehemu kuu tano, ambazo unapaswa kuziandika vizuri ili msomaji avutiwe kusoma, akuelewe na aweze kuchukua hatua.

Sehemu ya kwanza ni kichwa cha makala au tittle.

Hii ndiyo inamvutia msomaji mpaka afungue makala.

Hivyo kichwa kinapaswa kuwa na ushawishi, kiwe na ahadi kwa msomaji.

 Vichwa vyenye namba au idadi vinavutia zaidi.

Kwa mfano; 

1. mambo ya kuzingatia ili kufanikiwa,

Na 

2. mambo matano muhimu ya kuzingatia ili kufanikiwa,

Namba mbilo itafunguliwa zaidi.

Hivyo weka mvuto kwenye makala, na ikiwezekana, weka idadi au namba. Kama makala haihusu idadi basi usiweke, ila andika kichwa kinachovutia.
Sehemu ya pili ni ufunguzi wa makala au introduction.

Hapa unamkaribisha msomaji kwa kumtambulisha kwenye kile unachokwenda kumshirikisha. Hapa unapaswa kuweka maneno mazurim yanayoeleweka na kuvutia msomaji aendelee na makala. Pasipokuwa na maneno ya kuvutia, utawapotezea wengi bapo. Aya moja inatosha hapo.
Sehemu ya tatu ni makala yenyewe.

Hapa ndipo unapompa mtu kile ambacho umemwandalia. Makala inapaswa kuwa imejibu kile ambacho msomaji wako anataka kujua. Hii ina maana akimaliza kusoma makala, basi ana jibu fulani.

Makala ikiwa na orodha inavutia zaidi, kama tulivyoona kwenye kichwa.

Kama haina orodha ya namba basi pangilia vizuri maelezo yapangiliwe vizuri.
Sehemu ya nne ni hitimisho la makala au conclusion.

Hapa unamaliza kwa kumpa msomaji hitimisho, au yote aliyojifunza yana maana gani kwake.
Sehemu ya tano ni hatua ya kuchukua au CALL TO ACTION,

Hii ni hatua muhimu sana. Hapa unampa msomaji hatua ya ya kichwa baada ya kuwa amesoma makala yako.

Hii inaweza kuwa mwishoni mwa makala au hata katikati.

Unahitaji kumpa msomaji kitu cha kufanya,

Na yafuatayo ni mambo unayoweza kumshawishi msomaji afanye;

1. Kujiunga na email list yako, hivyo unahitaji kuwa na email list.

2. Kuweka maoni yake kuhusiana na ulichomshirikisha.

3. Kununua kitu unachouza.

4. Kuwashirikisha wengine nao wajifunze.

Kwa vyovyote vile, hakikisha kuna hatua msomaji unataka achukue akishasoma makala yako.

Zingatia msingi huu kwenye kila makala unayoandika, wasomaji wako wataweza kukufuatilia vizuri na watakuelewa na kuweza kuchukua hatua.

Kama una swali lolote au kuhitaji ufafanuzi juu ya uliyojifunza kwenye makala hii, weka maoni hapo chini.

Kupata blog nzuri na ya kitaalamu unayoweza kuitumiankutengeneza kipato, tuwasiliane kwa wasap namba 0717 396 253.

Karibu sana,

Rafiki yako,

Kocha Makirita Amani.

Idadi Sahihi Ya Wasomaji Unaohitaji Ili Kutengeneza Kipato Cha Uhakika Kwenye Intaneti.

Intaneti imeleta mapinduzi makubwa kwenye maisha yetu ya kila siku. Watu walifikiri ni kitu cha muda na cha kupita, lakini kadiri siku zinavyokwenda, watu wanakubali kwamba intaneti ipo na itaendelea kuwepo.

Mitandao ya kijamii kama facebook, instagram na wasap imezidi kuchochea matumizi ya intaneti kwa kila mtu. Mitandao hii imekuwa sehemu kubwa ya mawasiliano na kupashana habari kwa watu walio wengi.

Kizuri zaidi ni kwamba, intaneti na mitandao ya kijamii, imekuwa fursa ya watu kuweza kujiajiri kupitia mitandao hii na kutengeneza kipato cha kuendesha maisha yao. Watu wanaweza kujiajiri kwa kufanya biashara moja kwa moja kwenye intaneti au kutumia intaneti kukuza zaidi biashara zao ambazo wamekuwa wanafanya.

Pamoja na fursa hii kubwa ya kutengeneza kipato kwenye intaneti, bado watu wengi hawana uelewa wa kutosha, na hivyo wamekuwa wanafanya makosa ambayo yanawagharimu.

Moja ya makosa hayo ni kutojua idadi sahihi ya wasomaji ambayo mtu unapaswa kuwa nayo kwenye intaneti ili kuweza kutengeneza kipato cha uhakika. Kwa kutokujua idadi hii sahihi, watu wamekuwa wakipoteza nguvu nyingi kutaka kumfikia kila mtu, na kujikuta hawapati watu wengi wa kuweza kufanya nao biashara.

Ipo sheria inaitwa MASHABIKI WA UKWELI 1,000.

Sheria hii inasema kwamba, ili uweze kutengeneza kipato cha kutosha kama msanii, yaani uwe mwandishi, mwimbaji, mchoraji na kadhalika, unahitaji kuwa na mashabiki wa ukweli 1,000. Ndiyo ni mashabiki wa ukweli elfu moja tu unaohitaji ili uweze kutengeneza kipato cha kutosha kuendesha maisha yako kwa kufanya kile unachotaka kufanya.

Na hapa ni muhimu kwanza tuwajue mashabiki wa ukweli ni wapi?

Hawa ni wale watu wanaoikubali kweli kazi yako. Wapo tayari kununua chochote unachotoa. Watu hawa wanasubiri kwa hamu chochote unachotoa na kukinunua haraka. Siyo watu wanaouliza bei au kutaka kupunguziwa au kupata bure. Ni watu ambao wapo tayari hata kukuchangia ili kazi zako ziweze kwenda. Watanunua hata tisheti au kikombe chenye jina lako. Watasafiri umbali mrefu kuja kwenye onesho lako au mafunzo yako. Hawa ndiyo mashabiki wa ukweli, ambao unawahitaji ili kuweza kuendesha vizuri kile unachofanya.

Kitu cha pili kwa nini elfu moja?

Kama una mashabiki wa ukweli, ambao wapo tayari kununua chochote unachotoa. Unaweza kuwapa wastani wa kukupa kiasi cha shilingi elfu kumi kila mwezi. Hivyo tsh 10,000/= kwa watu 1,000 unapata tsh 10,000,000/= hiyo ni shilingi milioni kumi kila mwezi. Hicho ni kipato kinachokuwezesha kuwa na maisha inayoyataka. Na kama hutaki kuanzia mbali kiasi hicho, basi unaweza kuweka wastani wa shilingi elfu 5 kila mwezi, na ukapata milioni tano kila mwezi. Au kama unaanzia chini kabisa, basi fanya shilingi elfu moja kila mwezi, na utapata milioni moja kwa mwezi.

Unaona sasa tunachokwenda kutengeneza hapa?

Huhitaji kila mtu ili kuweza kutengeneza kipato kwenye mtandao wa intaneti. Huhitaji kukazana kumfikia kila mtu, bali unachohitaji kufanya ni kutengeneza mashabiki elfu moja tu, ambao wanakukubali sana  wewe, wanaenda sambamba na wewe kwenye kila unachofanya. Utakuwa na uhuru mkubwa wa kufanya kile unachofanya.

Tukirudi kwenye mpango wetu ambao ni kutengeneza kipato kupitia intaneti na mitandao ya kijamii, hapa sasa unahitaji kuwa na blog ambayo utaitumia kuwapata mashabiki wako 1000. Unahitaji kuwa na mitandao ya kijamii ambayo utaitumia kuwafikia mashabiki wako hao elfu moja. Na muhimu zaidi, unahitaji kuwa na mfumo wa email, ambao utautumia kuwa karibu na mashabiki wako hao elfu moja.

Vitu hivyo vitatu; 1. BLOG 2. MITANDAO YA KIJAMII 3. EMAIL LIST, ni lazima uwe navyo kama unataka kutengeneza kipato kupitia intaneti.

Kama huwezi 1,000 basi anza na 100 au anza na 10.

Upo usemi wa Martin Luther King kwamba kama huwezi kuruka basi kimbia, kama huwezi kukimbia basi tembea na kama huwezi kutembea basi tambaa, fanya chochote ila tu usonge mbele.

Najua elfu moja inaweza kuwa namba kubwa, hasa kama ndiyo unaanza. Na mimi nakuambia usiwe na wasiwasi, kama elfu moja ni kubwa, basi anza na 100 na kama 100 ni kubwa, basi anza na kumi. Anza kwa kutafuta mashabiki kumi wa ukweli, ambao watanunua chochote unachowauzia, na hata wapo tayari kukuchangia huduma yako iendelee, na ukishawapata hao kumi, endelea kuwakuza zaidi.

Je una mashabiki wangapi wa ukweli kwenye kazi zako?

Kama bado hujaweza kutengeneza mashabiki, au huna mashabiki wa kutosha, tuwasiliane kwa wasap namba 0717 396 253. Karibu sana.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Jinsi Ya Kutengeneza Email List Ya MAIL CHIMP, Hatua Kwa Hatua.

Email list ni sehemu muhimu ya blog yako ambayo unaweza kuitumia kutengeneza kipato kupitia mtandao wa intaneti.

Kwenye email list yako, unawashawishi wasomaji wako kujiunga na kisha unakuwa unawatumia makala na mafunzo kupitia email zao.

Mwanzoni utakuwa unawatumia bure ili kujenga uaminifu na kuonesha thamani yako. Baadaye utaweza kuwapatia huduma nyingine za kulipia.

Watu ambao wamejiunga na email list yako, ni watu ambao wapo tayari kununua kutoka kwako kuliko wale wanaotembelea blog yako kwa mara ya kwanza.

Hivyo unahitaji kufanya vitu viwili muhimu;

  1. Kuwa na email list.
  2. Kuikuza email list yako ili kuwa na wasomaji wengi, utakaoweza kuwauzia huduma zako baadaye.

Kwenye makala hii ya leo tutaangalia jinsi ya kutengeneza email list yako. Kwenye makala zijazo tutajifunza mbinu za kukuza email list yako.

Jinsi ya kutengeneza email list ya MAIL CHIMP.

Mail chimp ni moja ya mifumo rahisi ya kutengeneza email list yako. Hapa nakuwekea hatua kwa hatua jinsi unavyoweza kutengeneza email list yako kwenye mail chimp.

  1. Ingia kwenye mail chimp, www.mailchimp.com utaona kama inavyoonekana kwenye picha hapo chini. Bonyeza SIGN UP FREE.

1

2. Jaza taarifa zako kama nilivyoonesha kwenye picha hapo chini. Weka email yako, username na password unayotaka kutumia. Password iwe na HERUFI KUBWA, herufi ndogo, namba na alama kama @#$% ukimaliza bonyeza GET STARTED2

3. Nenda kwenye email yako uliyoandikisha, utakuta umetumiwa email ya kuactivate akaunti yako ya mailchimp3

4. Ukiingia kwenye email yako utaona email kama inavyoonekana kwenye picha hapo chini.4

5. Fungua hiyo email, na bonyeza sehemu iliyoandikwa ACTIVATE ACCOUNT.5

6. Itakupeleka eneo la kujaza taarifa zako, weka majina yako, jina la blog na taarifa nyingine kama watakavyouliza. jaza taarifa zote, hata kama siyo sahihi. mfano sanduku la posta, jaza namba yoyote na mji.7 8 9

7. Kwenye swali la kuuza jaza no.10

8. Kama unataka kuunganisha fomu yako na mitandao ya kijamii, bonyeza facebook au twitter, unaweza kuruka kwa sasa kw akubonyeza continue.11

 

9. Ukishamaliza hivyo acount yako inakuwa tayari. Kama unataka kupokea email zao za matangazo na mafunzo, kubali hapo kama inavyoonekana hapo chini.12

10. Ukishamaliza ingia kwenye email list yako, utaona kama inavyoonekana hapo chini. Bonyeza CREATE A LIST.13

11. Jaza jina la blog yako na email yako. Watakuletea angalizo kwamba email ya gmail siyo nzuri, bonyeza ACKNOWLEDGE THE RISK14

12. Hapo kwenye remainder weka ujumbe ambao watu watakumbuka wanapopokea email yako.15

13. Ukishajaza maelezo yote, bonyeza sehemu ya SAVE.16

14. Hapo umeshatengeneza list yako. Kinachofuata sasa ni kutengeneza fomu ya wasomaji kujiunga. Bonyeza CREATE SIGNUP FORM.17

15. Hapa unaweza kuanza kuchagua GENERAL FORMS, bonyeza sehemu ya select kisha fanya marekebisho. Marekebisho unayoweza kufanya ni kuongeza taarifa ambazo mtu anapaswa kulaza au kuitafsiri fomu kwa kiswahili. Sehemu ya NAME unaweka JINA, pia ongeza sehemu ya kujaza namba ya simu.

Ukimaliza kufanya marekebisho save kisha rudi tena kwenye fomu, safari hii chagua Embeded fomu, hii ndiyo fomu utakayoweka kwenye blog yako ili watu wajiandikishe kwenye list yako.18

16. Hapo chini kuna maelekezo ya EMBEDED FORM, unaweza kufanya marekebisho ya namna unavyotaka ionekane. Kama ulishafanya marekebisho kwenye GENERAL FOEM utayaona huku.

Angalia picha ya chini, kuna sehemu imeandikwa ENABLE RECAPTURE, imewekwa tiki, bonyeza hapo kuondoa hiyo tiki.

Ukishamaliza kopi hiyo code, angalia nilipozungushia alama nyekundu pameandikwa COPY/PASTE, chagua hayo maelezo na kopi, kisha utaneda kupaste kwenye blog yako kama nitakavyoelekeza hapo chini (namba 23).19 20 21

17. Sasa unapaswa kujua namna ya kuwatumia wasomaji wako waliojiunga email za makala na mafunzo. Nenda sehemu iliyoandikwa CAMPAIGN, ibonyeze. Bonyeza sehemu ya CREATE NEW CAMPAIGN22 23

18. Select sehemu ya REGULAE CAMPAIGN24

19. Chagua watu unaotaka wafikiwe na hiyo kampeni, kwa sasa chagua entire list. Ukishachagua angalia chini kuna sehemu imeandikwa next, bonyeza hapo.25

19. Hapo inakuja sehemu ya kuandika maelezo kuhusu kampeni yako. Kampeni name weka neno lolote utakalokumbuka wewe,labda namba ya kampeni.

Email subject weka kichwa cha habari, hii ndiyo msomaji atakayopokea kwenye email yake.

Weka jina unalotaka lionekane kwa msomaji kwamba email imetoka kwa nani.

Kisha weka email ambayo unataka msomaji aone imetoka kwa nani. ukiweka gmail au yahoo watakuletea maelezo ya risk bonyeza ACKNOWLEDGE THE RISK. Baada ya hapo bonyeza NEXT.26

20. Hapa unachagua template ambayo utaitumia kutuma email yako. huu ni muonekano wa email kama atakavyopokea msomaji. Kwa sasa chagua yoyote, chagua hata ile ya kwanza.27

21. Hayo maeneo niliyozungushia alama nyekundu, yabonyeze na utaona option ya kufuta au kurekebisha, futa hayo maelekezo yaliyopo. kisha andika au paste yale maelezo unayotaka kumtumia msomaji wako. kama ni makala basi hapo ndipo pa kuiweka, kwenye hilo eneo la chini lenye maandishi mengi.

Unaweza kufanya marekebisho mbalimbali, angalia upande wako wa kulia. Ukimaliza bonyeza next.28

22. Sasa umeletewa muhtasari wa kampeni unayotaka kutuma, jina la email, jina lako, na email uliyoandikisha. Kama kuna kitu hakipo sawa, unaweza kubadili. Kama kila kitu kipo sawa unaweza kutuma papo hapo kw akubonyeza SEND au kutuma baadaye kw akubonyeza SCHEDULE.

N;B Hiyo ya kwangu imeshindwa kwenda kwa sababu list haina mtu hata mmoja.29

23. Sasa tunarudi kwenye kukopi na kupaste fomu yako kwenye blog yako. Select hayo maneno (codes) kama nilivyofanya hapo chini, ksiha kopi.30

24. Kama unatumia BLOGGER, nenda kwenye makala ambapo unataka kuweka fomu, weka nafasi kisha bonyeza sehemu ya HTML.31

25. Paste ile code yako ambayo ulikopi kutoka kwenye email list. ukishamaliza bonyeza sehemu ya COMPOSE, utarudi kwenye uandishi wa kawaida na utaiona fomu yako.32

26. Fomu inaweza kuonekana kama mistari pekee, lakini makala ikienda hewani itaonekana vizuri.33

27. Kama unatumia WORDPRESS, nenda kwenye makala ambapo unataka fomu itokee, weka cursor, kisha rudi juu na bonyeza sehemu imeandikwa TEXT.34

28. Baada ya hapo paste code yako na bonyeza sehemu ya VISUAL utaona fomu yako. Makala ikienda hewano fomu itaonekana vizuri zaidi.35 36

Ukishamaliza kuweka fomu endelea kupost makala yako kama kawaida.

Hivyo ndivyo unavyoweza kutengeneza email list, kutengeneza kampeni na kuweka fomu ya email list kwenye makala zako.

MUHIMU;

Kwenye blog yako, tengeneza ukurasa (PAGE) ambapo utaiweka fomu hiyo pekee. fuata hatua nilizoelekeza hapo juu. nenda kwenye pages, add new page, ikifunguka andika maelezo ya kumashawishi msomaji kujiunga, kisha bonyeza HTML kwa blogger au TEXT kwa wordpress, paste ile code yako ksiha rudi kawaid ana post.

Kwa hatua hii utakuw ana ukurasa maalumu wa watu kujiunga, na unaweza kuweka link ya ukuraha huo kwenye makala zako kwa kuwaambia watu BONYEZA HAPA kujiunga na mtandao huu.

Fanyia kazi hayo, na kama utakwama popote uliza swali kwenye sehemu ya maoni hapo chini, nitakuelekeza vizuri.

Kila la kheri.

Makirita Amani,

Kocha, Mwandishi na Mjasiriamali,

www.kisimachamaarifa.co.tz/makirita

Kupata blog ya kitaalamu kwa tsh elfu kumi (10,000/=) bonyeza maandishi haya.

Kupata kitabu cha kutengeneza blog yako mwenyewe bonyeza maandishi haya.

Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Umuhimu Na Matumizi Ya Email List Kwenye Blog Yako.

Mara zote nimekuwa nasema kwamba ili kutengeneza kipato kwenye mtandao basi unahitaji vitu vitatu.

Kitu cha kwanza ni blog, hapa ndiyo nyumbani kwako kwenye mtandao, hapa ndipo watu wakikutafuta wanakupata. Ndipo unapoweka kazi zako kwenye mtandao.

Kitu cha pili ni mfumo wa email (EMAIL LIST) kupitia mfumo huu unakusanya taarifa za wasomaji wa blog yako, hasa majina email na namba za simu, kisha unakuwa unawatumia maarifa kwenye email zao moja kwa moja. Hii ni njia nzuri ya kujenga uhusiano bora na wasomaji wako ambao utakuwezesha kufanya biashara kwa njia ya mtandao wa intaneti.

Kitu cha tatu ni mitandao ya kijamii, ambapo unahitaji kuwa na kurasa za blog yako kwenye mitandao ya kijamii unayotumia. Mitandao kama facebook, instagram, twitter na linked in ina watumiaji wengi. Unahitaji kuwa kwenye mitandao hii ili kupata wasomaji wa blog yako.

tengeneza-fedha-kwa-blog

Aina za email list.

Kuna aina nyingi za kuweza kutengeneza email list yako. Mimi nashauri utengeneze kwa aina moja kati ya hizi mbili.

Mailchimp ni moja ya aina unazoweza kutumia kutengeneza email list. Mailchimp unakuwezesha kuwa na watu 2000 bure na kuweza kutuma email mpaka 12,000 kwa mwezi. Ni rahisi kutumia na inakubali hata kwa blog za bure ambapo huna jina lako kamili (domain name).

Kutengeneza email list yako kwenye mailchimp tembelea www.mailchimp.com

Mailerlite ni aina nyingine ya kutengeneza email list, hii haina tofauti sana na mailchimp ila ni rahisi zaidi. Unapata nafasi ya kuwa na watu 1000 bure na hakuna ukomo wa email unazoweza kutuma kwa mwezi.

Mailerlite huwezi kutumia kama unatumia blog ya bure, unahitaji kuwa na jina la blog yako (domain name) na email inayoendana na jina hilo. Hivyo unahitaji uwe umehifadhi blog yako mwenyewe (Hosting).

Kutumia mailerlite tembelea www.mailerlite.com

Matumizi ya email list kwenye blog yako.

Ukishakuwa na email list yako kwanza unahitaji kuwashawishi wasomaji wako kujiunga na list hiyo. Unafanya hivyo kwa kuwaahidi kuwatumia maarifa zaidi kwenye email zao. Pia unaweza kuwapa kitabu pale wanapojiunga kwenye email list yako. Unafanya hivi kwa kuweka fomu ya kujiunga na email list yako kwenye blog yako. Weka fomu maeneo ambapo msomaji anaweza kuiona kwa urahisi. Mfano kila mwisho wa makala unaweka fomu. Au unaweka fomu inayotokea juu ya makala kabla msomaji hajasoma au anapomaliza kusoma.

Ukishapata watu kwenye email list yako sasa unaweza kuitumia ifuatavyo;

  1. Tengeneza utaratibu wa kuwa unawatumia maarifa zaidi watu kwenye email zao. Unafanya hivyo kwa kuingia kwenye list yako kisha kutengeneza na kutuma kampeni ya email (email campaign).
  2. Waulize wasomaji iwapo wana changamoto zozote kwa maswali unayoweza kuwa unawatumia kwenye email zao, na hapo unaweza kuwashauri moja kwa moja au kupata makala za kuandika.
  3. Wapatie wasomaji wako ofa mbalimbali kwa kuwatumia taarifa kwenye email zao, hili fanya baada ya muda na wasomaji wako kuwa wameshakuzoea.
  4. Unganisha email list yako na blog yako kiasi kwamba unapoweka makala mpya kwenye blog inakwenda mara moja kwenye email za wasomaji wako. Hii haiji moja kwa moja, badala yake ni lazima utengeneze hivyo. Kutengeneza hili unahitaji kwenda kwenye email list yako, nenda kwneye kuandaa email campaign na chagua RSS feed au campaign, utafuata maelekezo baada ya hapo.
  5. Endesha mafunzo au semina kupitia email list yako, hii pia ni njia nzuri ya kukuza list yako.

Hivyo ndivyo unavyoweza kuwa na email list na jinsi unavyoweza kuitumia.

Kupokea maarifa zaidi kuhusu kutengeneza fedha kwenye mtandao weka taarifa zako kwenye email hapo chini.

Kama una swali lolote kuhusu kutengeneza fedha kwenye mtandao au blog uliza kwenye sehemu ya maoni hapo chini.

Makirita Amani,

Kocha, Mwandishi na Mjasiriamali,

www.kisimachamaarifa.co.tz/makirita

Kupata blog ya kitaalamu kwa tsh elfu kumi (10,000/=) bonyeza maandishi haya.

Kupata kitabu cha kutengeneza blog yako mwenyewe bonyeza maandishi haya.

Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Vitu Viwili Unavyohitaji Ili Uweze Kutengeneza Fedha Kupitia FACEBOOK.

Je umekuwa unatumia mtandao wa facebook kila siku ya maisha yako? Kama unasoma hapa, basi najua jibu lako ni ndiyo. Na ninajua bila ya shaka kwamba kila siku lazima uingie kwenye mtandao huu wa kijamii namba moja duniani. Ikitokea siku hujaingia kwenye mtandao huu unajiona kama kuna kitu umekosa.

Swali muhimu nataka kukuuliza na wewe mwenyewe ujiulize ni je ungependa kutengeneza fedha kwa kutumia mtandao huu wa facebook? Yaani ungependa kwa kuingia kwako kwenye mtandao wa facebook uweze kuingiza kipato? Kama jibu ni ndiyo basi endelea kusoma na nitakuonesha namna unaweza kufanya hivyo. Kama jibu ni hapana, hutaki kuingiza kipato kila unapoingia kwenye facebook, basi unaweza kuishia hapa, kwa leo.

facebook-money

Nilijiunga na mtandao wa Facebook mwaka 2009, lakini sikuwa najua kama naweza kuutumia kuingiza kipato. Nilikuwa nauchukulia kama mtandao wa kukutana na marafiki, kuoneshana picha na kubishana kuhusu siasa, michezo na kingine kinachoweza kuleta ubishi baina ya wengi.

Ni mpaka ilipofika mwaka 2013 ndipo nilijua kwamba naweza kutengeneza kipato kwa kutumia facebook. Ni kwa mara ya kwanza mwaka huo niliweza kupata fedha kwa kupitia facebook. Na tangu kipindi hicho, mpaka sasa nimekuwa natengeneza kipato kwa kutumia mtandao huu wa facebook.

Leo nataka nikushirikishe hatua unazoweza kutumia kutengeneza kipato kwa kutumia Facebook, kwa sababu, kama mpaka sasa unasoma hapa, jibu lako ni kwamba unataka kutengeneza kipato kwa kutumia facebook.

Facebook ni nini?

Kabla hatujaangalia jinsi unaweza kuingiza kipato kwa kutumia mtandao huu wa facebook, kwanza tuangalie facebook ni nini.

Wote tunajua kwamba facebook ni mtandao wa kijamii. Ni sehemu ambayo watu tunakutana kupeana habari mbalimbali na pia kushirikishana yale ambayo yanaendelea kwenye maisha yetu.

Wapo watu ambao wanaingia kwenye facebook kila siku ili kupata habari mbalimbali, wapo wanaoingia ili kujua wengine wanafanya nini kwenye maisha yao.

Unaingizaje kipato kwa kutumia facebook?

Njia ya uhakika ambayo wewe hapo ulipo unaweza kuitumia kuingiza kipato kwa kutumia mtandao wa facebook ni kutoa maarifa na taarifa ambazo watu wanazihitaji ili kuwa na maisha bora. Maarifa hayo unaweza kuwa nayo wewe kwa kusomea, kujifunza mwenyewe au kwa uzoefu.

Maarifa na taarifa hizi inaweza kuwa kuhusu afya, kuhusu biashara, kuhusu uchumi, kuhusu fedha, michezo, dini na chochote kile ambacho unakijua na watu wanaweza kukitumia kuwa na maisha bora.

Kwa maana hii, hapo ulipo wewe, tayari una maarifa na taarifa za kuweza kukuingizia kipato kupitia mtandao wa facebook.

Vitu viwili unavyohitaji ili kuingiza kipato kwa kutumia facebook.

Ili uweze kutengeneza kipato kwa kutumia mtandoa wa facebook, kuna vitu viwili muhimu sana unavyohitaji. Iko hivi, siyo rahisi sana (sisemi haiwezekani) kutengeneza kipato moja kwa moja ndani ya mtandao wa facebook. Ila kuna vitu viwili ambavyo utavitumia pamoja na facebook kuweza kutengeneza kipato.

Kitu cha kwanza; unahitaji kuwa na BLOG.

Iko hivi, kama facebook ni sehemu ambayo unakutana na watu mbalimbali, tunaweza kuchukulia kama kijiweni, basi blog ndiyo nyumbani kwako. Hii ina maana kwamba baada ya kukutana na watu kijiweni, unaweza kuwakaribisha nyumbani kwako.

Hivyo ndivyo ilivyo pia, ukishakutana na watu kwenye facebook, unahitaji kuwakaribisha kwenye blog yako, ili wapate mengi zaidi kutoka kwako. Kama wewe ambavyo umefika kwenye blog yangu kwa kutokea facebook.

Blog ni sehemu ambayo unaweka taarifa na maarifa unayotoa kwa wengine. Ni sehemu nzuri ambapo mtu akifika anakutana na taarifa zako zote na hivyo kuweza kujifunza vizuri. Ni muhimu sana uwe na blog, kwa sababu kupitia blog yako ndiyo unaweza kuwa na watu wanaokufuatilia kwa karibu.

Kitu cha pili; MFUMO WA EMAIL (EMAIL LIST)

Ukishakuwa na blog, ambayo ni nyumbani, unahitaji kuwa na mfumo wa kukusanya mawasiliano ya wasomaji wako, ambao unaitwa email list. Kama facebook ni kijiweni, blog ni nyumbani, basi email list ni chumbani. Ni watu gani unawaruhusu waingie chumbani kwako? Bila shaka utakubaliana na mimi kwamba siyo kila mtu unampeleka chumbani, ila wale marafiki zako wa karibu unawaruhusu kuingia chumbani kwako.

Hivyo basi ni muhimu sana uwe na email list, wasomaji wanapofika kwenye blog yako, na kusoma maarifa unayotoa, kuna ambao watahitaji kupata zaidi kutoka kwako. Hawa unawakaribisha chumbani, kwa kuwaruhusu wakupe taarifa zako kwenye mfumo wako wa email.

Hawa wasomaji ambao wanakupa taarifa zao, ndiyo wanakuwa wa kwanza kabisa kununua chochote ambacho utaamua kuwauzia.

Kwa kukamilisha nikukumbushe haya muhimu;

  1. Unaweza kutengeneza fedha kwa kutumia mtandao wa facebook.
  2. Facebook ni kama kijiwe ambapo unakutana na watu.
  3. Blog ni nyumbani kwako kwenye mtandao wa intaneti, ni lazima uwe na blog ili kutengeneza fedha.
  4. Email list ni chumbani kwako, ambapo unawakaribisha marafiki zako wa kweli. Hawa ndiyo ambao wanakuamini na watakuwa tayari kununua kile unachouza.

Kwenye makala zijazo nitakushirikisha vitu gani unaweza kuuza kwenye facebook na mtandao wa intaneti kwa ujumla.

Kama unahitaji kupata blog na email list fuata maelekezo hapo chini.

Kujiunga na email list na upokee makala kama hizi jaza fomu hiyo hapo chini.

Asante na karibu sana.

Makirita Amani,

Kocha, Mwandishi na Mjasiriamali,

www.kisimachamaarifa.co.tz/makirita

Kupata blog ya kitaalamu kwa tsh elfu kumi (10,000/=) bonyeza maandishi haya.

Kupata kitabu cha kutengeneza blog yako mwenyewe bonyeza maandishi haya.

Kupata ushauri wa blog na jinsi ya kutengeneza kipato tuma ujumbe wasap namba 0717 396 253.