Category Archives: Uandishi wa Vitabu

Kuandika Ni Mapenzi Kwanza Kabla Ya Kufikiria Kulipwa.

Watu wengi wamekuwa wakiuliza je unaweza kujiajiri kwa kuwa mwandishi na ukaweza kuendesha maisha yako vizuri?

Jibu ni ndiyo, lakini kabla ya kufikiria kulipwa unahitaji kuweka mapenzi yako kwanza.

Ndiyo maana nimekuwa nasema kuandika ni mapenzi kwanza kabla ya kufikiria kulipwa.

Hii ni kwa sababu, hakuna mtu atakayekimbilia kukulipa kwa uandishi wako kabla hajakujua wewe mwenyewe vizuri.

Hata kama utaandika kitabu kizuri, watu wanahitaji kuwa wanakujua kwanza wewe kabla hawajawa tayari kununua kitabu chako.

Hivyo lazima uanze kuandika kama mapenzi, uandike kwa sababu unapenda, uandike kwa sababu una kitu cha kuwasaidia watu, una maarifa ya kuwashirikisha wengine.

Uandike kwa sababu una uzoefu ambao wengine wakiutumia maisha yao yatakuwa bora.

Au pia uandike kwa sababu unajifunza na ungependa wengine wajifunze kama wewe pia.

Hayo yote unayafanya bure, ukiweka thamani kubwa kwenye kazi zako, bila ya kutegemea kulipwa hapo hapo moja kwa moja.

andika kwa mapenzi

Lakini wakati unafanya hayo, unakuwa unatengeneza imani yako kwa watu, unakuwa unatengeneza wafuasi ambao wanategemea kazi zako. Ambao watakuwa tayari kununua kwako, kwa sababu wameshapata vingi kutoka kwako.

Hivi ndivyo unavyopaswa kuanza kama unataka kufanya uandishi kuwa kazi yako ya kukuingizia kipato. Unatanguliza mapenzi mbele, na unatengeneza mazingira ya watu kuwa tayari kununua kutoka kwako.

SOMA; Tengeneza Hamasa Ya Kuandika, Na Siyo Kusubiri Mpaka Upate Hamasa.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Acha Kukimbizana Na Watu Ambao Siyo Sahihi Kwa Kazi Zako.

Watu wengi wanapoanza kitu chochote, huwa wanapenda kila mtu akubaliane nao na awe mfuasi wa kitu hicho. Iwe ni uandishi, sanaa, biashara, kazi na hata imani. Tunapenda sana kila mtu akubaliane na sisi.

Lakini hicho ni kitu ambacho hakiwezi kutokea kwa namna yoyote ile.

Kwenye makala hii hapa, nilikuambia kwamba haijalishi unafanya nini, theluthi moja ya watu watakukubali, theluthi moja watakupinga na theluthi moja hawajali hata unafanya nini.

whos-reading-your-blog

Leo nakwenda kukukumbusha zaidi umuhimu wakuacha kukimbiza kila mtu. Kwa sababu unaweza kukimbiza kila mtu, unaweza kutumia nguvu nyingi kuwafikisha watu kwenye kazi zako, halafu wasiendane nazo, wasijali kama ulivyotaka wajali na hilo litakuumiza zaidi.

SOMA; Hicho Unachofikiri Ni Kidogo Na Cha Kawaida, Wapo Wengine Kitawasaidia Mno, Usiache Kuwashirikisha.

Unahitaji kuweka nguvu zako kwenye kufanya kazi yako kwa ubora sana. Kama ni uandishi andika kile kilicho bora, ambacho kinaweza kumsaidia mtu kuwa bora zaidi. Kama ni biashara hakikisha unatoa huduma na bidhaa ambazo ni bora sana kiasi kwamba mwenye shida nazo anazithamini.

Na hapo unawavutia wale ambao ni sahihi, wale ambao watathamini kweli kile unachofanya na mtakwenda vizuri.

Lakini ulitumia nguvu nyingi kutaka kila mtu akubali kazi zako, utakosa muda wa kufanya kile unachofanya kwa ubora, utawakosa unaowatafuta na hata wale wanaojali, waliovutiwa na ubora wa kazi zako mwanzoni, watakosa kile walichokijia na kuondoka pia.

Umeona hasara hiyo, unaowakimbiza huwakamati, na wale waliokuja kwa kujali nao pia unawapoteza.

Jua sifa za wale wanaoendana na kazi yako, na kazana kuwafikia hao kwa wingi. Wale wengine achana nao.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Fanya Uandishi Kama Sehemu Ya Maisha Yako, Na Hutasumbuka Kuandika.

Kila siku unapumua, hujawahi kusema na leo tena inabidi nipumue.

Kadhalika kwenye kula, kila siku unakula, hata kama utabanwa na shughuli zako kiasi gani, lazima utatenga muda wa kula, hata kama ni mara moja kwa siku. Huanzi kulalamika sasa inabidi tena nile.

Sasa inapokuja kwenye uandishi, kwa nini ujiulize na kuanza kutafuta sababu za kuacha kuandika?

Unaonaje uandishi ungekuwa sehemu ya maisha yako? Labda ukiamka tu cha kwanza ni kuandika. Au baada ya kufanya kitu fulani kinachofuata ni kuandika.

Je huoni kwamba uandishi utakuwa rahisi kwako?

Writing4

Lengo langu leo ni kukuambia kwamba, kama umechagua kuwa mwandishi, au kufanya ujasiriamali maarifa, basi ni muhimu kufanya uandishi kuwa sehemu ya maisha yako.

Uandishi usiwe kitu ambacho unafikiria ufanye au usifanye, bali iwe ni kitu ambacho lazima ufanye, kila siku.

SOMA; Tengeneza Hamasa Ya Kuandika, Na Siyo Kusubiri Mpaka Upate Hamasa.

Lakini wakati mwingine watu wanakwama kwa sababu wanaona hawana wazo bora la kuandika, au hawataandika kitu kizuri.

Na mimi ninachokuambia ni andika, siamini kama unaweza kufika mahali akili yako ikawa tupu kabisa, huna wazo lolote, huna chochote ulichojifunza, huna chochote cha kumshauri mtu. Ni ngumu sana hiyo.

Kila siku andika, siyo lazima uandike kitu kikubwa, siyo lazima uandike kitu kilichokamilika. Lakini pia, siyo lazima uandike kitu na kuwaonesha watu. Siku nyingine unaweza kuandika na ukabaki na ulichoandika. Au ukaboresha zaidi na kupata kilicho bora.

Kwa vyovyote vile, andika kila siku, hivyo ndivyo unavyokuwa mwandishi bora.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Fanya Uandishi Kuwa Kazi Yako Kuu, Na Siyo Kitu Cha Pembeni.

Watu wengi wanaoanza kuandika, hasa uandishi wa kujitegemea kama uandishi wa vitabu na makala, huwa wanafanya uandishi kuwa kitu cha pembeni au cha ziada kufanya. Wanakuwa na kazi au shughuli nyingine wanazofanya, na uandishi unakuwa kitu cha ziada.

Siyo jambo baya, hasa unapoanza, kwa sababu unahitaji maisha yaendelee, uwe na kipato cha uhakika na kuendelea kujijenga kiuandishi.

Lakini hili lina changamoto kubwa moja, ukifanya uandishi kama kitu cha ziada, au kitu cha pembeni, unajizuia kukua kiuandishi. Hii ni kwa sababu unakuwa huupi uandishi uzito wa kutosha, unaufanya pale unapopata muda.

Kwa kuwa muda una ukomo, na kila siku yapo mambo mengi ya kufanya kuliko muda tulionao, uandishi unakosa muda. Unajikuta ukisema utaandika kesho au utafanya kesho. Hili ndiyo linasababisha wengi wanashindwa kukuza uandishi wao na hatimaye kuwa kazi ya kudumu kwao.

andika kila siku

Ninachotaka kukuambia hapa ni ufanye uandishi kuwa kazi yako kuu. Hapa simaanishi uache kazi nyingine zote, bali utoe kipaumbele cha kwanza kwenye uandishi. Uhakikishe unafanya uandishi kwanza kabla ya shughuli nyingine zozote.

Hapa huhitaji kufanya mabadiliko yoyote makubwa, bali unachohitaji kufanya ni kutenga muda wako wa uandishi na kuutumia kila siku kwa lengo hilo la uandishi. Kwa mfano unaweza kutenga saa moja kwa siku kwa ajili ya kuandika. Kisha ukapanga kuamka asubuhi na mapema na kuandika, kabla hujafanya kitu kingine chochote.

Ukishaweka mipango hiyo, kila siku asubuhi unaamka mapema na kuandika. Iwe unaandika makala na kuweka kwenye blog, au unaandika kipengele au sura ya kitabu, kwa kufanya hivi kila siku, unapiga hatua kubwa kiuandishi.

SOMA; Tengeneza Hamasa Ya Kuandika, Na Siyo Kusubiri Mpaka Upate Hamasa.

Muhimu ni kutenga muda na kujijengea nidhamu ya kufuata muda ule ambao umeutenga kufanya kile ulichopanga kufanya. Kwa njia hii uandishi unakuwa kazi yako kuu, bila ya kuathiri kazi zako nyigine.

Uandishi ni njia nzuri ya kuja kununua uhuru wako wa baadaye, njia unayoweza kuitumia sasa wakati unaendelea na shughuli zako nyingine na isiathiri chochote.

Tumia fursa hii nzuri, hasa kwa zama hizi za taarifa, ili kuweza kujitengenezea uhuru mkubwa baadaye. Kama umekuwa unapanga kuandika kitabu, anza sasa na andika kila siku. Kama huna blog, fungua sasa na anza kuandika kila siku. Kama huna blog na unahitaji, tuwasiliane 0717396253, karibu sana.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Mambo Muhimu Ya Kuzingatia Kiuandishi Kabla Ya Kuandika Kitabu.

Waandishi wengi ambao wamekuwa wanaandika vitabu vyao vya kwanza, yapo makosa mengi ambayo wamekuwa wanayafanya, ambayo yanapelekea vitabu wanavyotoa visiwe bora sana.

Japokuwa ni kawaida kukosea kwenye kitu cha kwanza, lakini vipo vitu ambavyo unapaswa kuepuka kuvikosea kwa sababu ni vya kawaida sana katika uandishi.

Uandishi wa vitabu una mambo mengi, kuanzia kuja na wazo, uandishi wenyewe, upangaji wa bei, usambazaji na uuzaji. Leo nataka nikushirikishe machache kwenye hatua ya uandishi, ili uweze kuandika kitabu kizuri, kinachosomekana na chenye mwonekano mzuri.

q

Kwanza kabisa ni ukubwa au urefu wa kitabu.

Wapo watu ambao wanaandika maneno elfu tano au elfu kumi na kusema wameandika kitabu. Hicho siyo kitabu, bali ni makala ndefu au ripoti kama unaweza kuiita hivyo.

Kitabu hasa kinapaswa kuwa na maneno elfu sitini na kijitabu kinakuwa na maneno elfu thelathini.

Hivyo unapopanga kuandika kitabu, hakikisha unaandika siyo chini ya maneno elfu 30.

Elewa hapo nimetumia idadi ya maneno na siyo idadi ya kurasa. Kwa sababu wengi huangalia kurasa ngapi za kitabu, sasa kurasa zinadanganya kwa sababu ukiweka maandishi makubwa, kurasa zinaweza kuonekana nyingi. Tumia idadi ya maneno, haidanganyi.

Jambo la pili ni uchaguzi wa aina ya maneno (fonts) unayopaswa kutumia. Zipo aina nyingi za maneno unaweza kutumia kwenye uandishi, lakini kwa mwonekano mzuri na kwa kila mtu kwa kila kifaa anachotumia, TIMES NEW ROMAN au CALIBRI (BODY) Ni nzuri katika uandishi wa vitabu.

SOMA; Makundi Matatu Ya Wasomaji Wa Kazi Zako Ambayo Unapaswa Kuyajua Ili Kufanikiwa Kwenye Uandishi.

Jambo la tatu ni ukubwa wa maneno unayotumia. Na huu huwa ni kwa namba. Wapo ambao wamekuwa wanatumia maneno makubwa ili kuonekana vizuri, lakini wakati mwingine hayo huharibu mwonekano wa kitabu. Hivyo namba nzuri kutumia ni namba 12 kwa aya za kawaida, 16 kwa kichwa cha habari na namba 14 kwa kichwa kidogo cha habari au kipengele.

Jambo la nne ni idadi ya sura za kitabu. Hata kama kitabu ni kirefu kiasi gani, jitahidi kisiwe na sura nyingi, kuwa na kitabu chenye sura 30 inaweza kumfanya msomaji aone ni kirefu sana na hatamaliza. Badala yake jitahidi kuweka pamoja vile vinavyoendana. Kuwa na sura zisizozidi kumi na kwenye kila sura kuwa na vipengele viwili mpaka vitatu. Kwa mpango huu unampa msomaji mtiririko mzuri.

Zingatia mambo hayo katika hatua ya uandishi wa kitabu na utaweza kuandika kitabu kizuri, kinachovutia kusoma na hata kueleweka na wasomaji wako.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Jinsi Ya Kuongeza Mauzo Ya Vitabu Kwa Waandishi.

Waandishi wengi wapya wa vitabu, huwa wanakutana na changamoto moja kubwa sana pale wanapotoa vitabu vyao vya kwanza. Changamoto hii huwa ni matarajio yao kutofikiwa.

Walichokuwa wanatarajia kabla ya kutoa kitabu, na wanachopata baada ya kutoa vitabu huwa tofauti kabisa.

fb instagram

Kabla ya kutoa vitabu waandishi huwa na matarajio makubwa sana. Huona uwezekano wa kuuza nakala nyingi za vitabu na kuwafikia wengi kwa haraka. Lakini wanapotoa kitabu, ndiyo wanakutana na ukweli kwamba hawawezi kufikia yale matarajio yao kwa haraka waliyokuwa nayo.

Katika kipindi cha leo, nimekushirikisha njia za kuweza kuongeza mauzo ya vitabu kwa waandishi.

Kwenye kipindi hichi nimezungumzia mambo matatu muhimu ambayo ni kutengeneza wasomaji wa kitabu kabla ya kutoa kitabu, kuweka mipango sahihi ya idadi ya vitabu na muda wa kuviuza na mwisho kutangaza kuhusu kitabu chako kupitia mitandao ya kijamii.

Angalia kipindi hichi cha leo, uweze kujifunza njia za kuongeza mauzo ya vitabu vyako.

Unaweza kuangalia kipindi hichi kwa kubonyeza maandishi haya, au kwa kuangalia moja kwa moja hapo chini kama kifaa chako kinaruhusu.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Tengeneza Hamasa Ya Kuandika, Na Siyo Kusubiri Mpaka Upate Hamasa.

Tofauti ya waandishi waliobobea na waandishi wachanga haipo kwenye wingi wa maandishi au ubora wa kazi wanazotoa.

Tofauti kubwa kabisa ipo kwenye hamasa.

qa

Waandishi wachanga na wa kawaida huandika pale wanapopata hamasa. Anaweza kuwa amepanga ataandika kila siku, lakini unapofika muda wa kuandika anaona hana hamasa. Anaahirisha kuandika mpaka pale anapopata hamasa. Sasa jambo moja kuhusu hamasa ni kwamba, huwa haiji, hivyo hawaandiki na hivyo kushindwa kuwa waandishi wakubwa.

Waandishi wakubwa na waliobobea wanajua kitu kimoja, kazi ya mwandishi ni kuandika, iwe ana hamasa au la. Hivyo waandishi hawa huandika kila wanapopanga kuandika, na hawajiulizi iwapo wana hamasa ya kuandika au la. Wanapanga muda wa kuandika, na mara nyingi ni kila siku, muda ule unapofika, wanakaa chini na kuandika.

SOMA; Unawezaje Kuandika Pale Unapokuwa Hujisikii Kuandika?

Ili uweze kutoka kuwa mwandishi mchanga au wa kawaida, na kuwa mwandishi aliyebobea na mkubwa, andika kila siku, andika iwe una hamasa au la.

Swali ambalo wengi wanajiuliza ni kwamba watapata wapi mambo mazuri ya kuandika kwa wengi. Wengine hufikiria bora kuandika vitu vichache ambavyo ni bora kuliko vingi ambavyo ni kawaida.

Na hapa ndipo wanapojidanganya sana kwa sababu, ubora wa kazi za uandishi huwezi kuupima wewe, bali wale wanaopokea kazi zako. Unaweza kuandika kazi wewe ukafikiria ni bora ila wasomaji wakaona ni ya kawaida tu.

Hivyo jibu ni moja, andika kazi nyingi, iwe vitabu, makala au njia nyingine za uandishi, kisha wasomaji wako wataona zipi zinawapendeza.

Swali la msingi unawezaje kutengeneza hamasa ya kuandika pale unapopanga kuandika?

Kwanza kabisa lazima uhakikishe unaepuka kila aina ya kelele, na hapa simaanishi kelele za watu pekee, ila kelele kuu ya zama hizi ambayo ni mitandao ya kijamii.

Usipange kuandika na wakati huo huo upo kwenye mtandao. Utakapokuwa unaumiza mawazo uandike nini, itakuwa rahisi kwako kukimbilia kwenye mtandao kuangalia nini kinaendelea. Na ukishaingia kwenye mtandao, huwezi kurudi tena kuandika.

Panga muda wa kuandika, anza na muda mfupi, labda dakika kumi au nusu saa. Kisha usikubali kufanya kitu kingine chochote ndani ya muda huo ila kuandika. Hata likakujia wazo zuri kiasi gani, achana nalo na kaa chini uandike. Ukiweza kujizuia kwa kiasi hicho, utakuwa umeweza kutengeneza hamasa ya kuandika. Utaweza kuandika kazi nyingi na kati ya hizo, lazima utakuwa na kazi bora.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Hapo Ulipo Tayari Umekamilika Kama Mwandishi, Anza Kuandika Utaendelea Kuwa Bora Zaidi.

Mwandishi mmoja aliwahi kuandika kwamba iwapo utasoma kitu ulichoandika siku zilizopita na usijishangae, basi wewe siyo mwandishi. Anachomaanisha ni kwamba, kwenye uandishi hakuna ukamilifu. Unachojua na kuamini leo, kinaweza kuwa tofauti kabisa unachojua na unachoamini miaka inayokuja.

Wapo watu wengi ambao wamekuwa wanapenda kuandika, lakini wanaona bado hawajakamilika. Mwingine atakwenda hatua mpaka ya kuwa na blog au ukurasa wa kuandika, lakini haandiki.

Writing4

Anachojiambia ni kwamba bado hajawa tayari, akiamini kuna hatua akifikia basi anakuwa mwandishi aliyekamilika na kuweza kaundika vizuri.

Ukweli ni kwamba, kama unapenda kuandika, unachopaswa kufanya ni kuandika. Kwa sababu hapo ulipo, tayari umekamilika. Tayari una kila unachohitaji ili kuwa mwandishi bora, unachopaswa kufanya ni kutumia kile ambacho kipo ndani yako.

Ndiyo utahitaji kuendelea kuwa bora zaidi, utaendelea kujifunza zaidi na kuendelea kubadilika kadiri muda unavyokwenda. Lakini hilo halipaswi kukuzuia wewe usianze kuandika.

SOMA; Unawezaje Kuandika Pale Unapokuwa Hujisikii Kuandika?

Hata ungesubiri muda mrefu kiasi gani, bado utakapoanza kuandika, utahitajika kujiboresha zaidi, utahitaji kujifunza zaidi.

Hivyo kama ilishawahi kukutokea kwenye mawazo yako kwamba unapenda kuandika, au unaweza kuandika na wengine wakanufaika na unachoandika, basi ishia hapa na nenda kaandike. Kaandike kwenye ukurasa wako kwenye mitandao ya kijamii na muhimu zaidi andika kwenye blogu yako. Kama huna blog basi tuwasiliane kwa wasap 0717 396 253 na nitakupa njia bora na rahisi ya wewe kuwa na blog na kuweza kaundika kila siku.

Anza kuandika sasa, usisubiri kesho au mpaka uwe tayari, upo tayari, unachohitaji ni kuanza.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Soma Maandiko Ya Miaka Mia Tano Iliyopita, Na Utajifunza Kitu Hiki Kikubwa Sana.

Vitu vingi vinavyoandikwa sasa, vilishaandikwa miaka mingi sana ambayo imepita.

Changamoto za watu ni zile zile, fedha, mahusiano, afya, muda, kazi, biashara, mapenzi na imani.

Kinachobadilika ni zama ambapo changamoto hizi zinatokea, na njia zinazopatikana za kutatua changamoto hizi.

Hii inatupa siri moja muhimu, ili kufanikiwa kama mwandishi, lazima uwasome waandishi wengine, tena wa siku za nyuma sana.

Kwa lile eneo unaloandikia, nenda miaka elfu moja nyuma, au hata miaka mia tano nyuma, ukishindwa, basi nenda miaka mia moja nyuma.

Soma kazi ambazo zimeandikwa katika kipindi hicho. Angalia changamoto ambazo watu walikuwa nazo wakati huo. Angalia njia zilizokuwepo za kutatua changamoto hizo kwenye zama hizo.

Ancient Writing

Hili litakupa wigo mpana wa kufikiri kwa kina, litakuwezesha kuja na majibu na suluhisho ambalo wengi kwa sasa hawalifikirii.

Tatizo kubwa sana kwenye kila eneo la maisha yetu ni kwamba zipo njia fulani ambazo zinaonekana ndiyo sahihi na watu ndiyo wamezoea, na wanazifuata hizo hizo, kwa sababu ndicho wamezoea kuona.

Kwa wewe kwenda miaka mia moja nyuma, na kuangalia mambo yalivyofanywa, itakuwezesha kufikiri tofauti na hapo utakuja na majibu ambayo wengi hawajayazoea. Yatakuwa majibu bora ambayo yatawasaidia wengi.

SOMA; Kuwa Halisi, Simamia Kile Unachojua Na Kuamini Kupitia Uandishi Wako.

Unaposoma kazi za miaka mingi iliyopita, angalia ni kwa namna gani zinaweza kuwasaidia watu katika zama za sasa. Kwa mfano, miaka mia moja iliyopita, hakukuwa na mtandao wa intaneti, hivyo watu waliandika kwa njia za kawaida, vitabu na magazeti au majarida. Lakini sasa hivi mtandao wa intaneti unatoa fursa ya mtu kaundika bila ya kuchapa vitabu au magazeti na majarida. Hapa unaweza kuchanganya njia ya zamani na njia mpya na kuweza kufanya kazi bora kabisa.

Hivyo pia ndivyo ilivyo kwenye maeneo mengi, kuna njia ambazo zilizoeleka kwa zama hizo, ambazo kwa sasa wengi hawazipi uzito. Angalia namna gani unaweza kuchanganya njia hizo na zilizopo sasa ili kuboresha zaidi kile ambacho watu wanafanya.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.

Usiandike Kitabu Kama Hakuna Anayekujua, Itakukatisha Tamaa.

Watu wengi wamekuwa wakiniandikia kuomba ushauri kuhusu uandishi wa vitabu. Wapo ambao tayari wanakuwa na vitabu wakati wengine ndiyo wanafikiria kuandika kitabu kwa mara ya kwanza.

Swali langu la kwanza kwa watu hawa huwa ni nani anayekufahamu? Kwa sababu kama hakuna anayekufahamu, kitabu unamwandikia nani?

Tunaishi kwenye dunia yenye kelele nyingi mno, kuna maarifa na taarifa za kila aina. Wapo waandishi wengi wanaotoa vitabu kila siku. Kipi kitamfanya mtu ajue kitabu chako na kukinunua?

abc

Unahitaji kuwa na watu wanaokujua tayari, ambao watakuwa wateja wa kwanza wa vitabu vyako. Na ninaposema kujua simaanishi kukujua wewe kwa jina na unapoishi, bali wanaokujua kupitia kazi zako za uandishi.

Mtu anapokujua wewe, kwa kujua kazi zako za uandishi, ambazo kwa kiasi fulani zinakuwa zimemsaidia, inakuwa rahisi kwake kununua kitabu chako. Hata unapotoa kitabu na kumwambia hapa nina kitabu kinaweza kukufaa, atachukua hatua mara moja.

Tofauti na mtu ambaye hajawahi kukusikia kabisa, anaweza kukutana na kitabu chako, lakini asiwe na msukumo wa kukinunua.

Swali muhimu ni je watu wanakujuaje?
Na hili ni swali muhimu na rahisi sana kujibu kwa zama hizi tunazoishi. Watu wanakujua kupitia intaneti na mitandao ya kijamii.

Kwa intaneti unahitaji kuwa na blog ambayo inaandika mambo yanayoendana na kile kitabu ulichoandika au unachopanga kuandika. Kupitia blog yako utatengeneza wasomaji ambao watakuwa wanakutegemea na kusikiliza kile unachosema. Hawa wanakuwa rahisi sana kununua kutoka kwako.

SOMA; Vitu Viwili Unavyohitaji Ili Uweze Kutengeneza Fedha Kupitia FACEBOOK.

Kupitia mitandao ya kijamii unahitaji kuwa na kurasa ambazo unazitumia kuwaelimisha watu kwa kile ambacho unaandika au umeandikia kitabu. Kupitia kurasa hizi watu wanakufuatilia na kujifunza, unapokuwa na kitabu na kuwaambia hichi hapa ni kitabu kinachoweza kukusaidia, watakuwa tayari kununua kutoka kwako.

Haya mawili ni muhimu sana kwako katika uandishi na uuzaji wa vitabu kwa zama tunazoishi sasa. Hata kama vitabu vyako unapeleka kwenye maduka ya vitabu, kukaa pale haimaanishi vitanunuliwa. Lakini unapowaambia wanaokufahamu kupitia kazi zako kwamba kitabu kipo duka fulani, wataenda pale na kununua.

Ni muhimu sana uwe na wasomaji kabla hata hujaandika kitabu, hili litakusaidia kuwafikia watu wengi kupitia kitabu ulichoandika au unachopanga kuandika.

Tumia ujuzi, utaalamu na uzoefu wako kutengeneza kipato kwenye mtandao wa intaneti kupitia MTAALAMU NETWORK. Kupata ushauri wa blog na jinsi ya kutengeneza kipato tuma ujumbe wasap namba 0717 396 253.

Makirita Amani,

Kupata blog yako ya kitaalamu na kuweza kutengeneza fedha kwenye mtandao, BONYEZA MAANDISHI HAYA.

Kupata kitabu cha JINSI YA KUTENGENEZA FEDHA KWENYE MTANDAO KWA KUTUMIA BLOG, bonyeza maandishi haya.

KUPOKEA MAKALA NA MAARIFA YA KUTENGENEZA FEDHA KWA BLOG KWENYE EMAIL YAKO BONYEZA MAANDISHI HAYA NA UJAZE FOMU.