Category Archives: Mitandao Ya Kijamii

Kwenye Mitandao Ya Kijamii, Wewe Ndiyo Bidhaa, Hivyo Hakikisha Na Wewe Una Bidhaa Pia.

Wakati kampuni ya Facebook inanunua mtandao wa wasap kwa dola bilioni 19 (zaidi ya trilioni 40 za Tanzania), watu wengi walistushwa sana. wakati huo inanunuliwa, wasap ilikuwa na jengo moja la ofisi na wafanyakazi wasiozidi 20.

Swali kwa wengi lilikuwa mtandao huo ulikuwa na kipi kikubwa cha kuufanya uuzwe ghali kiasi hicho? Na jibu lilikuwa wazi, ulikuwa na watumiaji wengi, zaidi ya watu milioni 200 kwa kipindi hicho.

Hii inatuonesha wazi kwamba, kama unatumia mitandao ya kijamii, basi wewe ni bidhaa. Mitandao ile inakuuza wewe kwa watu mbalimbali ili kuweza kupata faida na kuendelea kujiendesha. Huwezi kulikwepa hilo, kama upo kwenye mtandao, jua wewe ni bidhaa.

Unauzwa kwa wanaotangaza biashara zao, unauzwa kwa wanaofanya tafiti na yeyote mwenye uhitaji wa watu kwenye mtandao, anaweza kuuziwa uwepo wako kwenye mtandao.

Kwa kuwa hatuwezi kukwepa hili, hatua pekee ya kufanya ni kuhakikisha na sisi kuna vitu tunauza kupitia mitandao hii. Kama wewe ni bidhaa, basi hakikisha pia una bidhaa ambayo inakuingizia wewe faida kupitia mitandao hii.

Kuwa na kitu, iwe ni huduma au bidhaa, ambayo unauza kupitia mitandao ya kijamii. Unawauzia watu moja kwa moja kwenye mtandao, kwa kutumia mtandao kama duka lako au njia yako ya kutangaza biashara yako.

Kila unapotumia mitandao ya kijamii, hakikisha kipo kitu ambacho unauza hata kama ni kidogo kiasi gani. Hii itakufanya wewe unufaike na mitandao hii na kuacha kuwa tu mteja au mtumiaji wa mwisho, ambaye unauzwa kwa wengine.

Uzuri ni kwamba, chochote ulichonacho, au unachopenda kufanya, unaweza kuwauzia wengine kwenye mitandao ya kijamii. Ujuzi wowote ulionao, uzoefu uliojijengea, vyote hivyo kuna watu wanavihitaji ili kuweza kuboresha maisha yao zaidi.

SOMA; Hichi Ndiyo Kitu Kinachowavutia Watu Kwenye Mitandao Ya Kijamii, Na Jinsi Ya Kukitumia Kutengeneza Kipato.

Angalia njia bora ya kuwasaidia kwenye hilo, iwe ni kupitia ushauri, vitabu na hata bidhaa nyingine zinazoweza kuwa za manufaa kwao.

Kama ungependa kujua njia bora kabisa kwako ya kutumia mitandao ya kijamii kwa faida, tuwasiliane kwa njia ya wasap namba 0717396253. Karibu sana.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Usiangalie Umepata Likes Ngapi, Angalia Umegusa Watu Wangapi.

Moja ya changamoto kubwa za kizazi chetu, ni kupima vitu kwa mzani ambao siyo sahihi.

Hebu fikiria, umeenda kupima uzito, halafu mpimaji akakuambia kwa sasa tuna kifaa cha kisasa ambacho kinapima uzito kwa wewe kusimama mbele ya kioo, halafu unaletewa uzito wako. Ukafanya hivyo kweli, na majibu yakaja, uzito wako ni sentimita 170, na mpimaji akakuambua uko vizuri sana. Utapokeaje matokeo hayo? Unapimwa uzito, majibu yamekuja kwa sentimita, umeambiwa upo vizuri, unashangalia na kusema safi kabisa, nipo vizuri, je utakuwa sawa?

Sasa turudi kwenye uandishi, je ni kazi ipi ya uandishi ina mafanikio katika zama hizi za teknolojia ya mitandao ya kijamii? Kuna mtu kaandika kitu fulani, watu wakiweka likes nyingi mno, na ikaishia hapo. Mwingine ameandika kitu kingine, amepata likes chache mno, lakini watu wawili wamemtafuta na kumwambia alichoandika kimekuwa na msaada kwao, wanamwambia hatua walizochukua na matokeo waliyopata. Je ipi kazi ya uandishi yenye mafanikio?

Unaweza kuona ni namna gani tunaishi kwenye mvurugano mkubwa mno. Tunatumia vipimo visivyo sahihi kupima kazi za uandishi. Tunaangalia tumepata likes ngapi, kama ni nyingi basi kazi yetu ina mafanikio, kama likes ni chache basi haina mafanikio.

Nimekuwa naona hili likiwaumiza waandishi wanaoanza, wanakata tamaa pale wanapoandika lakini hawaoni watu wakionesha wazi wazi kwamba wanapenda kazi zao. wanaona hakuna anayejali, wanakata tamaa na kuacha.

SOMA;Je Unawezaje Kuandika Kuhusu Mafanikio Iwapo Wewe Hujafanikiwa?

Lakini kwa uzoefu wangu binafsi, hakuna kazi ya uandishi inayoenda bure, hakuna kabisa. kuna mtu hata mmoja tu, ambaye anaichukua kazi yako na kuifanyia kazi, hataweka like leo, hatakutafuta, lakini atafanyia kazi. Na siku moja atakuja kukuambia, nimekuwa nasoma kazi zako siku nyingi, zimenisaidia sana.

Ninachotaka kukuambia hapa ni kwamba, usiache kuandika kwa sababu unapata likes chache, usiache kuwashirikisha watu mawazo yako kwa sababu hakuna wengi wanaokuunga mkono. Wakati mwingine kazi ya uandishi ni ya imani kama ilivyo kwa mkulima, anapanda mbegu ardhini, baadaye zinakuja kuota, hakupoteza mbegu zile. Hivyo wewe kama mwandishi, andika, unaweza kuona unaongea mwenyewe, lakini hakuna kinachopotea, ipo siku watu watakuambia kazi zako zimekuwa zinawasaidia, na hayo ndiyo mafanikio makubwa sana ya kazi ua uandishi.

Mafanikio ya kazi ya uandishi siyo likes, bali namna gani unawagusa wengine, namna gani unawapa maarifa sahihi yanayowawezesha kuchukua hatua, kuweza kufanya maamuzi sahihi na kuwa na maisha bora.

Ni vigumu mbo kupima mafanikio hayo kwa likes, coments na kata kushare. Wewe fanya kazi yako, kuwa na imani kama mkulima anapopanda mbegu ardhini, na wakati unapofika, mbegu hizo zinachipua na kuzaa matunda mengi zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Acha Kukimbizana Na Vitu Vipya, Ijue Misingi Na Ifanyie Kazi.

Upo ugonjwa wa kukimbizana na kila kitu kipya ambacho kinatoka. Kutaka kujaribu kila mtandao mpya wa kijamii unaokuja, kutaka kujaribu mbinu mpya za kutengeneza kipato kwenye mtandao ambazo watu wanakuambia. Watu wengi wamekuwa wakikimbizana na vitu hivyo vipya, na kupoteza muda wao mwingi na hivyo kujizuia kufanya makubwa.

Leo nataka nikupe siri moja kubwa, kabla hujaana kukimbizana na mambo mapya unayoyaona kila mahali, ijue kwanza misingi na hakikisha umeifanyia kazi. Kwa sababu huwa tunapenda kufanya mambo rahisi ambayo hayana matokeo makubwa kwetu. Na kuepuka mambo ya msingi ambayo ni magumu ila yana matokeo makubwa kwetu.

Mambo ya msingi kabisa katika kutengeneza kipato kwenye mtandao ni kuandika, kuwafikia wasomaji na kutatua changamoto zao. fanya ufanyavyo, lazima uandike au urekodi kile ambacho unafundisha. Hivyo badala ya kutafuta njia za kukwepa hilo, ni vyema ukalifanya kwa muda wake ndipo uendelee na mambo mengine. Pia kuwafikia wasomaji na kutatua changamoto zao ni jambo la msingi kabisa kwako kufanya.

Ukishafanya hayo ndiyo unaweza kuendelea na mengine yasiyo ya msingi. Kutembelea mitandao ya kijamii, kujaribu mitandao mipya ya kijamii, kubadilisha picha kwenye mitandao ya kijamii, kupokea na kupiga simu, yote hayo yanapaswa kufanyika baada ya kuwa umemaliza kufanya yale ya msingi.

SOMA;Zingatia Misingi Hii Mitatu(03) Ya Kutengeneza Kipato Kwenye Mtandao Wa Intaneti.

Ichukulie kazi yako ya uandishi kwa umakini wa hali ya juu. Jiwekee utaratibu wa kuhakikisha yale ya msingi yanafanyika, kabla yale ambayo siyo ya msingi hayajaingilia siku yako.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Njia tano(05) za kuepuka kupoteza muda kwenye mitandao ya kijamii kama mwandishi.

Kwa sababu sehemu kubwa ya kazi yako ni kutoa maarifa kupitia intaneti na mitandao ya kijamii, unaweza kushindwa kutofautisha kufanya kazi na kupoteza muda.

Kwa sababu nimekuwa naona watu wengi wakipotea muda kwenye mtandao, kwa kujidanganya kwamba wanafanya kazi. Labda wanatafiti kitu, au wanawafuatilia wasomaji wao ili kujua wanahitaji nini.

Kuna mstari mwembamba sana kati ya kufanya kazi na kupoteza muda kwenye mtandao. Kwa sababu mara nyingi unaweza kujiambia unaingia kwenye mtandao kuangalia kitu fulani, ukajikuta umepotelea kabisa kwenye mitandao ya kijamii au ukiangalia mambo mengine ambayo siyo yaliyokupeleka pale.

Lakini unajua utajidanganya nini? Kwamba siku moja nitahitaji maarifa haya, acha niyapitie na kuyasave.

Unahitaji kuwa makini sana kwa sababu kazi yako ipo karibu sana na usumbufu. Na hivyo usipokuwa na mfumo mzuri, utajikuta kila wakati unapopanga kufanya kazi, hukamilishi kwa wakati.

Ili kuepuka kupoteza muda kwenye intaneti kwa kisingizio cha kufanya kazi, zingatia yafuatayo.

  1. Tenga muda maalumu wa kuandaa maarifa unayowashirikisha wasomaji wako. Muda huu uwe ambao utakuwa na utulivu, na katika muda huo, usiwe kwenye mtandao wa intaneti. Kwa maneno rahisi, kwenye muda huo zima data.
  2. Fanya utafiti kabla ya muda wa kuandika. Usisubiri mpaka muda unapoandika ndiyo ujiulize sasa niandike nini, au useme ngoja niingie google nitafute mawazo zaidi ya kutetea kile unachoandika. Kwa njia hii utapoteza muda mwingi. Fanya maandalizi mapema kabisa, na unapofika wakati wa kuandika, andika, kwa yale maarifa uliyonayo. Yanakutosha sana kama ukiyatumia vizuri.
  3. Pangilia muda wa makala kwenda hewani na itenge kwenda hewani kabla ya muda huo. Siyo lazima kila muda wa makala kwenda hewani basi na wewe unapaswa kuwa hewani. Badala yake unahitaji kupangilia kwenye blog yako na mengine yatafanyika, hata kama haupo hewani muda huo. Kwenye kila blog kuna sehemu ya SCHEDULE, ukienda hapo unapanga makala yako iende hewani siku gani, saa ngapi na dakika ngapi. Kwa kutumia njia hiyo, unaweza kuandika makala zako hata saa nane usiku, ukaischedule kwenda hewani asubuhi.
  4. Tenga muda maalumu wa kuingia kwenye mitandao ya kijamii, na usiruhusu kuletewa taarifa ya kinachoendelea. Kwa maneno mengine, ondoa kabisa notification kwenye kifaa chako. Hivyo utapunguza usumbufu wa ujumbe unaopokea kwamba kuna mtu ka-like ulichopost. Pia usiwe kwenye mitandao muda wote. Kumbuka unahitaji kusoma vitabu, unahitaji kufanya tafiti, na huenda una kazi zako nyingine, au una kitabu unaandika, au unaandaa makala nyingine.
  5. Pitia email zako mara moja kwa siku. Kama mawasiliano yako ya email yapo wazi kwa wasomaji, au kama una email list na unawatumia wasomaji wako makala kwenye email, utakuwa unapokea email nyingi kila siku. Sasa ukianza mchezo wa kujibu kila email kila inapoingia, hutaweza kufanya kazi. Badala yake tenga muda kila siku wa kupitia email na kuzijibu. Kwa kufanya hivi utaokoa muda wako na kuweza kufanya mengine.

Mambo haya matano yatakusaidia sana kwenye kutumia muda wako vizuri kwenye mtandao wa intaneti na mitandao ya kijamii. Kwenye yote hayo, kumbuka kitu muhimu sana, kila kitu kinaweza kusubiri, kasoro tu kusoma na kuandika. Yaani iwe ni mtu ametuma email au ujumbe kwenye mtandao, unaweza kusubiri mpaka pale utakapopata muda, lakini kusoma na kuandika, ni vitu ambavyo haviwezi kusubiri, lazima uvifanye, kila siku na kwa wakati wake.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Aina Mbili Za Watumiaji Wa Mtandao Wa Intaneti Na Upande Unaopaswa Kuwa Wewe.

Kuna aina mbili za watumiaji wa mtandao wa intaneti, na aina moja kati ya hizo ndiyo inanufaika sana na mtandao huu.

Aina ya kwanza ni ya watazamaji, hawa ni walaji wa kila kinachozalishwa kwenye mtandao wa intaneti. Wanachofanya wao ni kufuatilia kila kinachoendelea, na wanachoweza kufanya ni kupenda, kuchukia au kuchangia kwenye kile ambacho wanaona. Kundi hili hawanufaiki chochote kifedha, zaidi ya raha ya muda mfupi, na wakati mwingine chuki na wivu hasa pale wanapoona maisha ya wengine ni mazuri kuliko yao.

Aina ya pili ni wafanyabiashara, hawa ni wazalishaji wa kile ambacho watu wanafuatilia kwenye mtandao wa intaneti. Wanachofanya hawa ni kuzalisha taarifa na maarifa ambayo wengine watayafuatilia na hatimaye kuweza kuwauzia vitu ambavyo wanauza. Kundi hili linanufaika sana kifedhakwenye mtandao wa intaneti.

Katika makundi haya mawili, unapaswa kuwa kwenye kundi la wafanyabiashara, wale wanaozalisha maarifa na taarifa ambazo zinafuatiliwa na wengine, na baadaye kuweza kutengeneza kipato.

Huhitaji kuwa na kitu kikubwa ili kuwa kwenye kundi la wafanyabiashara kwenye mtandao, unachohitaji ni kuchagua eneo ambalo unaweza kuwapa watu taarifa na maarifa yanayowawezesha kufanya maamuzi bora kabisa kwenye maisha yako. Baada ya hapo unahitaji kuandaa bidhaa au huduma ambayo unaweza kuwauzia watu na wakanufaika zaidi.

SOMA;Unapolalamika Kuhusu Mitandao Ya Kijamii, Umeamua Kupoteza Fursa Ya Kutengeneza Fedha.

Sasa kazi yako kubwa inakuwa kutumia mtandao wa intaneti kutoa maarifa na taarifa zako kwa watu. Kutengeneza wasomaji na wafuatiliaji wa taarifa zako. Kuwa na blogu ambayo ina taarifa zote unazotoa, na zaidi. Kuwa na mfumo wa email ambapo unawasiliana kwa karibu zaidi na wasomaji wako. Kwa njia hii unakuwa umejenga biashara yako kwenye mtandao wa intaneti. Kitu ambacho kila anayeamua kufanya, anaweza kufanya.

Unachagua kuwa kwenye kundi lipi? Kama unataka kuwa kwenye kundi la wafanyabiashara, basi anza kuchukua hatua sasa. kama huna blogu ya kuanzia, tuwasiliane kwa wasap 0717396253. Karibu sana.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Sheria Muhimu Ya Kwenye Mtandao, Kwanza Kuwa Mtu Halisi.

Mitandao ya kijamii imerahisisha sana mawasiliano baina ya watu. Na pia imewezesha mawasiliano kwenye biashara kuwa rahisi zaidi. Hasa mfanyabiashara kumfikia mteja wake na kumpa kile ambacho anakitoa.

Pamoja na uzuri huu wa mitandao ya kijamii, changamoto bado ni kubwa. Watu wengi wamekuwa wakitumia mitandao hii kama njia rahisi kwao kutangaza biashara zao. Na chochote kinachochukuliwa kwa urahisi, huwa kinaleta matokeo ambayo siyo mazuri.

Watu wengi wamekuwa hawachukui muda na kujifunza matumizi sahihi ya mtandao wa intaneti na mitandao ya kijamii katika kukuza biashara zao. Badala yake wamekuwa wakitumia kwa mazoea. Wanafanya kile ambacho kila mtu anafanya, na hatimaye kuwa katikati ya kelele na wateja hawawaoni.

Katika kutafuta urahisi wa kutumia mitandao hii kwenye biashara, watu wamekuwa wanasahau eneo moja muhimu mno. Eneo hilo ni utu. Pamoja na yote, watu wanapenda kuwasiliana na watu kupitia mitandao ya kijamii.

Nikuulize swali, iwapo una rafiki yako, na kila wakati mnapokutana anakutangazia tu anachouza, utamchukuliaje? Utakuwa na shauku kweli ya kukutana naye mara kwa mara?

Lakini vipi kama una rafiki ambaye kila mkikutana mnapiga soga mbalimbali, mnataniana, mnabadilishana mawazo mazuri. Bila shaka unakuwa na shauku ya kukutana na rafiki huyo mara kwa mara.

Hivyo pia ndivyo ilivyo kwenye mitandao ya kijamii, japokuwa unaitumia kibiashara, lakini usiwe muda wote unatangaza tu. Badala yake tengeneza urafiki baina yako na wateja wako. Itumie mitandao yako kama sehemu ya kuwasiliana na wateja wako kwa mambo mbalimbali, na siyo biashara pekee.

Kwa kifupi kuwa mtu, na usiwe biashara. Tengeneza mahusiano baina ya mtu na mtu, wewe na wateja wako. Wateja wako watakuamini na watakuwa tayari kununua chochote unachouza, hasa pale unapowapatia kwa njia ambayo kinawasaidia kutatua matatizo yao.

Usiwe mtu wa kusukuma vitu wakati wote, nunua hichi, nunua kile na kadhalika, watu watachoka na wakiona jina lako tu wanapita haraka. Lakini unapokuwa mtu wa kujumuika, na kushirikisha mambo mbalimbali yenye faida kwa watu, watakuwa na hamasa ya kusikia kutoka kwako kila wakati.

Wakati wowote unapoweka kitu kwenye mitandao ya kijamii, jiulize je hapa nakuwa mtu au nasukuma tu kitu? Kama jibu siyo kuwa mtu, fanya marekebisho. Kazana kujenga mahusiano bora na wateja wako kupitia mawasiliano yako ya mitandao hii.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Idadi Sahihi Ya Wasomaji Unaohitaji Ili Kutengeneza Kipato Cha Uhakika Kwenye Intaneti.

Intaneti imeleta mapinduzi makubwa kwenye maisha yetu ya kila siku. Watu walifikiri ni kitu cha muda na cha kupita, lakini kadiri siku zinavyokwenda, watu wanakubali kwamba intaneti ipo na itaendelea kuwepo.

Mitandao ya kijamii kama facebook, instagram na wasap imezidi kuchochea matumizi ya intaneti kwa kila mtu. Mitandao hii imekuwa sehemu kubwa ya mawasiliano na kupashana habari kwa watu walio wengi.

Kizuri zaidi ni kwamba, intaneti na mitandao ya kijamii, imekuwa fursa ya watu kuweza kujiajiri kupitia mitandao hii na kutengeneza kipato cha kuendesha maisha yao. Watu wanaweza kujiajiri kwa kufanya biashara moja kwa moja kwenye intaneti au kutumia intaneti kukuza zaidi biashara zao ambazo wamekuwa wanafanya.

Pamoja na fursa hii kubwa ya kutengeneza kipato kwenye intaneti, bado watu wengi hawana uelewa wa kutosha, na hivyo wamekuwa wanafanya makosa ambayo yanawagharimu.

Moja ya makosa hayo ni kutojua idadi sahihi ya wasomaji ambayo mtu unapaswa kuwa nayo kwenye intaneti ili kuweza kutengeneza kipato cha uhakika. Kwa kutokujua idadi hii sahihi, watu wamekuwa wakipoteza nguvu nyingi kutaka kumfikia kila mtu, na kujikuta hawapati watu wengi wa kuweza kufanya nao biashara.

Ipo sheria inaitwa MASHABIKI WA UKWELI 1,000.

Sheria hii inasema kwamba, ili uweze kutengeneza kipato cha kutosha kama msanii, yaani uwe mwandishi, mwimbaji, mchoraji na kadhalika, unahitaji kuwa na mashabiki wa ukweli 1,000. Ndiyo ni mashabiki wa ukweli elfu moja tu unaohitaji ili uweze kutengeneza kipato cha kutosha kuendesha maisha yako kwa kufanya kile unachotaka kufanya.

Na hapa ni muhimu kwanza tuwajue mashabiki wa ukweli ni wapi?

Hawa ni wale watu wanaoikubali kweli kazi yako. Wapo tayari kununua chochote unachotoa. Watu hawa wanasubiri kwa hamu chochote unachotoa na kukinunua haraka. Siyo watu wanaouliza bei au kutaka kupunguziwa au kupata bure. Ni watu ambao wapo tayari hata kukuchangia ili kazi zako ziweze kwenda. Watanunua hata tisheti au kikombe chenye jina lako. Watasafiri umbali mrefu kuja kwenye onesho lako au mafunzo yako. Hawa ndiyo mashabiki wa ukweli, ambao unawahitaji ili kuweza kuendesha vizuri kile unachofanya.

Kitu cha pili kwa nini elfu moja?

Kama una mashabiki wa ukweli, ambao wapo tayari kununua chochote unachotoa. Unaweza kuwapa wastani wa kukupa kiasi cha shilingi elfu kumi kila mwezi. Hivyo tsh 10,000/= kwa watu 1,000 unapata tsh 10,000,000/= hiyo ni shilingi milioni kumi kila mwezi. Hicho ni kipato kinachokuwezesha kuwa na maisha inayoyataka. Na kama hutaki kuanzia mbali kiasi hicho, basi unaweza kuweka wastani wa shilingi elfu 5 kila mwezi, na ukapata milioni tano kila mwezi. Au kama unaanzia chini kabisa, basi fanya shilingi elfu moja kila mwezi, na utapata milioni moja kwa mwezi.

Unaona sasa tunachokwenda kutengeneza hapa?

Huhitaji kila mtu ili kuweza kutengeneza kipato kwenye mtandao wa intaneti. Huhitaji kukazana kumfikia kila mtu, bali unachohitaji kufanya ni kutengeneza mashabiki elfu moja tu, ambao wanakukubali sana  wewe, wanaenda sambamba na wewe kwenye kila unachofanya. Utakuwa na uhuru mkubwa wa kufanya kile unachofanya.

Tukirudi kwenye mpango wetu ambao ni kutengeneza kipato kupitia intaneti na mitandao ya kijamii, hapa sasa unahitaji kuwa na blog ambayo utaitumia kuwapata mashabiki wako 1000. Unahitaji kuwa na mitandao ya kijamii ambayo utaitumia kuwafikia mashabiki wako hao elfu moja. Na muhimu zaidi, unahitaji kuwa na mfumo wa email, ambao utautumia kuwa karibu na mashabiki wako hao elfu moja.

Vitu hivyo vitatu; 1. BLOG 2. MITANDAO YA KIJAMII 3. EMAIL LIST, ni lazima uwe navyo kama unataka kutengeneza kipato kupitia intaneti.

Kama huwezi 1,000 basi anza na 100 au anza na 10.

Upo usemi wa Martin Luther King kwamba kama huwezi kuruka basi kimbia, kama huwezi kukimbia basi tembea na kama huwezi kutembea basi tambaa, fanya chochote ila tu usonge mbele.

Najua elfu moja inaweza kuwa namba kubwa, hasa kama ndiyo unaanza. Na mimi nakuambia usiwe na wasiwasi, kama elfu moja ni kubwa, basi anza na 100 na kama 100 ni kubwa, basi anza na kumi. Anza kwa kutafuta mashabiki kumi wa ukweli, ambao watanunua chochote unachowauzia, na hata wapo tayari kukuchangia huduma yako iendelee, na ukishawapata hao kumi, endelea kuwakuza zaidi.

Je una mashabiki wangapi wa ukweli kwenye kazi zako?

Kama bado hujaweza kutengeneza mashabiki, au huna mashabiki wa kutosha, tuwasiliane kwa wasap namba 0717 396 253. Karibu sana.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kama Unataka Kutengeneza Fedha Kwenye Mtandao, Jukumu Lako Kubwa Ni Hili.

Swali siyo kama inawezekana au la kutengeneza fedha kwenye mtandao wa intaneti, hilo linafahamika kwamba mtandao wa intaneti ni njia moja na ambayo ipo wazi kwa kila mtu kuweza kutengeneza kipato.

Swali ni unawezaje kutengeneza fedha kwenye mtandao wa intaneti kwa kuanzia pale ulipo sasa, kwa utaalamu, ujuzi, uzoefu au chochote ambacho wewe binafsi unapenda kufanya.

Na hapa ndipo mimi nimekuwa nakupa maarifa mbalimbali ya kufanya hivyo kuputia mtandao wa www.mtaalamu.net/pesablog Kusudi langu ni wewe uweze kutumia mtandao wa intaneti kwa faida, uache kushabikia tu wengine na wewe unufaike. Uache kushangilia wamiliki wa mitandao hii kuwa mabilionea wakiwa vijana wadogo, na wewe uanze kunufaika na sehemu ya mabilioni hayo ya mtandao wa intaneti.

Ambacho nimekuwa nakuambia mara zote, huhitaji kitu kikubwa sana ambacho huna sasa ili kuweza kutengeneza fedha kwenye mtandao wa intaneti. Unahitaji kuanzia hapo ulipo sasa, ukiwa unafanya kile ambacho umekuwa unafanya, ila sasa ukiwa na mtazamo tofauti kidogo.

Iwapo unataka kutengeneza fedha kwenye mtandao wa intaneti, basi jukumu lako kubwa ni hili; KUFANYA MAISHA YA WENGINE KUWA BORA ZAIDI. Tunaweza kuishia hapo na ukaanze kuweka kazi, kwa sababu hakuna la ziada zaidi ya hilo. Fanya maisha ya wengine kuwa bora zaidi. Mara zote kuwa wa msaada kwa wengine, kupitia kile ambacho unafanya sasa.

Sasa hizi maisha ya watu yamehamia kwenye mtandao wa intaneti. Watu wengi wanatumia mtandao kwa muda mwingi zaidi kwenye maisha yao. Sasa hivi mtu kukaa nusu saa hajashika simu yake na kuingia kwenye mtandao, ni vita kubwa sana ambayo wachache ndiyo wanaweza kuishinda.

Kwa maisha kuhamia kwenye mtandao, hii ina maana hata mahitaji ya watu wanayatafuta kwenye mtandao, chochote wanachotaka kujifunza wanaanzia kwenye mtandao. Na hapo ndipo wewe una nafasi ya kuyafanya maisha yao kuwa bora zaidi. Kwa kuwapa maarifa na taarifa zinazowawezesha kufanya maamuzi bora kwa maisha yao.

Unahitaji kutumia mtandao wa intaneti na mitandao ya kijamii kuwa shirikisha watu maarifa yanayoendana na kile ambacho unafanya au unafuatilia, yatakayowawezesha kufanya maamuzi bora zaidi. Ukishafanya hivyo, unahitaji kujua namna ya kuwafikia wale wanaojali kile unachofanya.

Writing Message On Smartphone

Ili kufanya hili, unahitaji kuiweka vizuri mitandao yako ya kijamii unayotumia, ili watu wanapotembelea wajue pale wanapata kitu fulani. Na muhimu zaidi unahitaji kuwa na BLOG ambayo hii ndiyo itakuwa nyumbani kwako kwenye mtandao wa intaneti. Watu wanapokuwa wanatafuta kitu chochote kinachohusiana na yale unayowashirikisha watu wewe, ataletwa moja kwa moja kwenye blog yako. Kwenye blog atajifunza zaidi na atapenda kupata mengi kutoka kwako, ikiwa ni pamoja na kupata huduma muhimu unazotoa.

Hivyo rafiki yangu, chochote unachofanya kwenye mitandao ya kijamii na mtandao wa intaneti kwa ujumla, hakikisha unakuwa wa msaada kwa wengine. Unafanya maisha ya wengine kuwa bora zaidi na wao watakuwa tayari kukufuatilia na pia kununua kutoka kwako chochote unachouza.

Usisahau kuweka vizuri mitandao yako ya kijamii na pia kuwa na blog itakayokuwa nyumba yako. Kama unahitaji ushauri wa kina kwenye hili, pamoja na kupata blog, tuwasiliane kwa simu 0717396253, wasap itakuwa njia bora zaidi.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Watu wakikutafuta kwenye mtandao wanaona nini?

Zama zimebadilika, zamani ilikuwa ukiomba kazi mahali, unaandika wasifu wako na watu wanatumia wasifu huo kujua wewe ni mtu wa aina gani. Ndiyo maana kwenye wasifu watu walikuwa wanakazana kuandika vitu vizuri na vya kuvutia. Mfano kwenye eneo la mambo ambayo mtu unapendelea (interests) wengi walikuwa wanaweka kusoma vitabu, kujifunza, kusafiri na kadhalika.

Waliokuwa wanapitia wasifu wa watu, hawakuwa na njia nzuri ya kuweza kudhibitisha lile asemalo mtu, labda kwa kumuuliza tu, kitu ambacho pia hakikuwa na uhakika kwa sababu mtu akiulizwa anajibu kile alichoandika.

Sasa zimekuja zama za mitandao, ambapo watu hawana tena shida ya kujua kama wasifu wa mtu ni kweli au la. Bali wanachofanya ni kuingia GOOGLE na kuandika jina la mtu huyo kisha kutafuta. Kitu kimoja unachopaswa kujua ni kwamba, mtandao wa intaneti huwa hausahau chochote, wanasema INTERNET DOES NOT FORGET. Chochote ambacho umewahi kuandika au kuweka kwenye mtandao wako, mtu akitafuta google anakipata chini ya sekunde moja.

kutafuta google

Mtu akitafuta kitu kwenye mtandao kupitia Google

Sasa kuna umuhimu gani wa wewe kujua hili?

Umuhimu ni mkubwa sana kwa sababu mtandao utasema kila kitu ambacho umekuwa unafanya na kuweka kwenye mtandao, kupitia mitandao mbalimbali ya kijamii. Kama unataka kuonekana mtu ambaye ni mchapakazi, mpenzi wa kusoma vitabu na sifa nyingine za aina hiyo, inakupasa uwe mara kwa mara unashirikisha sifa zako hizo kwenye mtandao wa intaneti. Washirikishe watu vitabu unavyosoma, waambie watu yale unayojifunza na andika na kuweka mambo yanayoendana na zile sifa ambazo unataka kujulikana nazo kwa wengi.

Unahitaji kuepuka kuweka kwenye mtandao wa intaneti kitu chochote ambacho usingefurahia kama kingechapwa kwenye kurasa za mbele za magazeti yote. Kwa sababu kwa sasa mtandao hauna tofauti na kurasa za mbele za magazeti, mtu yeyote, popote alipo, anaweza kujua kila unachofanya kwenye mtandao wa intaneti.

Hatua mbili ninazokushauri uchukue sasa.

  1. Tengeneza mitandao yako ya kijamii kitaalamu.

Hakikisha mitandao yako yote ya kijamii unayotumia, inaakisi zile sifa ambazo unataka wengine wazione kwako na kukuchukulia wewe hivyo. Japo unahitaji pia kuweka mambo ya kijamii, lakini hakikisha hayaharibu sifa unayotaka kuijenga. Kwa mfano kuweka picha mpo na ndugu, jamaa au marafiki mkifurahi siyo vibaya, lakini kuweka picha ukiwa umelewa siyo kitu kizuri, kutakuharibia sifa unayotaka kujenga.

      2. Kuwa na blog yako binafsi.

Nimekuwa nasisitiza sana kwamba kila mtu anapaswa kuwa na blog. Mpaka watu wanahoji kila mtu akiwa na blog nani anatoma ya mwenzake, na jibu ni hili, siyo lazima uwe na blog ambayo itasomwa na wengine. Bali unaweza kuw ana blog yako binafsi, ambayo utaitumia kuandika yale mambo ambayo unajifunza au unapenda kufuatilia. Kwa mfano kama wewe ni mpenzi wa kusoma vitabu, unaweza kutumia blog yako kuweka kumbukumbu ya vitabu ambavyo umesoma, na hata yale ambayo umejifunza kwenye kila kitabu ulichosoma. Unaweza usikusudie mtu kusoma kabisa, lakini siku moja mtu akawa anakutafuta kwenye mtandao, akaletwa kwenye blog yako na kukutana na vitu vizuri. Au mtu akawa anatafuta kitabu kwenye mtandao akaishia kwenye blog yako.

Tumia mtandao wa intaneti kutengeneza sifa yako ambayo unataka wengine wakuchukulie kwa sifa hiyo. Hakuna wa kukuzuia na wala huhitaji gharama kubwa kufanya hivyo.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Unataka Fedha Au Unataka Likes? Makosa Unayofanya Kwenye Facebook Yanayokuzuia Kutengeneza Fedha Kwenye Mtandao.

Unapoweka ujumbe au picha kwenye facebook, na hakuna mtu hata mmoja anakuwa amebonyeza like unajisikiaje?

Na je pale unapoweka ujumbe au picha na waka like watu 100 na zaidi, unajisikiaje?

Kama umeweka jumbe mbili siku moja, mmoja haujapata likes, mwingine umepata likes nyingi, kesho unaweka ujumbe unaoendana na upi? Wenye likes au usio na likes?

Kwa hali ya kawaida kabisa ya ubinadamu, utaweka ujumbe unaoendana na ule wenye likes nyingi. Hii ndiyo maana ukiangalia jumbe na picha za wadada wengi kwenye mtandao wa facebook, ni zinazowaonesha katika mazingira ya urembo, lakini siyo kwamba maisha yao kila wakati yako kwenye hali hiyo.

facebook likes

Hivyo umekuwa unapenda sana likes, na kadiri unavyopata likes nyingi ndivyo unavyoweka jumbe za aina ile inayokuletea likes. Na wengine wamekwenda mbali zaidi, wanawaambia marafiki zao kama hulike au kucoment kwenye jumbe zangu nitakufuta urafiki!

Sawa, tuachane na hayo, nataka nikupe ujumbe wa leo, ambao ni huu LIKES KWENYE FACEBOOK HAZINA MAANA YOYOTE. Sijui kama umenielewa sawasawa, wacha nirudie kusisitiza, yaani zile likes unaona watu wanakupa kwenye jumbe na picha zako, hazina maana yoyote, kwako au hata kwao. Wamejikuta wakibonyeza tu wakati wa kupita. Kama unabisha hili, niambie tarehe kama ya leo ya mwezi uliopita uli like jumbe gani, au waulize wale ambao wamelike jumbe zako kwa nini wali like. Utaona ukweli ulivyo.

Ujumbe mkubwa ninaotaka kukupa leo ni kwamba, unapofanya biashara kwenye mtandao, kwa kutumia blog na mitandao ya kijamii, likes siyo kitu. Unapotaka kupima kukubali kwa watu kwenye chochote unachouza kwa njia ya mtandao, usiangalie likes. Watu wengi husahau dakika chache baada ya kulike.

Hivyo unachohitaji kufanya wewe, siyo kuandika vitu ambavyo watu watalike, bali kuandika vitu ambavyo vitawafanya watu wachukue hatua. Wakutafute kwa ajili ya kupata zaidi au kujua zaidi. Wawaambie wengine, na watafute kujifunza zaidi kupitia wewe. Sasa kama vitu hivyo vitakuwezesha kuwa na likes nyingi, hapo upo vizuri sana. Lakini kama watu wanalike halafu hawakutafuti au kununua vile unavyouza, kuna tatizo mahali, na siyo tatizo la watu hao, bali tatizo lako.

Sehemu kubwa ya tatizo huwa ni mtu kuwa amechagua watu ambao siyo sahihi kwake. Mtu anachagua kuwafurahisha wengi na kusahau kuchagua wateja wachache ambao atawahudumia vizuri kwa kuwapa maarifa na taarifa sahihi.

Wapo watu wengi ambao wamekuwa wakiandika vizuri kwenye mitandao ya kijamii, na kupata likes na coments nyingi. Huwa nawashauri wawe na blog na waweke maandishi yao kwenye blog zao pia, au zaidi kuliko hata kwenye facebook. Sasa wanapojaribu hilo, wanagundua likes zinapungua. Sasa kwa kuwa wanachotaka ni likes, wanaachana na blog na kuweka muda wao wote kwenye facebook. Wanazipata likes, ila wanakosa fedha kwa sababu sehemu nzuri ya kutengeneza fedha kwenye mtandao ni kwenye blog na email, na siyo kwenye mitandao ya kijamii kama facebook.

Hivyo unapoandika kwenye blog na kuwashirikisha watu facebook, ukapata likes chache, usikate tamaa na kuacha, badala yake chagua watu gani unaoweza kuwasaidia na maarifa na taarifa zako na endelea kuwapa kile wanachohitaji. Weka ubora kwenye kazi yako na utawavutia wale muhimu kwako.

Usilewe likes na kusahau kuwabadili wafuasi wako kwenye mitandao kuwa wateja wako. Na hatua ya kwanza ya kuwabadili wafuasi hao ni kuwa na blog ambayo utawakaribisha, na baadaye ukajenga nao mahusiano bora zaidi na baadaye kuwazuia huduma na bidhaa zaidi.

Lakini je blog unayo? Kama unayo vizuri, weka juhudi huko. Kama blog huna, basi karibu sana upate blog itakayounganishwa na mitandao yako ya kijamii na uanze kuzigeuza likes kuwa fedha. Tuwasiliane kwa simu 0717396253 kupata blog bora kabisa kwako.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.