Category Archives: Uandishi wa Vitabu

Unasubiri Nani Akuchague Kuwa Mwandishi? Huyu Ndiye Anayekuchelewesha.

Kitu kimoja ambacho nimekuwa nawasisitiza watu ni hichi, hakuna mtu wa kukuzuia zama hizi, hasa pale unapofikiria kufanya kile unachopenda kufanya.

Zamani ilikuwa kuwa mwandishi mpaka wachapaji wakuchague, mpaka wamiliki wa magazeti na majarida wakukubali.

Kama ulitaka kuwa msanii basi wenye kurekodi wakukubali, vituo vya redio na tv vikukubali ndiyo wananchi wakusikia na wakujue.

Lakini zama hizi, hakuna kikwazo chochote, ni wewe mwenyewe uchague kubaki nyuma.

tofauti uandishi

Kuna fursa iliyopo wazi kwa kila mtu kufanya kile anachopenda kufanya na kuwafikia wengi, bila kusubiri mpaka akubaliwe na watu fulani au wamchague.

Mtandao wa intaneti umefanya rahisi kwa kila mtu kuweza kuchukua hatua. Umetoa fursa ya wazi ya kila mwenye wazo, mwenye kuweza kufanya kitu kuchukua hatua hiyo na kuwafikia wanaotaka kitu hicho.

Lakini cha kushangaza, wapo watu katika zama hizi wanasubiri kuchaguliwa. Wapo watu wanasubiri mtu awaambie nini cha kufanya. Wapo watu wanasubiri mtu awaambie wanaweza kufanya ndiyo wafanye. Na wapo watu ambao wanasubiri watu wawaambie wanastahili kufanya, ndiyo waanze kufanya.

SOMA; Kitu Pekee Unachopaswa Kufanya Kama Mwandishi Ni Kuwa Bora Zaidi Kila Siku.

Huku ni mtu kuchagua kujichelewesha, kwa sababu hakuna anayepaswa kufanya hivyo ila wewe mwenyewe. Na mbaya zaidi, hakuna aliye tayari kufanya hivyo kama wewe mwenyewe hutachukua hatua. Na kwa dunia ya sasa ambayo kila mtu anapiga kelele, hakuna mwenye muda wa kukutafuta na kukupata wewe.

Jichague wewe mwenyewe, ona unastahili na tumia teknolojia kuweza kutoa kile ulichonacho, kufanya unachopenda na kuwafikia wengi zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kama Huandiki Hukitendei Haki Kizazi Kinachokuja.

Moja ya maeneo ambayo wenzetu wa nchi zilizoendelea wametuzidi kwa mbali sana, ni kwenye maandiko. Wenzetu wanaandika sana, na wanaandika kwa ajili ya vizazi vinavyokuja.

Uandishi wao siyo lazima uwe wa kitaalamu au wa kiuvumbuzi, bali uandishi wao ni wa uzoefu wao wa kila siku, namna walivyoweza kuondoka kwenye nyakati ngumu na kufika nyakati nzuri.

Kila mtu ambaye anafanikiwa kufanya kitu fulani, anaandika kitabu au majarida ambayo yanaelezea jinsi alivyoweza kufanya.

Maandiko hayo husomwa na vizazi vinavyofuata na kujifunza jinsi vizazi vilivyowatangulia vilivyofanya mambo yao.

Kwa njia hii wanakuwa tayari wana mahali pa kuanzia na kuweza kuboresha zaidi.

uandishi kwa vizazi vijavyo

Lakini kwa huku kwetu, mtu akishaondoka hapa duniani, basi uzoefu wake na hata kile alichojifunza na kufanyia kazi kinapotea. Zinabaki hadithi pekee ambazo kadiri muda unavyokwenda zinapoteza uhalisia na kupotea kabisa.

Lakini mtu anapokuwa ameandika, watu wanakuwa na sehemu ya kufanya rejea kila wakati wanapotaka kujifunza.

Hivyo basi, kama wewe huandiki sasa, maana yake unadhulumu vizazi vinavyokuja. Maana yake yote uliyoyapitia na kuweza kushinda, yote uliyopambana nayo yanakuja kupotea pale unapoondoka hapa duniani.

Hii siyo sahihi kabisa, na siyo sawa kwa vizazi vijavyo.

Hii ndiyo sababu nimekuwa nasisitiza sana tuandike, tuandike uzoefu wetu, tuandike yale tunayokutana nayo na tukajifunza.

SOMA; Soma Maandiko Ya Miaka Mia Tano Iliyopita, Na Utajifunza Kitu Hiki Kikubwa Sana.

Kama huwezi kuandika kitabu na ukakichapa usiwe na wasiwasi, unaweza kuwa na blogu ambayo unaandika kila siku au kila mara kadiri unavyojifunza na kufanyia kazi. Baadaye unaweza kugeuza blogu hiyo kuwa kitabu. Au kama siyo wewe utakayefanya hivyo, basi vizazi vinavyokuja, vitafanya hivyo.

Muhimu ni wewe uandike, andika kushirikisha uzoefu wako, changamoto unazokutana nazo na yale unayojifunza ambayo yanaboresha maisha yako.

Kama mpaka sasa hujaanza kuandika, tuwasiliane kwa wasap 0717396253 nikupe utaratibu mzuri wa kuwa na blog utakayoweza kuitumia kuandika.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kuwa Wewe, Kuwa Halisi, Andika Kutoka Moyoni, Kile Unachojali Hasa.

Mitandao ya kijamii imeleta uharibifu mmoja mkubwa sana ambao ni watu kukazana kuishi maisha ya kuigiza. Watu wamekuwa wakikazana kuonekana wako vizuri kwenye mitandao ya kijamii wakati uhalisia wa maisha yao ni tofauti kabisa.

Hili lina athari kwenye maeneo mengi ya maisha yetu na moja ya maeneo hayo ni uandishi.

Unapoanza kuandika, watu watakuwa wanakujua kupitia uandishi wako. Wanavyokusoma, ndani ya akili zao watatengeneza picha yako. Kwa namna unavyoandika watu watategemea uwe mtu wa aina fulani, uwe na vitu fulani, uwe na misimamo fulani, ambayo huenda hata huioneshi kwenye uandishi wako.

kuwa halisi

Lakini kadiri wao wanavyokusoma, ndivyo wanavyotengeneza picha za namna gani wewe mwandishi upo. Sasa watu hawa wanapoanza kuwasiliana na wewe, na hata kukutana na wewe, utaona wanashangaa, ile picha walikuwa wamejijengea inakuwa tofauti na uhalisia waliokutana nao.

Utaona wanakuambia nilijua utakuwa mtu wa aina fulani, au nilijua utajua kitu fulani. Sasa hali hii imekuwa inawasukuma waandishi wengi kuishi maisha ya maigizo, kufanya vitu kwa vile wanavyotaka waonekane na siyo walivyo katika uhalisia.

Hii ni mbaya sana kwenye uandishi, kwa sababu kuishi maisha ya maigizo huwa kuna mwisho wake. Kuna wakati utachoka na kushindwa kuendelea kuigiza tena. Na mbaya zaidi, unapoigiza unawavuta watu ambao siyo halisi kwako, watu ambao hamuendani na hivyo hawatadumu na wewe.

SOMA; Kujitofautisha Na Wengine, Andika Na Kushauri Kile Unachofanyia Kazi Wewe Mwenyewe.

Andika kwa uhalisia wako, ishi uhalisia wako, hata kama siyo watu wanavyotegemea, lakini utapata kuridhika kutoka moyoni mwako. Na pia utawavutia wale ambao ni sahihi wako, wale wanaoamini kwenye kile unachoishi na unachoandika.

Na kwa kuwa uandishi ni kazi ya maisha yako yote, hutachoka kwa jambo lolote, kwa sababu hakuna maigizo, ni uhalisia mtupu.

Kuwa wewe, kuwa halisi na andika kutoka ndani ya moyo wako, huwezi kukubalika na kila mtu hivyo ni vyema ukamridhisha mtu muhimu sana kwako ambaye ni wewe mwenyewe.

Muhimu sana, hakikisha unalofanya ni jambo sahihi, usifanye jambo la hovyo na kusema ndiyo halisi kwako. Fanya lililo sahihi mara zote, na kazana kuwa bora zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Sababu Tatu Za Mkwamo Ua Uandishi (Writer’s Block) Na Jinsi Ya Kuondoka Kwenye Mkwamo Huo.

Huwa inatokea kwenye uandishi kwamba unataka kuandika lakini kila ukikaa uandike, hakuna kitu kinachokuja. Unaweza kujaribu kuandika kitu kimoja, ukafuta, ukaandika kingine ukafuta na kurudia hivyo mara nyingi mno.

Yaani ni sawa na mtu anayekamua juisi ya muwa au chungwa na amefikia hatua ambayo hata akikamua kwa nguvu hakuna kinachotoka tena. Unaona kama akili imekwama na hakuna tena kinachoweza kutoka.

Hii ni hali ya kuumiza kama unategemea uandishi kama sehemu kuu ya kazi yako. Hivyo ni muhimu kujua sababu za mkwamo wa uandishi na jinsi ya kuondoka kwenye mwamo huo.

Blank notepad and pencil

Sababu zipo nyingi, lakini hapa tutaangalia sababu tatu kuu;

Moja; kuandika katika muda mbaya.

Kila mtu ana muda wake maalumu ambapo akili yake inakuwa kwenye uwezo wa hali ya juu sana. Kuna ambao muda huo ni asubuhi na mapema, wengine ni usiku wa manane.

Kama hujajua muda wako ni upi, na hivyo unaandika muda wowote unaojisikia, utateseka sana na mwamo wa uandishi. Kwa sababu utakuwa unailazimisha akili kufikiri kwa kina wakati ambapo siyo mzuri kwake.

Mbili; hofu.

Sababu nyingine inayowafanya wengi kukwama ni hofu, hapa mtu anakuwa anahofia kutoa kazi yake kwenye ulimwengu akiona labda wengine watamchukuliaje. Hofu inasababisha akili kukataa kabisa kutoa mawazo mazuri.

Sababu nyingine inayoendana na hii ni kujiona hujakamilika. Waandishi wengi hutaka wame wamekamilika kwenye kila jambo ndiyo waandikie. Sasa kwa kuwa ukamilifu ni mgumu sana kufikiwa kwa sisi binadamu, wanakwama kuandika.

Tatu; kelele na usumbufu.

Wote tunajua usumbufu wa zama hizi, siyo kelele za mashine wala watu wanaopita nje. Unaweza kuwa umejifungia kwenye chumba chako mwenyewe, lakini ukawa na usumbufu mkubwa sana, ambao unatokana na simu yako.

Akili yako inaposumbuliwa kila mara kwa simu au jumbe zinazoingia kwenye simu yako, haiwezi kutulia na kutoa mawazo mazuri. Hivyo itakuwa rahisi kwako kuacha na kuingia kwenye usumbufu unaokuzunguka.

SOMA; Tengeneza Hamasa Ya Kuandika, Na Siyo Kusubiri Mpaka Upate Hamasa.

Njia za kuondokana na mkwamo wa kiuandishi;

  1. Chagua muda maalumu kwako kuandika, muda ambao akili yako ipo kwenye uwezo wa hali ya juu. Jijue kama wewe ni mtu wa asubuhi au mtu wa usiku.
  2. Jikubali kwa vile ulivyo na andika kile ulichonacho, jua kuna wengi kitawasaidia.
  3. Kuwa eneo tulivu wakati wa kuandika, simu yako uwe umeizima au iwe mbali kabisa na wewe, isiwe kwenye hali ya kupiga kelele, kukujulisha kuna ujumbe au simu imeingia.
  4. Andika kwa mtindo huru, jiruhusu kuandika chochote, hata kama hutakichapisha, wewe andika tu.
  5. Badili mazingira yako, kama umekaa eneo moja kwa muda mrefu nenda eneo jingine.
  6. Soma kitabu ambacho hujawahi kusoma, kinachohusiana na mambo tofauti kabisa na unayojihusisha nayo wewe.
  7. Fanya mazoezi ya viungo, yanachangamsha mwili na akili pia.
  8. Sikiliza muziki unaoupenda, muziki huchangamsha akili.
  9. Orodhesha mawazo kumi kuhusu jambo lolote, uliza swali lolote kisha ipe kazi akili yako kuja na mambo kumi.
  10. Usiruhusu usumbufu pale unapokuwa kwenye mkwamo, kama kuangalia tv au kuperuzi mitandao ya kijamii, hilo linakuza tatizo zaidi na haileti matokeo mzuri.

Usikubali mkwamo wa kiuandishi uwe kikwazo kwako kuandika na kutoa kazi nzuri kwa wasomaji wako. Jijengee utaratibu mzuri wa kuandika, na wa kuwa na hamasa ili uweze kuandika kila siku.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Uandishi Unaweza Kuwa Upweke, Hivi Ndivyo Unavyoweza Kupambana Nao.

Ni raha kusoma kazi ya uandishi iliyokamilika, ambayo ni nzuri na ina maarifa na hamasa kubwa. Lakini kukamilisha kazi hiyo kunamgharimu mwandishi sehemu kubwa ya maisha yake.

Uandishi siyo kazi rahisi kama watu wengi wanavyofikiri, inahitaji nidhamu ya hali ya juu kukaa chini na kuandika, iwe ni makala, kitabu, ripoti na aina nyingine za uandishi.

Pamoja na uhitaji huo mkubwa wa nidhamu na kujitoa, kuna kitu kingine kinafanya uandishi uwe mgumu na wengi wasiupende. Kitu hicho ni upweke. Unapofanya kazi au biashara nyingine, mara kwa mara unakutana na watu wengine, iwe ni wafanyakazi wenzako au wateja, huchukui muda hujaongea na mtu mwingine au kuwasiliana na watu wengine.

Lakini kwenye uandishi, mambo ni tofauti. Huwezi kuandika huku unaongea na watu wengine. Huwezi kaundika huku unawasiliana na watu wakati huo huo.

andika kwa mapenzi

Kwa kifupi kwenye uandishi unahitaji kutenga muda wa kuwa wewe mwenyewe, na kupeleka mawazo yako kwenye kile unachoandika ili kutoa maarifa bora kabisa. Hata kama umezungukwa na watu wengine, utahitaji kujitoa na kuwa mwenyewe wakati unapoandika.

Hali hii inatengeneza upweke ambao wengine hawawezi kuuvumilia, wengi hawawezi hiyo hali ya kukaa wenyewe kwa muda ili kuandika.

Tunaishi kwenye dunia ambayo tumeshazoea kelele na usumbufu. Ndiyo maana kila mara tunataka kuangalia kwenye mitandao ya kijamii nini kinaendelea, tunataka kujibu kila ujumbe uliotumwa, kwa wakati uliotumwa, tunataka kila anayetupigia simu tupokee muda huo huo. Kwa kifupi tutafanya lolote ili kuepuka upweke.

SOMA; Muda Wa Kuandika Upo Wa Kutosha, Ni Wewe Kusema NDIYO Na HAPANA.

Lakini uandishi hautaki hivyo, unataka uwe wewe peke yako na mawazo yako, ili kuweza kuyapanga vizuri kwenye maandishi na yaweze kuwasaidia wengine.

Njia ya kuepuka upweke huu ili uweze kuandika vizuri ni kutenga vipindi vifupi vya muda wa kuandika. Unaweza kutenga nusu saa ya kuandika, ambapo kwa nunu saa hiyo hutaruhusu usumbufu wowote, simu itakuwa mbali, watu wengine hawatakusumbua. Uandike kwa muda huo, ukishaisha unaweza kuendelea na kelele nyingine.

Kama nusu saa ni kubwa kwako unaweza kuanza na muda mdogo zaidi ya hapo, muhimu ni uwe na muda tulivu ambao huruhusu usumbufu ili uweze kuandika. Kadiri unavyotengeneza muda wa aina hiyo na kuufanyia kazi, ndivyo unavyoweza kuukubali upweke wa muda, ukijua siyo wa kudumu.

Kila mtu anaweza kuvumilia kitu ambacho hakidumu kwa muda mrefu, tengeneza uvumilivu wa aina hiyo kwenye upweke wako wa uandishi, na utaweza kaundika zaidi. Unapopanga muda wa kaundika, kaa chini na andika, usiruhusu kelele yoyote ikutoe kwenye uandishi wako.

Kama nilivyowahi kukuandikia, uandishi ni mapenzi kabla hujafikiria kulipwa, na upweke huu ni sehemu ya mapenzi hayo.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kila Wazo Linahitaji Kuboreshwa Zaidi, Hivyo Anzia Popote Na Endelea Kuwa Bora.

Moja ya vitu ambavyo vinawazuia watu kuchukua hatua, ni kutaka ukamilifu. Watu wengi wamekuwa wanajiona hawajakamilika hivyo kutokuanza, wanasubiri mpaka waone wapo tayari. Kitu ambacho huwa hakitokei.

Kitu kikubwa ambacho kinawafanya wengi kusubiri, ni kuamini kwamba bado hawajapata wazo bora kabisa kwao kufanyia kazi. Ni kawaida kwenye biashara, na hata kwenye uandishi na sanaa pia.

Mtu anakuwa anataka kuandika, iwe ni kitabu au makala, lakini hafanyi hivyo kwa kuona bado hajapata wazo zuri kabisa la kuandikia. Hivyo anasubiri mpaka apate wazo zuri kabisa ndiyo aandike. Kitu ambacho huwa hakitokei kabisa.

WriteYourStory

Kuondokana na hali hii, ili mtu uweze kuanza mara moja ni kujipa ruhusa.

Jipe ruhusa ya kuanza na wazo la kawaida sana, anza na kitu cha kawaida, lakini kazi yako kubwa ni moja, kuendelea kuwa bora zaidi.

Unaanza na wazo la kawaida, lakini unaendelea kukazana kuwa bora zaidi. Unakazana kuangalia maeneo ya kuboresha na kuchukua hatua.

Faida ya kutumia njia hii ni kujifunza kwa vitendo. Kwa mfano unapoanza na wazo la kawaida na kuendelea kujiboresha, utajifunza moja kwa moja kutoka kwa wale wanaopokea unachofanya.

SOMA; Kama Unasema Huna Muda Wa Kuandika, Nihakikishie Kwanza Hufanyi Vitu Hivi Vitano, Nitakuelewa.

Huenda mwanzoni ulifikiri watu wanataka kitu fulani, lakini unapokuja kufanya unagundua wanachotaka ni tofauti kabisa na ulichofikiri wewe, hivyo unahitajika kuboresha zaidi.

Ukisema usubiri mpaka upate wazo bora kabisa, utasubiri sana, na hata ukipata wazo hilo bado utahitaji kuliboresha pale unapoanza na kugundua watu wanahitaji tofauti na ulivyofikiri.

Kwa wale ambao wanaandika kitabu na hawajapata wazo zuri la kuandika, nimekuwa nawashauri kuanza na blog kwanza, kaundika kila siku kwa angalau siku 100 kisha kufanya tathmini, kwao wenyewe na kwa wasomaji wa makala zao. hapo wataona kipi ambacho wanaweza kufanya kwa ubora zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Kuuza Kwa Uhaba Na Kuuza Kwa Mapenzi, Njia Bora Ya Kutumia Kupata Wanunuzi Wa Kazi Zako.

Uandishi kama zilivyo kazi nyingine, unahitaji wanunuzi, yaani watu ambao wanakubali kazi ya uandishi na kuwa tayari kulipia gharama ili kuipata.

Ubora wa kazi unachangia sana kwenye uuzaji, lakini kitu kingine muhimu kinachochangia ni uwezo wa uuzaji wa mwandishi. Kadiri mwandishi anavyoweza kuwafikia na kuwashawishi wapenzi wa kazi zake kununua, ndivyo anavyoweza kuuza zaidi.

buy books

Katika hili la ushawishi, zipo njia mbili ambazo zinaweza kutumika.

Njia ya kwanza ni hofu, hapa mwandishi anawashawishi wasomaji wa kazi zake kuchukua hatua ili kupata kazi ile kwa sababu wasipochukua hatua wataikosa. Hapa mwandishi anaweza kuweka ukomo wa muda wa kupata kazi zake hizo. Pia anaweza kutoa punguzo la bei ambalo ni la muda maalumu, ambapo watu wanapaswa kuchukua hatua katika muda huo.

Njia ya pili ni mapenzi, hapa mwandishi anatengeneza wasomaji ambao wanapenda sana kazi zake. Wasomaji ambao wanasubiri kwa hamu kila kazi ambayo mwandishi anaitoa. Wanakuwa tayari kulipia na  kupata kazi hiyo. Wasomaji wengine wanaweza kulipia kazi ambayo hata hawaihitaji sana, ila mapenzi yao kwa mwandishi yanawasukuma wao kufanya hivyo.

SOMA; Anza Kumwandikia Mtu Huyu Mmoja, Na Itakuwa Rahisi Kuwafikia Watu 1000.

Njia ya kwanza ni rahisi kutumia, inaweza kuleta wanunuzi wengi ndani ya muda mfupi kununua, lakini haiwezi kutengeneza wafuasi wazuri wa kazi zako za uandishi, au kazi zozote unazotaka kuwa na wanunuaji wa uhakika.

Njia ya pili ni ngumu, inahitaji muda na kazi kuweza kutengeneza wasomaji ambao wanapenda kazi zako na walio na kiu ya kupata kazi zako.

Njia ipi utumie wewe? Tumia njia zote mbili mwanzoni, ila mkazo weka kwenye kutengeneza wasomaji wanaopenda kile unachofanya. Hii itawafanya watu kukufuatilia na pia kuchukua hatua. Kwa sababu tabia zetu binadamu ni kutokuchukua hatua kwa haraka, mpaka tuone kuna kitu tunapoteza. Kadiri unavyokua, unaweza kuegemea upande wa mapenzi zaidi.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.