Category Archives: Tengeneza Fedha Kwa Blog

Jinsi Ya Kuendesha Blog Kwa Mafanikio Hata Kama Huna Muda Kabisa.

Nimekuwa nashauri jambo moja mara zote, kwamba kwa ulimwengu tunaoishi sasa, ni muhimu sana kila mtu kuwa na blog. Yaani kila mtu anapaswa kuwa na blog, hata kama haitumii kibiashara.

Yapo mambo mengi utapitia na kujifunza kwenye maisha, ambayo unaweza kuwashirikisha wengine nao pia wakanufaika. Ukiwa na blog itakuwa njia nzuri kabisa ya kufanya hivyo.

Pia kama una utaalamu, uzoefu, elimu, kazi au biashara yoyote, blog itakuwezesha kuwafikia watu wengi zaidi na kwa gharama nafuu kabisa.

Lakini changamoto ya wengi katika kuendesha blog imekuwa ni muda. Wengi wamekuwa wanasema wanapenda sana kuwa na blog, ila hawana muda wa kuweza kuiendesha.

Kwenye somo la leo, nakwenda kukuonesha ni jinsi gani unaweza kuendesha blog yako, hata kama huna muda kabisa. ndiyo, namaanisha hata kama muda wako wote unafanya kazi, bado unaweza kupata muda wa kuendesha blog.

Teknolojia imekua sana kwa sasa, unaweza kufanya kila kitu kwa muda mfupi, unaweza kuonekana unapost kwenye blog na mitandao ya kijamii kumbe muda huo haupo hewani kabisa.

Yaani hata kama unasafiri kwenda vijijini ambapo huna mtandao wala umeme, unaweza kupanga na makala zinawa zinaenda hewani muda wote, huku wewe ukiwa haupo kwenye mtandao kabisa.

Kwenye kipindi hichi nimekushirikisha vitu vitatu muhimu unavyohitaji kutumia kuendesha blog na mitandao ya kijamii pale unapokuwa huna muda kabisa. pia nimekushirikisha mbinu ya kuonekana upo kwenye mitandao ya kijamii siku nzima hata kama haupo kabisa.

Angalia kipindi hichi ujifunze na uweze kutumia mtandao wa intaneti na mitandao ya kijamii kwa faida.

Kuangalia kipindi hichi, bonyeza maandishi haya, au kama kifaa chako kinaruhusu, angalia moja kwa moja hapo chini.

Kwa ushauri na elimu zaidi kuhusu blog na matumizi sahihi ya mtandao wa intaneti na mitandao ya kijamii, tuwasiliane kwa wasap 0717396253.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Jinsi Ya Kutengeneza Uaminifu Kwa Wasomaji Wa Kazi Zako Ili Waweze Kununua Kwako.

Kuna kitu kimoja pekee kinachowapa watu uhakika wa kununua kitu chochote kinachouzwa. Kitu hicho ni uaminifu kwamba kitu kile kitawasaidia kweli kulingana na uhitaji au changamoto zao.

Hili lipo kwenye kila aina ya biashara, na lipo pia kwenye uandishi.

Kama mwandishi, kabla mtu hajawa tayari kununua kwako, anahitaji kupata kwanza uhakika kupitia kazi zako unazompatia bure kabisa. Anataka kuwa na uhakika kama atatoa fedha kununua kitabu au kuhudhuria semina basi ipo thamani kubwa ambayo anakwenda kuipata.

Sasa uaminifu huu huwa hautokei tu, bali unatengenezwa. Na unatengenezwa kulingana na namna unavyofanya kazi zako za uandishi.

Tumekuwa na changamoto kubwa katika zama hizi za ‘likes’ na ‘comments’ ambapo waandishi wamekuwa wakivutiwa kuandika vitu vya kuvutia ‘likes’ na ‘comments’ kwenye mitandao ya kijamii. Hili limekuwa linawafanya kuandika vitu ambavyo vinawavunjia uaminifu wao kwa wasomaji wao.

Angalia kipindi hichi cha leo cha MTAALAMU NETWORK ambapo nimekushirikisha njia bora ya wewe kujenga uaminifu kwa wasomaji wako na wakawa wateja wazuri sana kwako.

Kwa kuangalia kipindi hichi utaepuka kufanya makosa ambayo yanawapoteza wengi, kwa kutaka wasomaji wengi wa haraka, ambapo siyo wanunuaji.

Unaweza kuangalia kipindi hichi kwa kubonyeza maandishi haya au kuangalia moja kwa moja hapo chini iwapo kifaa chako kinaruhusu.

Fanyia kazi haya uliyojifunza ili uweze kuwa mwandishi bora na kuwasaidia watu kutatua changamoto zao huku nao wakiwa tayari kukulipa kulingana na chochote unachouza.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Wanunuaji Wa Mtandaoni Wapo Sehemu Hii Muhimu.

Watu wengi wanaouza bidhaa na huduma kwa njia ya mtandao wa intaneti na mitandao ya kijamii, huwa wanapata changamoto pale wanapojaribu kuuza moja kwa moja.

Wengi hufikiri kwa sababu wana wafuasi wengi kwenye mitandao ya kijamii basi wanaweza kuuza kitu chochote kwa wafuasi hao na wakanunua. Hili huwa wanalidhibitisha pale wanapojaribu kuuza moja kwa moja kwa njia ya mtandao na ndiyo wanagundua hata wengi wanasema wanahitaji, siyo wanunuaji.

uza mtandaoni

Kama unapanga kuuza bidhaa au huduma zako kwa njia ya mtandao wa intaneti, unapaswa kuelewa wapi walipo wanunuaji wako. Wengi sana hawapo kwenye mitandao ya kijamii, bali wapo kwenye mtandao wako ambao unapaswa kuwa umeutengeneza.

Hapa ninachomaanisha ni kwamba, licha ya kuwa na wafuasi kwenye mitandao ya kijamii, unapaswa kutengeneza wafuasi wengine ambao watakuwa kwenye mtandao wako binafsi.

Hawa ni watu ambao watakuwa wanakufuatilia kwa karibu, wanakusikiliza na wanachukua hatua kwenye yale ambayo unawashauri. Hawa wanakuwa wafuasi wako wa ukweli na pale unapokuwa na huduma au bidhaa inayoweza kuwasaidia, ni rahisi wao kununua kutoka kwako.

Mtandao wako binafsi unahusisha vitu viwili, blog na email list.

Blog ndipo unapoweka maarifa ambayo mtu yeyote anayekutafuta kwenye mtandao anapelekwa kwenye blog yako. Hapo ndipo mtu anaweza kukuta kazi zako zote iwapo umekuwa unaziweka hapo. Katika blog yako, mtu hakutani na kelele na usumbufu mwingine anaokutana nao kwenye mitandao ya kijamii.

Email list ni mfumo wa kuwa na mawasiliano ya wasomaji na wafuatiliaji wako, ambao mara kwa mara unaendelea kuwasiliana nao kwa kuwatumia maarifa na taarifa moja kwa moja kwenye email zao. Pia unaweza kuwa na makundi maalumu ya wasomaji na wafuatiliaji wako kwenye mitandao kama wasap na telegram. Hapa muhimu sana ni ule ukaribu uliopo kati yako wewe na wasomaji na wafuatiliaji wako. Ukaribu ambao siyo rahisi kupatikana kwenye itandao ya kijamii.

SOMA; Hivi Ndivyo Unavyoweza Kuuza Maarifa Yanayopatikana Bure Kabisa Kwenye Mtandao.

Kazana sana kutengeneza ukaribu, wa kuwapa taarifa na maarifa wasomaji na wafuatiliaji wako moja kwa moja. Wape taarifa na maarifa ambayo yanawasaidia kuchukua hatua, kisha wauzie kile ambacho kinawasaidia zaidi.

Wanunuaji kwenye mtandao wa intaneti wapo kwenye mtandao wako binafsi unaoweza kuutengeneza ndani ya mtandao wa intaneti. Weka nguvu zako katika kutengeneza blog, email list, makundi ya wasap na/au telegram kabla hujafikiria kuwauzia watu vitu.

Kama unahitaji blog au email list na namna ya kutumia kuuza kwenye mtandao wa intaneti, tuwasiliane kwa wasap namba 0717 396 253.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Saikolojia Ya Mitandao Ya Kijamii Inayowazuia Wengi Kuwa Na Blogu.

Jambo moja ambalo nimekuwa nasisitiza sana kwa mtu yeyote ambaye anafanya ujasiriamali wa taarifa ni kuwa na blogu. Lakini bado wengi wamekuwa hawaelewi hilo, kwa sababu wanashindwa kuivuka saikolojia ya mitandao ya kijamii.

Huwa nafananisha maisha yetu kwenye mtandao na maisha yetu ya uhalisia. Huwa nasema mitandao ya kijamii ni sawa na kijiweni ambapo watu wanakutana kupiga hadithi za hapa na pale. Na blogu yako ndiyo nyumbani kwako, ambapo watu wana uhakika wa kukupata pale.

Unapokuwa na shida na mtu, sehemu ya uhakika ya kumpata ni nyumbani kwake na siyo kwenye kijiwe ambacho huwa unamwona mara kwa mara.

like za facebook

Kadhalika kwenye mtandao, uwepo wako kwenye mitandao ya kijamii ni sawa na kuwepo kijiweni. Kwa sababu siyo muda wote watu wanakuona pale, wanakuoa kwa muda mchache wakati wao wanapita na mambo yao.

Unapokuwa na blogu, hapo sasa ndiyo nyumbani kwako. Muda wowote mtu anapokuja kwenye blogu yako, anakutana na kazi zako. Mtu anapokuwa kwenye blogu yako, anakuwa na wewe moja kwa moja na hana usumbufu mwingine kama anaokutana nao kwenye mitandao ya kijamii.

Sasa watu wengi wamekuwa wakipenda kutumia mitandao ya kijamii na hata wakianzisha blogu huwa wanaziacha ndani ya muda mfupi. Hii inatokana na saikolojia ya mitandao ya kijamii. Mitandao hii imetengenezwa kisaikolojia, ambapo unapoweka kitu chenye hisia fulani, unawavutia watu ‘kulike’ na ‘kukomenti’.

Hivyo unapoandika kitu au kuweka picha kwenye mitandao ya kijamii, utapata wengi wanaolike na kukomenti, tofauti na ukifanya hivyo kwenye blogu. Hili linawafanya wengi kukimbilia kwenye likes na comments na kuacha kujenga jukwaa muhimu zaidi kwenye blogu.

Kuweza kuishinda saikolojia hii, unahitaji kufikiria mbali zaidi ya likes na comments. Kwenye mitandao ya kijamii unaweza kupata hizo likes na comments, lakini kujenga mahusiano mazuri baina yako na wasomaji wako huwa ni vigumu. Kwa sababu usumbufu ni mkubwa na mambo ni mengi.

SOMA; Usiangalie Umepata Likes Ngapi, Angalia Umegusa Watu Wangapi.

Lakini unapokuwa na blogu yako, unapata nafasi ya kujenga mahusiano bora sana, unapata nafasi ya kuwageuza wasomaji wako kuwa mashabiki wako na baadaye kuwa wateja wako.

Lakini kama bado unataka likes na comments kwa sababu ndiyo zinakufanya uone kweli wewe ni wa muhimu, basi fanya yote. Andika kwenye blog na andika kwenye mitandao ya kijamii. Kwa kufanya yote kwa pamoja, itakupa nafasi ya kujenga jukwaa lako ambalo ni blogu yako.

Usipotezwe na vitu ambavyo siyo muhimu ukaacha kujenga kitu muhimu. Unapochagua kufanya ujasiriamali wa taarifa, jua kujenga wafuasi na wateja ni zaidi ya likes na comments kwenye mitandao ya kijamii. Lazima uweke kazi ya kutosha kwenye blogu yako, ili watu waweze kuitembelea mara kwa mara na kuwa tayari kununua chochote unachouza.

Ni mara chache sana watu wananunua moja kwa moja kutoka kwenye mitandao ya kijamii. Lakini kwenye blogu yako, wengi watanunua kwa sababu tayari wanakujua kiundani na kazi zako wanazijua vizuri.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Watu Huwa Hawathamini Sana Vitu Vya Bure, Jifunze Kuweka Thamani Zaidi Na Kutoza Gharama.

Unapoanza kuingia kwenye ujasiriamali wa maarifa, kwa kutoa taarifa na maarifa kwa njia ya mtandao wa intaneti, vitu vingi utakuwa unatoa bure. Utaandika makala nyingi za bure, na huenda ukaandika vitabu na kuvitoa bure kwa wasomaji wako.

Hii ni njia nzuri ya kuwafanya watu wakujue na wajue kazi zako, kwa sababu ni vigumu kuanza kuwauzia watu ambao bado hawajakujua.

Lakini baada ya muda, unahitaji kujifunza kuweka thamani kubwa zaidi kwenye maarifa unayotoa na kisha kutoza gharama. Hii siyo kwa sababu tu unataka kutengeneza kipato, bali utawasaidia wengi zaidi.

paid-content-big1

Watu huwa hawathamini sana vitu vya bure. Kwa mfano kama umeandika kitabu na ukakitoa bure, ni wachache sana watakaokisoma mpaka mwisho. Wengi watakichukua na kukaa nacho, wakiamini siku wakipata muda watakisoma. Lakini muda huwa haupatikani.

Lakini iwapo utatoza gharama kwenye kitabu hicho, wengi watakaokinunua watalazimika kukisoma ili kupata thamani ya fedha walizolipia. Hii inawafanya wapate maarifa uliyotoa na kuweza kuyafanyia kazi.

SOMA; Hivi Ndivyo Unavyoweza Kuuza Maarifa Yanayopatikana Bure Kabisa Kwenye Mtandao.

Hili ni jambo muhimu sana unalopaswa kulifanyia kazi kwenye biashara yako ya kuuza maarifa, kwa sababu wengi wamekuwa wakivutiwa na kutoa vitu vingi vya bure na kushangaa mbona watu wanauliza maswali ambayo walipaswa kuwa wanayajua iwapo wangekuwa wamesoma ulichowaandikia.

Kuna tofauti kubwa kwenye kitu cha bure na cha kulipia. Toa maarifa mengi bure ili watu wakujue na kujua unawezaje kuwasaidia, lakini pia toa maarifa mengine ya thamani kubwa mno na toza gharama.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Usitangaze Biashara Yako Kwenye Blog Za Wengine, Badala Yake Fanya Hivi.

Watu wengi wamekuwa wakiniandikia wakitaka kutangaza biashara zao mbalimbali kupitia blog ninazoendesha mimi. Nimekuwa nawajibu kwamba sitoi huduma hiyo ya matangazo kwa biashara za watu. Wapo ambao wamekuwa wanashangaa kwa nini nikatae fedha za watu walio tayari kutangaza biashara zao.

Jibu langu limekuwa ni moja, watu wanapotembelea blog zangu, hawafanyi hivyo ili kuja kukutana na matangazo ya vitu. Bali wanatembelea ili kupata maarifa fulani ambayo wanayahitaji kwenye maisha yao, kazi zao na hata biashara zao. Hivyo kipaumbele chao cha kwanza siyo matangazo wala kununua, kwanza ni kupata maarifa, halafu wakiona wanahitaji zaidi, wanaweza kununua huduma nyingine ninazotoa mimi, kama vitabu, ushauri na kadhalika.

Hivyo mtu yeyote kuja kutangaza biashara yake kwenye blog zangu, atakuwa anapoteza fedha zake. Hatapata sawasawa na alichowekeza. Kwa sababu watu hawaweki kipaumbele kwenye matangazo yanayowekwa, bali kwenye kile wanachotaka wao.

Kama umewahi kutembelea baadhi ya blog zenye matangazo mengi, hebu niambie ulichofanya wewe ni nini? Ulianza kupitia tangazo moja moja mpaka umalize yote au uliyavuka yote na kwenda kusoma kile kilichokupeleka? Jibu unalo, maana unajua huwa unafanya nini. Sasa kwa nini unafikiri mtu mwingine ataacha shughuli zake na kuanza kuangalia matangazo yako uliyoweka kwenye blog za wengine?

Badala ya kupoteza fedha na muda wako kutangaza biashara yako kwenye blog za wengine, nakushauri uwe na blog yako mwenyewe, inayohusu biashara yako, kama upo makini na biashara yako.

SOMA;Kila Biashara Sasa Inahusisha Intaneti, Kama Bado Biashara Yako Haipo Kwenye Intaneti, Umechagua Kupoteza Wateja.

Kupitia blog hii utakuwa unatoa taarifa, maarifa na mafunzo mbalimbali yanayohusiana na biashara yako kwa wasomaji wako, na kupitia njia hiyo wasomaji wako wanakuamini na kukuchukulia wewe ni mtaalamu wa eneo hilo unaloandikia. Kupitia blogu yako, wasomaji watahitaji ushauri zaidi kuhusiana na vitu vinahusiana na biashara yako, na hapo ndipo unapata nafasi ya kuwaeleza huduma na bidhaa wanazoweza kuzipata kupitia biashara yako.

Ukiwa na blog yako usiitumie kama sehemu ya kutangaza tu biashara yako, bali itumie kama sehemu ya kuwasiliana na wateja wako. Sehemu ya kuwapa maarifa zaidi, sehemu ya kujenga mahusiano na sehemu ya kuwashauri zaidi kuhusiana na bidhaa au huduma unazotoa.

Kwa kuwa na blogu na kuikuza, utatengeneza wasomaji waaminifu kwako, na ambao watakuwa tayari kununua kwako, kwa sababu wanajali na wanakuamini.

Anzisha blog yako sasa siyo vigumu kama unavyofikiri, na wala huhitaji kuweka gharama kubwa au nguvu kubwa kwenye kuianzisha. Ni kutenga kiasi cha muda kila siku, kuwashirikisha wasomaji wako maarifa muhimu na kuendelea kuwaeleza kuhusu bidhaa na huduma unazotoa. Kama ungependa kuwa na blog yako leo wasiliana na mimi kwa njia ya wasap 0717396253.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Sababu Moja Kwa Nini Wewe Unapaswa Kuwa Na Blog, Hata Kama Hutaki Kipato Mtandaoni (NA ZAWADI YA KITABU BURE.)

Ushauri wangu siku zote umekuwa ni huu, katika zama tunazoishi sasa, kila mtu, nisisitize, KILA MTU anapaswa kuwa na blog. Siyo tu kama sehemu ya kutengeneza kipato, bali pia kama sehemu ya kutoa mchango wake kwa jamii inayomzunguka, kwa upande wa maarifa, na pia kuifanya kama jarida binafsi ambapo unaweza kuandika mambo yako na maisha yako yanavyoenda.

Wacha nikupe mfano, moja ya vitabu ambavyo vimesomwa sana na kuwasaidia wengi katika uongozi, biashara na hata kuwa imara kupambana na changamoto, ni kitabu kinachoitwa MEDITATIONS ambacho kimeandikwa na Marcus Aurelius, wakati wa uhai wake miaka ya 180, baada ya kuzaliwa Kristo. Ni kitabu kizuri mno, na kinakujenga sana, kama pia hujakisoma, fanya hima ukisome. Kama huna wasiliana nami kwa wasap 0717396253 na nitakupa kitabu hicho.

Sasa ninachotaka kukuambia ni kwamba, Marcus hakuandika kitabu hicho kama kitabu. Yaani hakukaa chini na kusema naandika kitabu. Bali kitabu hichi kilikuja kupatikana miaka mingi baada ya yeye kufa. Maandiko hayo yalikuwa ni jarida lake binafsi, ambapo kila siku alijipa muda mchache wa kuyatafakari maisha yake na kuandika.

Lakini miaka karibu elfu mbili sasa watu wamesoma kitabu hichi na wamenufaika sana. Na kitaendelea kuwanufaisha wengi, japo yeye hajui kama kimekuja kuwa kitabu.

Marcus Aurelius alikuwa mtawala wa Roma na pia mwanafalsafa wa ustoa. Aliweza kuiongoza Roma vizuri, akashinda vita kali na kuwa kipenzi cha wengi.

Sasa tukija kwako wewe, unaweza kuwa na blog ambapo unaandika mawazo yako. Kwa sababu kila mmoja wetu huwa ana mawazo mengi kwenye akili yake. Kila siku tunakutana na mambo mengi, tunajifunza mambo mengi, kwenye maisha, kazi, biashara na hata mahusiano yetu na wengine.

Unaweza kujitengenezea utaratibu wa kuwa unakaa chini na kuandika haya yote unayojifunza na unayofikiri. Na uzuri siyo lazima dunia ione, unaweza kuifanya blogu yako kuwa ya siri, ambayo unaiona wewe mwenyewe tu. Au ukawapa ruhusa watu fulani pekee waisome.

SOMA;Jinsi Unavyoweza Kupata Wasomaji Wa Kudumu Kwenye Blogu Yako.

Huwezi kujua huenda blogu hii ikaja kuwa msaada kwa wengine wengi. Huenda ikaja kuwasaidia watoto na wajukuu zako siku zijazo, wewe ukiwa haupo wakawa wanapata ushauri mzuri kupitia blog yako.

Ndiyo maana nimekuwa nakushauri sana kuwa na blog, siyo kwa sababu itakusaidia wewe tu, bali kwa sababu itavisaidia vizazi vijavyo, kama utakuwa na ndoto ya aina hiyo.

Kama bado huna blog na ungependa kuwa nayo, au kama unataka ushauri kuhusu blogu, tuwasiliane kwa njia ya wasap kwa namba 0717396253. Pia kama ungependa kupata kitabu cha MEDITATIONS cha Marcus Aurelius, nitumie ujumbe kwa njia hiyo ya wasap na nitakutumia.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kama Una ‘Smartphone’ Na Unalia Huna Biashara Au Kazi, Umejitakia Mwenyewe.

Robert Kiyosaki, mwandishi maarufu wa kitabu RICH DAD POOR DAD anasema kwamba, KAMA UNA SMARTPHONE NA BADO NI MASIKINI, BASI UNA TATIZO KUBWA.

Tunaishi kwenye zama bora sana kuwahi kutokea hapa duniani. Katika zama hizi, unaweza kutengeneza kipato popote ulipo na bila hata ya kuajiriwa au kufungua eneo la biashara.

Simu yako ya mkononi yenye mtandao wa intaneti, ni biashara tosha inayoweza kukutoa kwenye umasikini mpaka utajiri.

Angalia somo hili la leo ili kujifunza JINSI UNAVYOWEZA KUTENGENEZA KIPATO KWENYE MTANDAO WA INTANETI.

Kuangalia somo hili bonyeza maandishi haya kama hujaliona hapo juu.

Unaweza pia kujifunza zaidi kwa kutembelea www.mtaalamu.net hapo utajifunza kila kitu kuhusu kutengeneza fedha kwenye mtandao.

Pia nimeandika kitabu kinaitwa JINSI YA KUTENGENEZA FEDHA KWENYE MTANDAO KWA KUTUMIA BLOG, kitabu ni softcopy (pdf) na kinatumwa kwa email.

Kupata kitabu hichi, tuma fedha tsh 10,000/= kwenye namba 0717 396 253 au 0755 953 887 kisha tuma email yako kwenye moja ya namba hizo na utatumiwa kitabu.

Karibu sana ujifunze namna ya kuigeuza simu yako kuwa ofisi yako. Usilie tena umasikini kwenye zama hizi ambazo unaweza kutembea na biashara popote pale ulipo.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK.

Makirita Amani,

Kocha wa mafanikio, Mwandishi na Mjasiriamali.

Karibu sana kwenye MTAALAMU NETWORK uweze kutengeneza kipato kupitia mtandao wa intaneti.

Kujua huduma za blog tunazotoa BONYEZA MAANDISHI HAYA.

Kusoma makala zetu za mbinu na maarifa ya kutengeneza kipato kupitia mtandao wa intaneti BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Vitu Viwili Unavyohitaji Ili Uweze Kutengeneza Fedha Kupitia FACEBOOK.

Je umekuwa unatumia mtandao wa facebook kila siku ya maisha yako? Kama unasoma hapa, basi najua jibu lako ni ndiyo. Na ninajua bila ya shaka kwamba kila siku lazima uingie kwenye mtandao huu wa kijamii namba moja duniani. Ikitokea siku hujaingia kwenye mtandao huu unajiona kama kuna kitu umekosa.

Swali muhimu nataka kukuuliza na wewe mwenyewe ujiulize ni je ungependa kutengeneza fedha kwa kutumia mtandao huu wa facebook? Yaani ungependa kwa kuingia kwako kwenye mtandao wa facebook uweze kuingiza kipato? Kama jibu ni ndiyo basi endelea kusoma na nitakuonesha namna unaweza kufanya hivyo. Kama jibu ni hapana, hutaki kuingiza kipato kila unapoingia kwenye facebook, basi unaweza kuishia hapa, kwa leo.

facebook-money

Nilijiunga na mtandao wa Facebook mwaka 2009, lakini sikuwa najua kama naweza kuutumia kuingiza kipato. Nilikuwa nauchukulia kama mtandao wa kukutana na marafiki, kuoneshana picha na kubishana kuhusu siasa, michezo na kingine kinachoweza kuleta ubishi baina ya wengi.

Ni mpaka ilipofika mwaka 2013 ndipo nilijua kwamba naweza kutengeneza kipato kwa kutumia facebook. Ni kwa mara ya kwanza mwaka huo niliweza kupata fedha kwa kupitia facebook. Na tangu kipindi hicho, mpaka sasa nimekuwa natengeneza kipato kwa kutumia mtandao huu wa facebook.

Leo nataka nikushirikishe hatua unazoweza kutumia kutengeneza kipato kwa kutumia Facebook, kwa sababu, kama mpaka sasa unasoma hapa, jibu lako ni kwamba unataka kutengeneza kipato kwa kutumia facebook.

Facebook ni nini?

Kabla hatujaangalia jinsi unaweza kuingiza kipato kwa kutumia mtandao huu wa facebook, kwanza tuangalie facebook ni nini.

Wote tunajua kwamba facebook ni mtandao wa kijamii. Ni sehemu ambayo watu tunakutana kupeana habari mbalimbali na pia kushirikishana yale ambayo yanaendelea kwenye maisha yetu.

Wapo watu ambao wanaingia kwenye facebook kila siku ili kupata habari mbalimbali, wapo wanaoingia ili kujua wengine wanafanya nini kwenye maisha yao.

Unaingizaje kipato kwa kutumia facebook?

Njia ya uhakika ambayo wewe hapo ulipo unaweza kuitumia kuingiza kipato kwa kutumia mtandao wa facebook ni kutoa maarifa na taarifa ambazo watu wanazihitaji ili kuwa na maisha bora. Maarifa hayo unaweza kuwa nayo wewe kwa kusomea, kujifunza mwenyewe au kwa uzoefu.

Maarifa na taarifa hizi inaweza kuwa kuhusu afya, kuhusu biashara, kuhusu uchumi, kuhusu fedha, michezo, dini na chochote kile ambacho unakijua na watu wanaweza kukitumia kuwa na maisha bora.

Kwa maana hii, hapo ulipo wewe, tayari una maarifa na taarifa za kuweza kukuingizia kipato kupitia mtandao wa facebook.

Vitu viwili unavyohitaji ili kuingiza kipato kwa kutumia facebook.

Ili uweze kutengeneza kipato kwa kutumia mtandoa wa facebook, kuna vitu viwili muhimu sana unavyohitaji. Iko hivi, siyo rahisi sana (sisemi haiwezekani) kutengeneza kipato moja kwa moja ndani ya mtandao wa facebook. Ila kuna vitu viwili ambavyo utavitumia pamoja na facebook kuweza kutengeneza kipato.

Kitu cha kwanza; unahitaji kuwa na BLOG.

Iko hivi, kama facebook ni sehemu ambayo unakutana na watu mbalimbali, tunaweza kuchukulia kama kijiweni, basi blog ndiyo nyumbani kwako. Hii ina maana kwamba baada ya kukutana na watu kijiweni, unaweza kuwakaribisha nyumbani kwako.

Hivyo ndivyo ilivyo pia, ukishakutana na watu kwenye facebook, unahitaji kuwakaribisha kwenye blog yako, ili wapate mengi zaidi kutoka kwako. Kama wewe ambavyo umefika kwenye blog yangu kwa kutokea facebook.

Blog ni sehemu ambayo unaweka taarifa na maarifa unayotoa kwa wengine. Ni sehemu nzuri ambapo mtu akifika anakutana na taarifa zako zote na hivyo kuweza kujifunza vizuri. Ni muhimu sana uwe na blog, kwa sababu kupitia blog yako ndiyo unaweza kuwa na watu wanaokufuatilia kwa karibu.

Kitu cha pili; MFUMO WA EMAIL (EMAIL LIST)

Ukishakuwa na blog, ambayo ni nyumbani, unahitaji kuwa na mfumo wa kukusanya mawasiliano ya wasomaji wako, ambao unaitwa email list. Kama facebook ni kijiweni, blog ni nyumbani, basi email list ni chumbani. Ni watu gani unawaruhusu waingie chumbani kwako? Bila shaka utakubaliana na mimi kwamba siyo kila mtu unampeleka chumbani, ila wale marafiki zako wa karibu unawaruhusu kuingia chumbani kwako.

Hivyo basi ni muhimu sana uwe na email list, wasomaji wanapofika kwenye blog yako, na kusoma maarifa unayotoa, kuna ambao watahitaji kupata zaidi kutoka kwako. Hawa unawakaribisha chumbani, kwa kuwaruhusu wakupe taarifa zako kwenye mfumo wako wa email.

Hawa wasomaji ambao wanakupa taarifa zao, ndiyo wanakuwa wa kwanza kabisa kununua chochote ambacho utaamua kuwauzia.

Kwa kukamilisha nikukumbushe haya muhimu;

  1. Unaweza kutengeneza fedha kwa kutumia mtandao wa facebook.
  2. Facebook ni kama kijiwe ambapo unakutana na watu.
  3. Blog ni nyumbani kwako kwenye mtandao wa intaneti, ni lazima uwe na blog ili kutengeneza fedha.
  4. Email list ni chumbani kwako, ambapo unawakaribisha marafiki zako wa kweli. Hawa ndiyo ambao wanakuamini na watakuwa tayari kununua kile unachouza.

Kwenye makala zijazo nitakushirikisha vitu gani unaweza kuuza kwenye facebook na mtandao wa intaneti kwa ujumla.

Kama unahitaji kupata blog na email list fuata maelekezo hapo chini.

Kujiunga na email list na upokee makala kama hizi jaza fomu hiyo hapo chini.

Asante na karibu sana.

Makirita Amani,

Kocha, Mwandishi na Mjasiriamali,

www.kisimachamaarifa.co.tz/makirita

Kupata blog ya kitaalamu kwa tsh elfu kumi (10,000/=) bonyeza maandishi haya.

Kupata kitabu cha kutengeneza blog yako mwenyewe bonyeza maandishi haya.

Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

BLOG BADO NI CHACHE MNO…

make-money-online

Habari rafiki,
Siku moja nikiwa naongea na mtu aliyekuwa anaomba ushauri kuhusu blog, aliniauliza huoni kwa sasa blog zimekuwa nyingi sana?
Jibu langu kwake lilikuwa blog bado ni chache mno.
Yaani sisi watanzania bado hatujafikia hatua ya kusema tuna blog nyingi.
Hasa blog zinazotoa maarifa na mafunzo ni chache sana.
Na uchache huu umekuwa unasababishwa na watu kuanza blog kwa hamasa kubwa, lakini baada ya muda wanapotea kabisa.
Unaweza kudhibitisha hili, hesabu blog kumi unazoona zinatoa maarifa na mafunzo leo, halafu njoo ziangalie baada ya mwaka mmoja, utakuta chache ndiyo zimebaki.
Sasa rafiki yangu, kuanzia jumatatu ya wiki ijayo, nitaendesha semina kuhusu blog, na nitakupa mbinu zote za kuweza kuanzisha blog, kuikuza na kutengeneza kipato.
Nafasi bado ni kubwa mno ya kutengeneza kipato kwenye mtandao.
Mwisho wa kujiunga na semina hii ni kesho, hivyo chukua hatua sasa.
Bonyeza link hii kujiunga na semina; http://www.kisimachamaarifa.co.tz/tengeneza-fedha-kwa-kutu…/
Karibu sana rafiki yangu.
Rafiki yako,
Makirita Amani.